الموضوع: الخطوة الثانية: سيارة الشركة وحادث (أدخلوا وانظروا للصور واحكموا من المخطئ)

المشاركة الأصلية كتبت بواسطة mmamdouh

لكن عمليا محدش فينا بيقدر يسيب المسافة القانونية الصح...

حد فيكم يقدر يسيب 33 متر فاضيين بينة و بين العربية اللى قدامة فى اى حتة فى مصر؟؟؟؟؟؟؟؟؟؟؟؟؟؟؟؟؟؟؟؟؟؟ ؟



اخر حاجة قصة اللى "جاى من ورا غلطان" دى كلام فارغ و عار تماما من الصحة... ما انا ممكن دلوقى انزل الدائرى او المحوا و اقف فى وسط الطريق... هل معنى كدة ان اللى حيرشق فيا هو الغلطان؟؟؟...


مفيش حاجة اسمها اللى ورا غلطان... فيه حاجة اسمها واحد خالف القواعد و القوانين و اخطاء و تسبب فى حادث و علية تحمل مسؤلية خطاءه

فى الاخر و باختصار...



لو بنتكلم بشكل عملى وواقعى العربية الحمراء غلطانة 100%

mmamdouh

كلام منطقى ميه الميه...
بس فيه نقطه..
على كلام الرسم...الفرق بين العربيتين كبيرررر.
احنا مش بنتكلم عن عربيه ماشيه ورا عربيه و اللي قدام فرملت فجأه..
لأ...المروض ان اللي جاى من ورا....
شايف المنظر من بعيد ان فيه عربيه مهديه و بتبتدى تقف...
لان اللى قدام موقفش فجأه..
لأ ده وقف تدريجيا....
اللي خبط فيه بقى خبط فيه نتيجه إهمال منه..
انا شايف في الموقف ده..
ان اللي ماشى قدام أخطأ خطأ فنى..يعنى أخطأ فى أصول القياده..
واللي كان ورا ولبس فيه خطأه خطأ إهمال منه و ليس خطأ قياده..و يحاسب عليه..
لان دايما أول ما الواحد إتعلم يسوق ..كانوا يقولولوا اعمل حساب خطأ الغير..
لان مش كل اللي سايق ..حريف....
هو هنا معملش حساب ان الأخ اللي كان نازل المنزل سواق على قده..

اللى ورا من وجهة نظري 70% مخطىء
والتانى 30%...

المشاركة الأصلية كتبت بواسطة terrible_darsh

لا مش مخطا تماما .

العربية الحمراء تقريبا كانت واقفة بعرض الطريق على طريق سريع فى وقت متاخر حتى لو سايب مسافة كويسة .

صاحب الخطا هو صاحب السيارة الحمراء لانه هو اللى سرحان مش صاحب السيارة الصفراء .

بص هنا طريقة الدخول الصحيحة للشارع , الاخ دخلها بطريقة كانت هتسبب كارثة للطريق كله مش اللى وراه بس .



شفت المفروض كان يكون فين ؟

متفق معاك وده كان كلام أ/ محمد ممدوح..
بس اللي انا بقوله..انه مطلعش من العدم...
و كل الخطوات اللى عملها كانت تدريجيه....انا عارف انه خطا فنى فى السواق الحركه اللى هو عملها دى...
بس العربيه اللي فى الخلف..خطأه انه مش مركز معاه..
حقولك لحضرتك نقطه مهمه بردو فى الأحداث...العربيه اللى كانت قدام الحمراء...
هل كان مشغل إشارته ولا لأ؟؟؟
لانها نقطه مهمه جدا...
اى واحد ...ومش حقول أى واحد بردو...بس أى واحد ملم بخبرة السواقه لما يشوف الموقف ده...بيحس ان فيه واحد قليل الخبره عايز يدخل اليمين اللى جاى وأ, لسه بيشاور عقله...فبيعمله حساب...
لمستخدمى الزراعى فى دخله مشابهه هى دخلة ميت غمر...والمتجه للمنصوره..
غالبا اللي داخلها بيفاجىء بيها و تلاقيه هوووب كسر أقسى اليمين..
مش كله بيلبس فيه...
الفكره هى انك ماشى فى عرض الطريق..
واللى قدامك بينك وبينه مسافه و إتبرجل ...وهدى ...وعايز يدخل يمين..ورمى العربيه و و و ....انا كنت فين من كل ده؟؟؟؟؟؟

؟

المشاركة الأصلية كتبت بواسطة terrible_darsh

هو مطلوب من كل واحد يركز فى عربية اللى قدامه ؟ و كل واحد يتوقع اللى قدامه هينط يمين او شمال او هيقف فجاة
.

ده شيء أساسي فى المحروسه...
وإلا كنا كل يوم بنخبط فى تاكسي وقف عشان زبون شاورله..وميكروباص عشان كسر يمين بينزل زبون تاني...وأتوبيس فرمل فجأه عشان واحد لقاه رايح سكته..ولا بتاع دليفري عايز يلحق الأكله قبل متبرد..
دى مش تهكمات على الوضع الحالي..بس مين فينا لما بيسوق مش بيعمل حساب الحاجات دى؟؟

المشاركة الأصلية كتبت بواسطة terrible_darsh

و لا هيركز مع الطريق !
.

مهو هو ده يا فندم الطريق اللى إحنا بنطالب بالتركيز عليه...
ما الفارق بين تركيز مع الطريق...وإنه يكون واخد باله من العربيات اللي ماشيه على الطريق؟؟؟؟؟؟
الإتنين واحد..
يعنى إيه يركز مع الطريق...؟انا بفكر مع حضرتك بصوت عالي

المشاركة الأصلية كتبت بواسطة Mohamed.Fawzy

طالما كان بيعمل مأموريه للشركه بسياره الشركه

يبقى الشركه تتحمل كل التكاليف ... ده المبدأء المتعارف عليه سواء كان غلطان ام لا

تخيلوا لو الموظف ده لا قدر الله مات فى الحادثه كانت ساعتها الشركه لا هتفكر فى عربيه ولا تصليح ولا كلام فارغ

الموضوع مش محتاج لا صور ولا ادله ولا براهين

الشركه اللى تتحمل التكاليف بنسبه 100%

وده للأسباب الأتيه :

1- عربيه الشركه
2- كان فى مأموريه للشركه
3- حتى لو الموظف هوا اللى غلطان فرضا يعنى فده برده غلط الشركه لآنهم هما اللى وفقوا يدولو العربيه من غير سائق يعنى بموافقتهم يعنى هما اللى يتحملوا نتيجه غلطتهم

ده رأيى بصراحه و بما يرضى الله

المشاركة الأصلية كتبت بواسطة MMamdouh

فيه حاجة مهمة عايز اضيفها بعد ما قريت الموضوع التانى و دى لا ليها علاقة بالفرامل ولا الاشارات ولا المرور اساسا

دلوقتى العربية لاصفراء راكبها واحد مهندس عشان يقضى مصلحة للشغل و دة حصل لتوفير النفقات...

معنى كدة ان الشركة فضلت انها توكل مهمة القيادة بتاعت سيارة مملوكة ليها لموظف مش اختصاصة سواقة العربيات... يعنى لا عندة الخبرة ولا المهارة اللى المفروض تبقى موجودة فى واحد موظف بيشغل وظيفة "سائق"... بالتالى حيبقى عرضة انه يحصلة حادث اكتر من واحد شغلتة و مهنتة و اكل عيشة قيادة السيارات و غالبا اى واحد شغال سواق بيبقى معاه رخصة درجة تالتة على الاقل و لما بيتعين بيبقى مطلوب قدر معين من الخبرة السابقة كشرط للتعيين... انا اشك ان المهندس معهوش غير رخصة قيادة خاصة و خبرتة زى اى واحد فينا (مقارنة بخبرة واحد سواق كل شغلتة الدركسيون و الدواسات)

لاسباب مالية تم الاستعاضة عن شخص بالمواصفات دى - سواق - بواحد كل مؤهلاتة فى القيادة ان معاه رخصة سارية - مع احترامى للمهندس طبعا - بالتالى مينفعش نيجى نلومة لما يعمل حادثة سواء غلطان او مش غلطان... دة اساسا مش تخصصة ولا شغلتة

دة كدة زى ما تيجى شركة تجيب المحاسب بتاعها و تقولة اترافع فى القاضية اللى مرفوعة على شركتنا اصل معندناش فلوس نوكل محامى... مينفعش بعد كدة تلومة لما يخسر القضية

صحيح المحاسب راجل متعلم و ضليع فى تخصصة و دارس قانون تجارى... لكن دة لا يعنى انه يقدر يبقى بارع فى اى تخصص تانى لم يدرسة و لا له فيه اى خبرة

MMamdouh

مهو ده اللى بحاول اقوله من الصبح بس تقريبا كله مركز على مين اللى غلطان

لو عايزين نحدد مين اللى غلطان فى المطلق ماشى

انما لو عايزين نحدد مين اللى غلطان علشان التكاليف يبقى ملهاش لازمه لآن الشركه يجب ان تتحمل التكاليف بنسبه 100% للأسباب المذكوره عاليه

المشاركة الأصلية كتبت بواسطة terrible_darsh

انا معاك ان ده التركيز اه .

بس التركيز يبقي فى انك تبقي واحد بالك من عربيتك و من الشوارع اللى هتمشي فيها و من العربية اللى قدامك و اللى جمبك , لكن متركزش و تنشغل بتصرفات واحد خارجة عن سلوك الطريق .

يعنى لما تلاقى واحد بيدخل يمين و يرجع تانى و بعدين يتوقف , لو اتخذت اى قرار هيكون ضدك انت مش هو .

هو مش هيحصل له حاجة , لانك فرملت بسرعة مع انه متردد فى الدخول , لكن انت بقي توقع انك تسبب كارثة وراك لانك توقفت فجاة و اللى وراك ميعرفش ايه اللى بيحصل قدام .

كده يبقي صاحب العربية الحمراء سليم و الطريق كله هيتدمر خصوصا انه طريق سريع .

أنا ححكي لحضرتك موقف...كنت ماشى على طريق المحله طنطا...وانا ماشى فى الحاره الشمال و قدامي عربيه أوكتافيا.... وقدامنا إحنا الإتنين عربيه نقل بمقطوره...
ماشيين إحنا الإتنين بسرعه...عايزين نعديه...الأكوتافيا دخل فى الحاره اليمين...وانا دخلت وراه...المسافه بينا لا تتعدى 4 أمتار..
صاحب الأوكتافيا فوجىء بتلت قراطيس و عمليات حفر خلف القراطيس فى الحاره اليمين(الطريق حارتين).
كبس فرامل للتوقف...و خلى بالك للتوقف

يعنى مش بيهدي لأ ده عايز يقف...انا طبعا مش شايف كل اللي قدامه ده...لقيت واحد فى الحاره اليمين كابس فرامل عايز يقف...و طبعا انا هديت بفرمله جامده نوعا ما..لحد ملقيته قايد الإنتظار....فكبست فرامل جامده...الحمد لله بفضل الله محصلش حاجه...
بس اللي عايز أوضحه ..ان انا كنت ماشي وراه وبسرعه..و مش سايب مسافه كبيره...
ودخلت الحاره اليمين وراه على طول لتخطى المقطوره..و فجأه هو وقف...لو كنت دخلت فيه...كنت حقولك انى حتى لو سايف مسافه كبيره....حخبط فيه؟؟؟؟انا مكنتش سايب مسافه تقريبا...بس صاحيله...متوقع انه يعمل أي حاجه.!!!
و فعلا حصل انه وقف على الطريق ...على فكره كانت فيه عربيات جايه ورانا بس الحمد الله كله تدارك الموقف..
في الحله المذكوره....العربيه بدأت تهدي و تهدي و تدخل يمين...و بعد كده حتى السكون التام...يعنى مكبست فرمله مره واحده ..عشان عربيتها تزحف..
التانيه بقى لعدم تركيز ...أ, انشغل فى أي حاجه تانيه...فضل مكمل لحد مفوجىء بالعربيه على مسافه معينه إستدعت إنه يكبس فرمله لدرجة انها زحفت منه لحد مخبط فى بعض..انا بقول لو كان شايف الموقف من بعيد كان هدى من سرعته بس هو فوجىء بالموقف لما بقى على بعد 10 -15- متر و بسرعه كبيره
قارن بين الموقفين...
موقف فيه مسافه وخبط...
و موقف مفيس مسافه و اللى قدام كبس فرامله بغرض إنه يقف..ومحصلش صدام..