احنا دوله عايشه بفكر الصنايعيه :
يوم يكسب الف جنيه ييجى باقى الاسبوع يقعد على القهوه ويصرف فى الالف جنيه.وما يرضاش يشتغل
امال وزير الزراعه السابق اللى كان بقاله 20 سنه كان بيعمل ايه
نفس الفكره معانا ميه كتير النهارده نعمل ايه :
نغسل العربيات بميه شرب
نغسل الشوارع بميه الشرب مع ان اشوارع اصلا مليانه زباله
نعمل حمامات سباحه ونفضيها ونملاها كل يوم وملاعب جولف ونسقى ارضيه الجولف بميه الشرب
طيب نفكر لبكره ..... لا
نجيب علماءنا زى فاروق الباز ونسألهم نعمل ايه فى المشكله دى ....لا
نحوش شويه ميه فى سد او بحيره جديده طيب ما الدنيا واسعه عندنا ...لا
نعمل حساب الزمن وولادنا يا جدعان ....... لا
نعمل اعلانات ونوعى الناس ......امال اعلانات الضريبه العقاريه تروح فين
واعلانات انظر حولك تروح فين
وبعد كل ده نقول القذافى مش حلو واثيوبيا مش حلوه
لا والحل اللى بيتعمل ايه دلوقتى لو ملاحظين :
ارسال بطاطين لاثيوبيا
ارسال عصير جهينه لاثيوبيا
ارسال بورسلين الجوهره لاثيوبيا
ارسال وفد لمكافحه بعوضه الشيسوفرينيا باثيوبيا
ارسال مهندسين لبناء منتجع بورتو اثيوبيا السخنه ودريم اثيوبيا
واحب اسمع اغنيه يا حبيبتى يا اثيوبيا يا اثيوبيا
المفضلات