الاخلاق والنظام هما مفتاحين حالة الفوضى اللي عايشنها
مفيش منظومة عايشين جواها - كل واحد المفروض ليه هدف عايش عشانه
تعالى اسأل اي شاب اللي هما اكبر ترس في المجتمع انت هدفك ايه؟
لو كان بايظ هايقولك اديني مقضيها جامعة وبنات وبعد الجامعة يقولك اتلقح في اي شغلانة واجيبلي حتة عربية اكن جواها واقضيها سرمحه
لو من الجيل الكويس شوية يقوللك اتجوز واعمل بيت واسرة
هو ده هدفك في الحياة !
تتجوز واحدة تعمل عليها راجل وتطلع عقد نقصك عليها ؟؟!!
معندكش هدف معندكش حاجة او مشروع او برنامج منظم ليك او لحياتك
عايشين حالة من الفساد نتيجة لضياع اهم مقومات اي أمه ناجحة
النظــــــــام والاخـــــــــلاق
تقدر تقوللي انهي مكان دخلتة لقيته منظم
انهي جهاز في بلدك فيه نظام او اي مؤسسه
مفيش وجود لشيء اسمه نظام بداية من التعليم الى المؤسسات الحكومية لاجهزة الدولة وسيطرة الروتين والبيرواقراطية عليها
للمرور وما يتسسبه من ازمات ل ل ل ل
نظام يحكم الشعب
طب ايه الرقيب الداخلي على كل فرد
الاخلاق
انما الامم الاخلاق ما بقيت فان هم ذهبت اخلاقهم ذهبوا
وده اللي حصل لا وجود للرقابة الداخلية على الفرد في اخلاقة
وتلاقية قمة السفالة والانحطاط التربوي في الشارع وفي المدرسة والجامعة وكل المؤسسات
مع ان نفس الشخص اللي اخلاقة بايظة لو انخرط في نظام تفاعلي جيد بيكون جزء من نفس المنظومة وترس جيد في ألة العمل
هل احنا بحاجة لادارة جيدة
هل احنا بحاجة لحد يديرنا صح
افتكر في وقت من الاوقات كنت بشتغل في مشروع مترو الانفاق وكانت ادارة فرنسية
اووووف على نظامهم في الشغل
عندنا في في شركتي ودي من اكبر شركات الكهرباء في العالم وذات ادارة سويسرية
الادارة الاجنبية عندنا حاجة لا توصف وقوية بشكل فظيع
اي مكان عايزين يظبطوة في الشركة يحطوا فيه واحد اجنبي
سواء فنلندي او سويسري او الماني انما مصري
هوووب باظت مهما كان شديد ومهما كان قوي ومركزة حساس
دي اكبر مشكلة بتقابلني ونفسي اعيش في بلد في نظام ناجح وولادي يطلعوا جزء من المنظومة دي
يفيدوا ويستفيدوا يتعلموا ويبنوا ياثرو ويتأثرو
طب انا هاقدر اظبط فيهم حتة الاخلاق والوازع الداخلي
لكن لما يطلعوا يلاقوا كمية الفوضى اللي عايشين فيها
هاقدر اديلهم مبرر انهم يستمروا على نفس اخلاقهم والتعاليم الكويسة اللي ربيتهم عليها
يا رب اديني القدرة اني احل المعادلة الصعبة دي