ارجوكم بسرعة انا لايص

**samirayad** · 04-05-2010 05:08 PM

وبرضه قيس البطاريه يمكن تكون فضيت بسبب أن الدينامو مبيشحنش
وعطل فجأه

حستبعد الجزئيه دى من كلامى

لأنها مش وارده حاليا
طالما الميكانيكى كان بيختبر توزيع كهرباء من الأسبراتير

يعنى فيه كهرباء فعلا فى البطاريه
وكده النقطه دى حاليا مش دقيقه للحاله دى

**SAMEH_FOUAD** · 04-05-2010 05:25 PM

طيب حضرتك حاول تشرح اكتر حالة العربية دلوقتى اثناء محاولة التدوير بعد حدوث المشكلة عشان نعرف اية اللى شغال واية اللى قاطع

**mah_almasry** · 04-05-2010 10:37 PM

بشكرك جدااا استاذ سبعاوي والمهندس سمير وكل الاخوة
بس اخوكم جديد ومعرفش افحص الاقتراحات دي لوحدي . رحت للميكانيكي والكهربائي وقالولي الاسبراتير قاطع كهرباء ولازم يتغير . ودوخت عليه النهاردة معرفتش اجيبه من شارع العشرين علي حد وصفهم . وفي الاخر قالولى روح الوكالة . هروح بكرة الوكالة ادعولي اعرف الاقي زيه . العربية مش ناطقة خالص . يا رب الاقيه بسعر معقول انا سمعت انه هيعدي 250 جنيه . ربنا يسترها

**mah_almasry** · 04-05-2010 10:40 PM

المشاركة الأصلية كتبت بواسطة semsem kane

طيب حضرتك حاول تشرح اكتر حالة العربية دلوقتى اثناء محاولة التدوير بعد حدوث المشكلة عشان نعرف اية اللى شغال واية اللى قاطع

هي حاليا بدور اسمع تكتكة ومش بتدور . قعدوا يكشفوا ويدوروا وفي الاخر قالولي الاسبراتير قاطع كهرباء . وطلبوا اشتري غيره وانا مش لاقيه . علي فكرة العربية لانسر موديل 90 . جزاكم الله كل خير يا اهل الخير

**aymanmaly** · 04-05-2010 11:20 PM

علشان ميتعملش عليك شغل اول حاجة تبص عليها الفيوز العمومى للكهرباء ممكن يكون ضرب ودة عيب منتشر و دائما اسهل الحلول هى الابعد عند المتخصصين
و اذا طلع سليم يبقى اتجة اتجاة تانى من الى قالوة لك الاخوة
وحاول تنزل التوفيقية وسط المدينة او شارع بيروت مصر الجديدة ان شاء الله هتلاقى كل الى انت عايزة وابقى طمنا

**SAMEH_FOUAD** · 05-05-2010 12:55 AM

المشاركة الأصلية كتبت بواسطة mah_almasry

هي حاليا بدور اسمع تكتكة ومش بتدور . قعدوا يكشفوا ويدوروا وفي الاخر قالولي الاسبراتير قاطع كهرباء . وطلبوا اشتري غيره وانا مش لاقيه . علي فكرة العربية لانسر موديل 90 . جزاكم الله كل خير يا اهل الخير

لأ يبقى قبل ماتعمل اى حاجة هات السلك اللى بيتوصل للاسبراتير وشوف فية كهرباء ولا لأ لو لقيت فية كهرباء يبقى كدة ممكن يكون من موزع الكهرباء .لو مالقيتش يبقى اكشف على الفيوزات كويس ممكن يكون ضارب ,او تجيب كهربائى شاطر لائما قبل ماتجيب اى حاجة تكشف على الاسبراتير اللى معاك

**m.aligamal** · 05-05-2010 02:50 PM

نفس الى حصل معايا بالفعل و طلعت البوبينه قطعت اشتريت بوبينه جديده تايوانى و الحمد لله العربيه داخله على 6 شهور من بعدها و تمام التمام حاول حضرتك لو بوبينه اشتريها جديده او تشترى اسبراتير استيراد برضه بس انا فى عربيتى البوبينه لواحدها 210 و الاسبراتير مستعمل 800 جنيه عشان كده ركبت بوبينه و خلاص

**mah_almasry** · 05-05-2010 04:08 PM

انا للاسف لقيت الاسبراتير استيراد ب 850 جنيه وواحد قالي هيغير البوبينة ب 450 جنيه . بس صراحة انا لسه تايه ومش عارف اعمل ايه ؟ انا بجد بشكر كل الأخوة اللي واقفين جانبي . ربنا يكرمكم ويزيدكم خير