الطاغية الصغير

**hany_mohamed** · 04-05-2010 11:07 AM

لاااااااا طاغية مش ممكن يا مدام نور .... انا عندى بنتى 5سنين ونص ديكتاتوره بس
يعنى الاغانى اللى تشتغل فى العربية على حسب مزاجها و محطات التلفيزيون 24ساعة ام بى ثرى ونيكولوديون وسبيس تون و خليل وميرنا و احمد ادم
أماكن الخروج لازم يكون فيها مكان لعب لاطفال ... الكمبيوتر الديسك توب ده خلاص قامت بالاستيلاء علية و كده يعنى ... انما طاغية ربنا يحفظنا

**human** · 04-05-2010 12:55 PM

جنا بتقولى
بابا بتحبنى قولتلها اه بحبك(و انا متوجس خيفه من اللى بعده) - قالتلى محمد طول اليوم يلعب على الكومبيوتر و مش بيخلينى العب
قلتلها حاضر هقوله هو اخوكى الصغير برضه و لسه مش فاهم
قالتلى اه انا كبيره عندى فايف - قولتلها ايوه صح كده
قامت بصوت مكسور بس هوه بيحب يلعب عليه اوى و ياكل الحوت (البيه بياكل الحوت اللى فى Frenzy فى اخر مرحله عادى- و ييجى يقول بابا اكلت العو انا كلت الحوووت انا قوى) المهم قلت لجنا طيب عايزه ايه جات فى حضنى و قالتلى عايزه كده لابتوب نونو!!! قلتلها ليه يعنى قالتلى عشان يبقى بتاعى و العب بيه و كمان و انا بنام

الله يكرمك يابا ماكنتش استجرى اقوله هاتلى مسدس بحبش

**hany_mohamed** · 04-05-2010 12:56 PM

المشاركة الأصلية كتبت بواسطة نور القمر

ههههههههههههههههه والله حكاياتكم كلها جميلة هلكتني ضحك ماشاء الله عليهم
وخصوصا موضوع دكتور سامي بتاع حجاجية الثقفي دي
ملقتش غير فروة الراس تعضها دي بتجرب سنانها ولا ايه ههههههههههههه
ربنا يخليهم ويحفظهم جميعا
موضوع التليفزيون وقنوات الاطفال ده مشكلة
انا مرة شغلت ام بي ثري ليوسف في اوضتي لقيته هايتعود على كدة والتليفزيون الصغير هايحصل الكبير ويبقه شغال كارتون روحت لغيت الموضوع بسرعة
وفي مواقف كتير لدهاء الاطفال في السن الصغير تحت السنتين
يعني احمد الكبير وهو لسه بيتعلم المشي كان يستغل اني بصلي لانه عارف ومتأكد انه مش هتكلم ويعمل حاجة من 2
ياما يجيب برفانات من على التسريحة وهاتك يا خبط في الارض على البتاعة اللي بنضغطها عشان يرش البرفان
الحاجة التانية كان عندي تلاجة مكتب صغيرة وانا في ابوظبي في الرسيبشن يفتحها ويفضل واقف فيها
لدرجة ان بقيت اقفلها بالمفتاح بسببه وموضوع المفتاح لفت نظر بعض الضيوف وعلقوا عليه لما كنت اجي اطلع عصير مثلا وافتح واقفل بالمفتاح
طبعا قالوا عليا بخلية وخايفة لحد يفتح التلاجة من ورايا ههههههههههه

ربنا يخلى لك أولادك ويفرحك بيهم دايما
بمناسبة اقتراب عيد ميلاد المنتدى ياريت مفتاح التلاجة ده لو تفضلتى تبعتيه و نروح بسرعة نجيب الخيرات اللى فيها "ماشاء الله" من أبو ظبى أهو تسند شوية أخويا شنورى فى تجهيزاته للاحتفال

**النوبي** · 04-05-2010 01:02 PM

المشاركة الأصلية كتبت بواسطة نور القمر

التلاجة ام مفتاح دي كانت زمان ايام ابوظبي وخيرات ابوظبي
دلوقت خلاص هي تلاجة كريازي يتمية من غير مفتاح وعليها يافطة مكتوب عليها
((تعاطفك وحده مش كفاية تبرع ولو بورك فرخة او ممبارايه )) :oc_sun1[1]:

ههههههههههههههههههههههه
يخرب عقلك يانور

**shaddadfalcon1** · 04-05-2010 02:52 PM

هو دايما كده اخر العنقود تلاقيه دمه خفيف والكل ملبي طلاباته مش عارف ليه
زي مايكون عارف

**dolly13** · 04-05-2010 03:30 PM

والله يانور انا عندى طاغية برده
هو الاخ الاوسط لبنتين واسمه نور برده
بصنعة لطافة كدة بدا يستولى على الكمبيوتر بتاعهم وشوية كمان وبدا يستولى على التلفزيون والريسيفر
وبقى من المستحيل حد من اخواته يقترب من هذه الملكية والا تقوم حريقة فى البيت
بس فى الاخر هما كلهم زى العسل والسكر والواحد مابيقدرش يزعلهم قوى
لكن فى الاخر انا وباباهم اللى بنتفرم فى النص علشان كل واحد ياخد حقه تالت ومتلت
بنتى الصغيرة بقى ماشية بطريقة مختلفة
يعنى تعمل اللى هى عايزاه وتنتظر العقاب بسهولة جدا بس المهم تكون هى انبسطت الاول
عالم مايعلم بيها غير ربنا

**نور القمر** · 04-05-2010 03:30 PM

كل طفل له يومينه يتدلع فيهم براحته ويمارس كل انواع الطغيان لحد ما يجي اللي بعده يركنه على جنب
وعموما كلهم لما بيكبروا ويوصلوا لسن المدرسة دمهم بيتقل هههههههههههه وهايتركنوا هايتركنوا
بالنسبة ليوسف شايف نفسه حبتين على الناس كلها واخواته ديما يقولوله كلها كام شهر وتتركن على جنب معانا ههههههههه

يارب ارزق جميع اخواني واخواتي بالمنتدى بالذرية الصالحة واجعلهم قرة عين لهم وبارك لنا في اولادنا

-

الموضوع: الطاغية الصغير

LinkBack

أدوات الموضوع

عرض

-

-

-

المواضيع المتشابهه

النور الصغير

مشروعي الصغير

أسم حلو لمشروعي الصغير

قسماً بربي سوف نقصي الطاغية

حد عنده الاستيكر الصغير بتاع المنتدى واحد زيادة ( الصغير بس )

الكلمات الدلالية لهذا الموضوع

المفضلات

المفضلات

ضوابط المشاركة