الموضوع: الطاغية الصغير

المشاركة الأصلية كتبت بواسطة نور القمر

ههههههههههههههههه والله حكاياتكم كلها جميلة هلكتني ضحك ماشاء الله عليهم
وخصوصا موضوع دكتور سامي بتاع حجاجية الثقفي دي
ملقتش غير فروة الراس تعضها دي بتجرب سنانها ولا ايه ههههههههههههه
ربنا يخليهم ويحفظهم جميعا
موضوع التليفزيون وقنوات الاطفال ده مشكلة
انا مرة شغلت ام بي ثري ليوسف في اوضتي لقيته هايتعود على كدة والتليفزيون الصغير هايحصل الكبير ويبقه شغال كارتون روحت لغيت الموضوع بسرعة
وفي مواقف كتير لدهاء الاطفال في السن الصغير تحت السنتين
يعني احمد الكبير وهو لسه بيتعلم المشي كان يستغل اني بصلي لانه عارف ومتأكد انه مش هتكلم ويعمل حاجة من 2
ياما يجيب برفانات من على التسريحة وهاتك يا خبط في الارض على البتاعة اللي بنضغطها عشان يرش البرفان
الحاجة التانية كان عندي تلاجة مكتب صغيرة وانا في ابوظبي في الرسيبشن يفتحها ويفضل واقف فيها
لدرجة ان بقيت اقفلها بالمفتاح بسببه وموضوع المفتاح لفت نظر بعض الضيوف وعلقوا عليه لما كنت اجي اطلع عصير مثلا وافتح واقفل بالمفتاح
طبعا قالوا عليا بخلية وخايفة لحد يفتح التلاجة من ورايا ههههههههههه

المشاركة الأصلية كتبت بواسطة human12

جنا بتقولى
بابا بتحبنى قولتلها اه بحبك(و انا متوجس خيفه من اللى بعده) - قالتلى محمد طول اليوم يلعب على الكومبيوتر و مش بيخلينى العب
قلتلها حاضر هقوله هو اخوكى الصغير برضه و لسه مش فاهم
قالتلى اه انا كبيره عندى فايف - قولتلها ايوه صح كده
قامت بصوت مكسور بس هوه بيحب يلعب عليه اوى و ياكل الحوت (البيه بياكل الحوت اللى فى Frenzy فى اخر مرحله عادى- و ييجى يقول بابا اكلت العو انا كلت الحوووت انا قوى) المهم قلت لجنا طيب عايزه ايه جات فى حضنى و قالتلى عايزه كده لابتوب نونو!!! قلتلها ليه يعنى قالتلى عشان يبقى بتاعى و العب بيه و كمان و انا بنام

الله يكرمك يابا ماكنتش استجرى اقوله هاتلى مسدس بحبش

المشاركة الأصلية كتبت بواسطة pro_samir

الموقف دة فكرني بواحد قريبي كان بيعمل الباك اب كل يوم من الشغل علي هارد ويشيلة لحد ما مرة بنتة كانت واقفة جنبة كانت صغيرة خالص فا قلق احسن تاخد الهارد تبوظة

المكتب فية 3 ادراج و علشان يلخبطها حط الهارد في الدرج التالت و قفلة بالمفتاح وحط مفتاحة في الدرج التاني و قفل علية بالمفتاح وخد مفتاحة حطة في الدرج الأولاني

وسابها في المكتب وخرج

وبعدين دخل تاني علي صوت الهارد وهو بيتزرع علي الأرض هههههههههه

بيقولي انا مجربتوش رميتة في الزبالة علي طول

المشاركة الأصلية كتبت بواسطة نور القمر

دي اكيد كانت بتلعب جيمز لغز الغرفة كتير
انا لما ببقه مش عايزة العيال يفتحوا الكمبيوتر من ورايا باخد وصلة الشاشة LCD من الجهاز واخبيها
اكتشفت انهم واخدين وصلة البرينتر من ورايا ومخبينها لزوم الطواريء
وبما ان البرنتر نادر لما استخدمه مكتشفتش الموضوع ده غير متأخر

ههههههههههههههههههههههههه ههههههههههههههههههههههههه ههه

بصراحه دول اجمد مواقف في الموضوع كله

العيال دول مصاااااااااايب

عدي عيل مغلبني بيلعب في الهول بتاع الابراج ومش بينيمني وطلع عين اهلي ومش عارف اعمل ايه معاه

الواد تهزيق مش نافع شتيمه مش نافع اخدت منه الكوره مره ورميتها في بلكونة شقه مش مسكونه

زي القرد طلع جابها ولا اجدع حرامي

اشتكيت لابوه ولامه وبيتعاقب ومفيش اي نتيجه

الود ده كله وسنه خمس سنين

انا حتي فكرت استعمل معاه سم فران

A.Yakout