الطاغية الصغير

**gebreel** · 09-05-2010 07:20 PM

ههههههههههههههههههههههههه هه بجد انا قاعد بضحك من ساعة مقريت الموضوع

ربنا يخليهولك يا نور و يباركلك فيه يارب

الطاغية اللي عندي هي بنت اختي جنه كانت طيبة و مسالمة و بتخاف من كل حاجة و على ما يعدي الاسبوع اللي بشوفها فيه تيجي مش فاكراني ولازم نقعد نلعب و هي على رجل اختى حاجة كدة بتاعة ربع ساعة ولا نص ساعة على حسب المزاج و بعدين تفك و تبقى زي الحلاوة ههههههه لما كبرت و قربت على السنة و نزلناها حضانة علشان تبقى اجتماعية بقت مفترية بمعنى الكلمة لدرجة انهم مسمينها في الحضانة المعلم جنة من انها بتضرب الاولاد الاكبر منها و اللي ميعجبهاش تصرفو مننا تقولو أأه و تعمل باديها انها بتضربه
نيجي بقى للكومبيوتر بمجرد ما تيجي اللابتوب يتحط في شنطته و اخفيه طبعا علشان عليه شغلي كلو و مشروعي و حالي تقوم ناطة على الPC و تيجي على الكرسي بتاعو و تخبطلي عليه علشان اققعدها عليه اققعدها تمد ايديها ناحية الكيبورد اققربها منها صباح الترزيع عليها و مرة سيبتها علي و الكومبيوتر مفتوح لقيت الخلفية متغيرة و الmagnifier شغال و الicons كلها بقت كبيرة و البلكونة اللي مش عاوزة تنزل منها

ااااااااااااااااااااااااا اااااااااااااااااه يا جنة

**aif** · 09-05-2010 07:42 PM

آخر مكان كنت اتوقع الاقيهم فيه .... ولكم ان تتخيلو محتويات الدولاب راحت فين

**shaddadfalcon1** · 10-05-2010 03:32 PM

لسه البارح مراتي بتقولي ابنك بيضرب العيال في الحضانه وبياخد اكلهم وهو لسه رايح الحضانه من اسبوع
حاسس كمان شهر انه هيفرض عليهم قتاوه

**نور القمر** · 22-09-2011 05:26 PM

ربنا يخليهم ويحفظهم
دلوقت انا عندي يارا سنة وشهرين اد شذا يعني واخدت مكان سفندي وبقت هي الطاغية
اللاب بتاعي محرم على يوسف
تقعد مكاني وتخبط على الكيبورد شوية وتمسك الماوس شوية وتمسك الموبايل شوية
لما اصلي لازم تزيح راسي عشان تسجد في نفس المكان لحد مازهق واسيبلها المصلية خالص
بتقلدني في كل حاجة ومحرماني احط بنسة في شعري لازم تلمهم كلهم وبتقول عليها بنة وعايشة الدور على الاخر
واخر تطلعاتها وصلت للميك اب لو وقع في ايديها حاجة تمثل انها بتحط منها
جيل مايعلم بيه الا ربنا

**MOUSTAFA_SAAD** · 22-09-2011 05:49 PM

ربنا يباركلك فيهم

**nicegypt** · 23-09-2011 04:57 AM

ربنا يبارك لك فيهم يا استاذة نور
ويكبروا وتشوفيهم ف اعلي الدرجات يارب بأذن الله

**SYD** · 23-09-2011 07:49 AM

ال PC نسيته لدرجة اني وصلته علي شاشة التليفزيون وحطيته مع الريسيفر تحت التليفزيون ومش بيشتغل غير كارتون (جميع افلام والت ديزني وتوم اند جيري وبمبا وتيمون)

فيل وقردة (Tarzan)
الأميرة او الحصان (Tangled)
سمبا (Lion King)
قطة فار (TOM & Jery)

لما احب انا اتفرج علي ناشيونال جيوغرافيك مثلا بتعيط وتقولي "القردة يا بابا" يعني طرزان

ممكن تشوف الفيلم 90 مرة في اليوم بدون ممل ولما يخلص لازم يشتغل من الأول
عملتلها بلاي ليست فيها كل افلام توم وجيري و Auto Repeat

وياسلام لما تدخل تنام "أطشي النول" اطفي النور
هههههههه

والموضة الجديدة "أمبو ساقعة" ممكن تشرب الكولمان كله (طبعا في علاقة طردية بين الشرب والبامبرز)

ههههههههه
حبيبتي ناريمان

والتليفزيون لازم براعم ليل نهار وحافظة كل البرامج الله اكبر عليها

بجد الأطفال اجمل نعمة في الدنيا
ربنا يا رب يخليهم لينا جميعا

والله المستعان
،
،