الموضوع: حكاية فأر تحوّل إلى نمر

يعنى لو اتعلمنا صينى حينفع نشتغل فى ماليزيا

أه ه ه ه ه ه ه ه ه ه ه ه ه يا زمن الصينى والماليزى .. منك لله تانى يالللى فى بالى

ياجماعة احنا مش كل واحد فينا يقعد يتحسر على حاله احنا بقالنا سنين بنتحسر يارب كل واحد بفكره يفكر خطوة للامام

و جدير بتاذكر أنه فى أثناء أزمة التمور الأسيوية رفض مهاتير محمد الأقتراض من البنك الدولى رفضا قاطعا. و وضع الصورة بشفافيه للشعب "سنعمل فى ظروف صعبه، و سيتحسن حال الدول التى قبلت الديون أسرع من حالنا، و لكن أعدكم أنه فى بضعة سنوات سيكون لنا شأن.
و على الرغم من ضغط الشركات الأجنبيه العاملة فى ماليزيا لقبول هذه القروض إلا أنه أستمر فى الرفض، مما دعى هذه الشركات للخروج من ماليزيا و سحب استثماراتها. (و كان من هذه الشركات شركة لوتس الأنجليزيه لصناعة السيارات)
فقام مهاتير بضم هذه الأستثمارات للقطاع الحكومى، و كان ما قال صحيحا، و فى خلال عدة سنوات قليله، قامت بروتون (الماليزيه) بأمتلاك لوتس البريطانيه!!!!!!!!

المشاركة الأصلية كتبت بواسطة abou_ruqi

أه

أدي يا جماعة صورة كوالالمبور قبل مهاتير (لما كان سمير غانم بيألس عليها في المسرحيات)




وأدي صورتها في عصر (مصر بتتقدم بينا)


عارفين شكل مصر إيه دلوقتي وألا نجيب صور و نقارن ؟؟؟؟

عارفه كويسه ... حضرتك انزل فى اى شارع و مش حقوق دار السلام و امبابه... لا انزل فى مدينه نصر او المهندسين او حتى فى المدن الجديده زى اكتوبر و غيرها الى المفروض يكون فيها الاهتمام بالشكل المعمارى و التناسق الحضارى و شوف العشوائيه فعلا كلو بالفهلومه

لما بيسعدنى الحظ و انزل مصر الجديده و اشوف مبانى زمان ....و اقارن .... طيب ما احنا عملنا الجميل و النظيف و المتناسق و الى فيه زوق .... و الكلام ده من اكتر من 80 و 90 سنه ....... معقوله دلوقتى مش عارفين نعمل حاجه بربع الجمال ده ؟و فالحين بس نقول بناه الاهرامات و احنا لا نمت ليهم بصله ... الفراعنه لو طلعو من قبولهم حيتبرو مننا و احتمال كبير يلعنونا

طعها انا عارف ان فى ناس حتقول اننا بنتكلم فى ايه ده فيه ناس مش لاقيه لقمه العيش و احنا جاين نتكلم فى التناسق و المعمار و النظام و القانون و ماليزيا ...

بس فعلا هى سلسله و مترابطه ببعضها .. لما النظام و الجمال يختفى تماما ... محدش يتوقع ان حد يعمل حاجه باتقان ... لاننا ببساطه خدنا على الهرجله و العشوائيه فى كل حاجه و بقى عدم الاتقان فى اى حاجه هو العادى .