اذا اردت ان تنجز فعليك بالونجز فضفضة 2

**ahm177** · 28-01-2008 01:18 AM

بجد الواحد مش عارف يقول اية

كنت برخص عربيتى الجديدة

اولا بتوع المرور ناس قليلة الذوق جداااااااااااااااااا (بجد عالم *****)

كنت فى المرور من الساعة 7 الصبح مرور بين السريات قالولى جيب تاشيرة الظابط دخلتة قالى مينفعش لان بطاقتك قسم امبابة قولتلة ما انا مطلع رخصة القيادة من هنا سكت وقالى روح لمدير المرور كانت الساعة بقيت 9 لانى مستنى الفحص

مشيت شوية و لقيت المكتب المدير لقيت امين شرطة خارج منة حكيتلة القصة وقولتلو انا واقف من 7 الصبح

بصلى بغطرسة وقالى يا بية احنا مالنا ان شاء الله تكون بايت من امبارح مالناش دعوة روح العجوزة

روحت العجوزة ( سبحان الله ) الدنيا كانت فاضية

هوب انجز وطلع الونجز

1- 10 ج مقابل ختم الطفاية مع انها بالكرتونة
2- 5 ج لعم عيد بتاع الفحص
3- 10 ج للمهندس اللى بيكتب الفحص
4- 20 ج للراجل بتاع النمر
5- 5 ج للراجل بتاع سكرتية بين السرايات لما رجعونى تانى
6- 220ج تامين اجبارى 3 سنين
7 - 219 ضريبة
8 - 50 ملف

بجد معاملة غير ادمية والرشوة عينى عينك كلة عايز يطول منك اى حاجة

مفيش نظام مفيش خريطة يدلك على الاوراق

لما روحت اشترى الملف من الخزينة كانت الساعة 8.30 الست قاعدة قدامى قالتلى يلا امشى قدامنا نص ساعة

عقبال لما نشتغل مع انها قاعدة مبتعملش حاجة خالص واحدة جمبها بتقراء الجرنان يا سلام على الثقافة

وبيكلمو الناس بتعالى و تكبر بجد حسبى الله و نعم الوكيل

ورجعونى علشان ختم اهبل علشان يخلو عقيد يشتغل او يلاقى حاجة يعملها خلوة يعمل ختامة باسمة يختم بيها

ومش مهم الناس تتمرمط و لا تتبهدل ولا تتعطل المصالح

نهايتة الحمد الله طبعا خلصت الرخصة فى نفس اليوم وخدت النمر

بس شوفت لو مطلتعتش الونجز كان حصل فيا اية بقى

واختص بالشكر فى مرور العجوزة موظف يدعى ابو وليد بجد راجل فوق الزوق الابتسامة لا تفارق وجهة ويخدم

الناس بدون مقابل والله جزاة الله كل خير

ودى كانت فضفضة 2

**عزوز** · 28-01-2008 01:55 AM

كابوس المرور ربنا ما يحوجنا ليهم

**tmz9111** · 28-01-2008 03:12 AM

المشاركة الأصلية كتبت بواسطة عزوز

كابوس المرور ربنا ما يحوجنا ليهم

100++++++++++++++++

**hazem_khidr** · 28-01-2008 07:04 AM

ملف ايه اللي ب50 جنيه دا .؟؟؟؟؟؟؟؟؟
الملف علي ما اعتقد بيتباع بره المرور بجنيه. تقريبا.
بصراحه انا كنت في المرور الاسبوع اللي فات برخص الياريس.
روحت الساعه 9 و نص خلصت علي صلاه الضهر و اللي اخرني كمان اني روحت عملت وثيقه التامين بره المرور لان المكتب اللي في المرور كان قافل.
بس انا علشان الحمد لله عارف ضباط هناك كتير دخلت قعدت عند الضابط جوه انا و مندوب الشركه اللي مقسط منها و عسكري جه خلص ليا كل حاجه و جابلي الرخصه لحد عندي.
لدرجه المندوب اندهش و قالي لما يجيلي مشوار تاني في المحله حقولك تيجي تخلصلي الورق:):):).
بس حتي لو معيش واسطه مش بدفع ولا مليم رشوه علشان حرام

**tutankhamoun** · 28-01-2008 07:47 AM

بدون واسطة ........ بدون معارف .......... بدون حبشتكنات ( مع إني عارف ظباط برضه ) بس أنا بحب أخلي الخدمات في الحاجات التقيلة
رخصة العربية خلصت في الوقت العادي بتاعها جدا من غير ما أدفع إلا 5 جنيه لفني الفحص و أنا مش عارف أنا ليه طلعتها
مع إني اديتهاله بعد ما فحصلي و الراجل مطلبش أي حاجة
بس فرح قوي لما اديته الخمسة الجنيه
------------
سؤال على الماشي
ملف أيه اللي بخمسين جنيه ده ؟؟؟؟؟؟ ده فيه ذهب ؟؟؟؟
-------------
بس أنا عايز أضيف نقطة
كل المصالح الحكومية كدا مش المرور بس
و تحيا جمهورية مصر العربية

**ahm177** · 28-01-2008 07:58 AM

دة الملف اورنيك فحص 3 سنين ب 50 ج

**hazem_khidr** · 28-01-2008 08:40 AM

اوك لما يبقي ملف فحص مش يبقي من ضمن الاكرميات
و بعدين اورنيك الفحص ب 6 جنيه متهيالي

**ahm177** · 28-01-2008 10:16 AM

لا والله الست لما قولتها ورق 3 سنين زيرو
قالتلى 49 ج

**analyzer** · 28-01-2008 11:57 AM

انت يا بختك خلصت فى يوم واحد
انا علشان ارخص عربية قعدت 3 ايام ( بس دى كانت اول مرة )
اول يوم روحت اشتريت الملف وروحت مكان الفحص الساعة 10 البيه المفحصاتى الى بيفحص قلى خلاص شطبنا فوت علينا بكرة
روحت تانى يوم من 7 الصبح هما وصلو فى مكان الفحص 8 ونص وقفت فى الدور جه البيه بتاع البصمة قالى ايه ده عربيتك سخنه مش هينفع تعالى بكرة قلتله بس مد ايدك كده وحطها بص مفيش سخنيه اه وكانت ايدى التانيه مطلعه 5 جنيه قلى صح ممكن نخدلك البصمه الانهارده وخلص ومشى
رجعت على المرور قالى اروح ادفع التامين وارجع
رحت دفعت ورجعت كانت الساعه 12 ونص قالولى تعالى بكرة الخزنه قفلت
روحت ثالث يوم دفعت واخدت نمر

**Xpert** · 29-01-2008 07:38 PM

اذا اردت ان تنجز فعليك بالونجز ..
50 للي ماسك الليله بعديها بساعه اخدت الرخصه منه برضه سبحانه عديت الفحص و العربيه واخده خبطه كمان .... التفاصيل مش هاقولها و ذلك منعاً للتسبب في مشاكل..

الموضوع: اذا اردت ان تنجز فعليك بالونجز فضفضة 2

LinkBack

أدوات الموضوع

عرض