سوال عن 405 لمسنر هيرو

**nedved** · 04-05-2010 05:36 PM

انا عاوز اسال عن قوة عغزل العربيه البيجو 405 لان انا بحس ان العربيه ديه عزلها ضعيف انت ايه رايك ارجو الرد . والف الف مبروك على التكريم وانت بصراحه تستاهل كل خير شكرا

**the-hero** · 04-05-2010 07:46 PM

المشاركة الأصلية كتبت بواسطة nedved

انا عاوز اسال عن قوة عغزل العربيه البيجو 405 لان انا بحس ان العربيه ديه عزلها ضعيف انت ايه رايك ارجو الرد . والف الف مبروك على التكريم وانت بصراحه تستاهل كل خير شكرا

انت تقصد العزل الحرارى ولا الصوت
على العموم العربية عزلها يعتبر جيد جدا فى وجود
لباد الكبوت سليم والمصفحة تحت الماتور وفيبرات الرفارف والاكصدام سليمة مع ضبط الماتور
وعلبة شكمان البيئة اللى هى الفحم او الشعر بالبلدى بتبقى اول علبة بعد الماتور ومفيهاش مصافى بتكتم الصوت بنسبة كبيرة جدا وبالنسبة لعزل الشكمان عن جسم العربية فية قطعة الومنيوم بتبقي فوق الشكمان وجسم العربية
عندك بقي الصالون العزل اللى ورا الكبوت تكون حالته سليمة وكذالك تحت الدواسة الموكيت فى لباد عازل برضوا
يعنى من تحت الزجاج الخلفى ورا الماتور لحد تحت الكرسيين اللى قدام من ورا الطبلوه لحد تحت الكرسيين فيهم لباد سميك جدا بس مش عارف فى الموديلات بتاعت وجيه اباظا ولا فى الفرنساوى بس و وكمان جوانات الأبواب تكون سليمة
لو كل ده سليم اضمن لك انك جوه مش هتسمع اى حاجة ولا هتحس باى حرارة حتى على الكبوت نفسة
وبالنسبة للصوت مش هتقدر تفرق اذا كانت العربية مبطلة ولا دايرة
والف شكر على ذوقك

**nedved** · 05-05-2010 12:08 PM

انا اقصد العزل الحركى يعنى انا بحس بلمطباط هو ده العزلى الى انا اقصده

**the-hero** · 05-05-2010 04:54 PM

المشاركة الأصلية كتبت بواسطة nedved

انا اقصد العزل الحركى يعنى انا بحس بلمطباط هو ده العزلى الى انا اقصده

شوف ياسيدى العربية ديه تعتبر ناعمة جدا فى المطابات وعفشتها ماشاء الله قوية جدا بس عاوزة حد يكون فاهم فيها كويس ومتابعها وبتقعد بالسنين متتربطش نهائيا
طبعا اغلب الشغل بيبقي فى العفشة الامامية والخلفية بسيط اوى جلد دنونجل ومساعدين العزم وشكرا على كدا
أهم حاجة فى العفشة هى الجلد
لآزم تجيب الجلد الفرنساوى الاصلى مش الاوربي والكلام ده
هو اينعم غالى بس بيعيش اضعاف التانى وبيكون انعم
جلد المقصات ورا وقدام للدناجل
اختبار المساعدين والسوست هل العربية طرية لما بدوس على كل فردة لوحديها بجسمى ولا تقيل او بيزيق وبيعمل صوت
لازم العربية تنزل بتقل كدا وبدون اصوات يبقى المساعد والسوست سلام
عندك برضوا الكبالن والجلد بتاعهم لان لو جلد الكوبلن اتقطع الشحم اللى فيه بينزل وبتالى احتكاك الداخلى بيزيد فى الكوبلن ويبوظ لازم تراجع بصفة اسبوعيه وتجيب برضوا الجلد الاصلى الطقم 4 ب 150 ج والكشف على اصوات الكبالن بكسر العجل يمين والعربية واقفة وتطلع فى اتجاه دائرى مه ملاحظة الاصوات مرة يمين ومرة شمال مرة تطلع براحة ومرة اقعد نتش بنزين زيادة وتسيب وكدا لو فيه اصوات يبقي الكبالن عاوزة تتفك ويتغير الرؤس بتاعتها
طقم البيض
اللى هو التياش بتاعت الاسكترا والمقص لازم يتكشف عليهم هل فيهم بوش ولا لأ
جلد عمود الميزان فى النحيتين
بلى الدوشم الامامى على فيهم بوش ولا لأ
بطاحات المساعدين العلويه مهمه جدا على سلام ولا بيخبطوا
لو عملت مراجعة على كل ده أضمن لك عربية ناعمة جداجدا فى المطبات وبدون اى اصوات