الموضوع: مستوى المياة داخل القربه نزل تحت السهم

المشاركة الأصلية كتبت بواسطة samirayad

عادى
الراجل مخترعش جديد ولا حاجه

ومعروف أن لبخة البن بتوقف النزيف بتاع الدم

يبقى مش حتوقف نزيف الماء

بس يا هندسه مش اللبخه دي بردو ممكن جدا تسد مواسير الريدياتير ؟ وتتلف دوره التبريد مع الوقت ؟؟

المشاركة الأصلية كتبت بواسطة samirayad

أنا معاك

ممكن ده يحصل وتتسد المواسير لو كانت القهوه بوش

أما لو كانت القهوه مغليه ومفيهاش وش

مفيش أى مواسير حتتسد ولا حاجه

بالعكس المواسير حتتكيف وينظبط آدائها
وتبطل تشر ميه

ده كده المواسير هاتعمل دماغ

ياريت حد يكتبلنا الاسباب التى تؤدى الى قلة مياه القربة فى خطوات 1 2 3 4 عشان نخدها واحدة واحدة

المشاركة الأصلية كتبت بواسطة yssryaae

ياريت حد يكتبلنا الاسباب التى تؤدى الى قلة مياه القربة فى خطوات 1 2 3 4 عشان نخدها واحدة واحدة

1- تسريب او نشع من الخراطيم الداخله والخارجه من الريدياتير
2- تسريب او نشع من طبات الموتور
3- تسريب او نشع من غطاء قربه المياه
4- تسريب او نشع من كوعه الترموثتات
5- ضعف في كفاءه التبريد بشكل عام نتيجه انسداد المواسير الداخليه للريدياتير
6- مشكله في جوان وش السلندر , لا قدر الله , وطبعا ده ليه اعراضه الشهيره جدا

المشاركة الأصلية كتبت بواسطة محمد الشامي

1- تسريب او نشع من الخراطيم الداخله والخارجه من الريدياتير
2- تسريب او نشع من طبات الموتور
3- تسريب او نشع من غطاء قربه المياه
4- تسريب او نشع من كوعه الترموثتات
5- ضعف في كفاءه التبريد بشكل عام نتيجه انسداد المواسير الداخليه للريدياتير
6- مشكله في جوان وش السلندر , لا قدر الله , وطبعا ده ليه اعراضه الشهيره جدا

انا على فكرة عندى مشكلة نقص الميه دى من زمان مع انى غيرت علبة ردياتير وطلمبة ميه من فترة بسيطة ومازالت مياه القربه بتقل
كل الخطوات اللى حضرتك ذكرتها تمام ماعدا الخطوة رقم 2 ورقم 6 مش فاهمهم بصراحة فين طبات الموتور دى واعرف ازاى انها بتسرب ياريت صورة لو امكن
وايه اعراض مشكلة جوان وش السلندر ؟
عارف انى هتعبك معايا بس انا عارفك انسان صبور وزوق ومش بتبخل على اى حد فى الردود

المشاركة الأصلية كتبت بواسطة yssryaae

انا على فكرة عندى مشكلة نقص الميه دى من زمان مع انى غيرت علبة ردياتير وطلمبة ميه من فترة بسيطة ومازالت مياه القربه بتقل
كل الخطوات اللى حضرتك ذكرتها تمام ماعدا الخطوة رقم 2 ورقم 6 مش فاهمهم بصراحة فين طبات الموتور دى واعرف ازاى انها بتسرب ياريت صورة لو امكن
وايه اعراض مشكلة جوان وش السلندر ؟
عارف انى هتعبك معايا بس انا عارفك انسان صبور وزوق ومش بتبخل على اى حد فى الردود

انا تحت امر حضرتك

بالنسبه لموضوع جوان وش السلندر فأشهر اعراضه هي :-
1- نقص بشكل ملحوظ في مستوى مياه التبريد
2- عند قياس زيت الموتور هتلاقي لونه وقوامه عامل زي الطحينه
3- بالإضافه لأعراض تانيه زي عادم غامق (مائل للأزرق) بيخرج بصفه دائمه من الشكمان , وطبعا ضعف في حاله الموتور

وبالنسبه للطبب فـ موتور اللانوس بيكون فيه 8 طبب (على ما اتذكر)
1- طبب اماميه ودي تحت صاجه فرن الشكمان
2- طبب خلفيه ودي مكانها في ضهر الموتور من ناحيه سدر العربيه

وشكل الطبه بيكون مشابه جدا لغطاء زجاجات المياه الغازيه , لكن بحجم اكبر شويه وطبعا بدون شرشره على حواف الطبه

دي صوره , بس للأسف انا مش لاقي اوضح منها عندي حاليا , فـ سامحني



اتمنى اكون قدرت اوضح الموضوع شويه