بصيت لقيت مستوى المياة نزل تحت السهم اللى فى القربه بصيت على خراطيم المياة اللى داخله وخارجه من الراداتير مالقيتش تسريب مياه
عرض للطباعة
بصيت لقيت مستوى المياة نزل تحت السهم اللى فى القربه بصيت على خراطيم المياة اللى داخله وخارجه من الراداتير مالقيتش تسريب مياه
ممكن يكون التسريب من الريداتير نفسه ومش هاتبان غير لما تكشف عليه بضغط ميه والله اعلم بس ان شاء الله حاجة بسيطة...
وابقا طمنا....
طيب نزول مستوى المياه ده كان مرة واحدة ولا بالتدريج ؟
نزول المياة بالتدريج
أستغنى عن قيمة ثمن غطاء قربه
وغير بغطاء ألمانى نظيف بتاع الأوبل ( بحوالى 25 ج )
وجرب
وياصابت ياخابت
______________________
وأطمن برضه على الوضع العام للقربه
تكون سليمه ومفيش عليها أى ملحوظات
شرخ بسيط عند الزور بيفتح مع السخونه مثلا
أو فى أى منطقه
أو سن الزور مش سامح للغطاء بالتركيب والحبك الجيد
لقيت كله تمام
جرب موضوع تغيير الغطاء
اكبس دورة التبريد و شوف التسريب منين
MMamdouh
لو حضرتك متأكد ان مفيش تسريب او نشع من كوع الترومثتات ولا الخراطيم
يبقه إحتمال يكون طبه من طبب الموتور بدأت تبوظ وتسرب
في 4 طبب في الموتور من ادام و 4 من ورا , حاول تبص عليهم ولو في نشع هيبان
تمنه الطبه 5 جنيه , لكن تغييرها حواااااااااااااااار
انا كان عندى مشكلة شبه المشكلة دى وأول حاجة عملتها انى غيرت الغطاء بغطاء المانى ولقيت المشكلة زى ماهى المهم لقيت المشكلة ان فى خرطوم كان مخروم وبيسرب ميه لما العربية بتسخن فانت جرب تشوف العربية بتسر بوهى سخنة ولا لاء
طيب هو أنا قولتلك ده مش أصلىاقتباس:
انا الغطاء اللى راكب بتاعها الاصلى
بس ممكن يكون باظ
مش ده الغطاء بتاع القربه من سنة 1999
ولا لسه مغيره أمبارح
كبس دورة التبريد بيبقى عن طريق جهاز مخصص للموضوع دة و هو ببساطة منفاخ يدوى زى بتاع العجل و متوصل بغطا قربة مخصوص فيه بلف بيركب فيه خرطوم المنفاخ
بيتم نفخ دورة التبريد بالهوا لرفع الظغط جواها و بالتالى اى تسريب لو صغير بيبان على طول... وجود تسريب بيسبب فى هبوط عداد الضغط بتاع المنفاخ بالتالى لو المؤشر فضل ثابت مكانة يبى مفيش تسريب و لو بداء الهبوط يبقى فيه حاجة بتسرب و لازم تبحث عنها... و جود الضغط العالى بيسهل كتير اوى عملية البحث لان حتى اضغر خرم بيبقى مطلع مية باندفاع قوى فى الحالة دى
MMamdouh
لما تبطل العربية مية القربة تفور و تخرج من قلاووظ الغطا
MMamdouh
ممكن من اهل الخبرة صوره لقربه مياة
من التجربه الشخصيه
التسريب عند حصل فى الاماكن ديه:
-طبه من اللى فى وش الموتور
-خرم بسيط جدا فى الريداتير .وده الراجل عملى فيه حاجه غريبة جدا وهو انه حط شوية بن فى القربه وفعلا بطل يسرب خالص وده من سنه .
-شرخ فى علبة الريداتير.غيرت العلبة
-شرخ فى غطا القربة
-تاكل كوعة المانيفولد.وعملت مكانها واحده فى المخرطه
عادىاقتباس:
-خرم بسيط جدا فى الريداتير .وده الراجل عملى فيه حاجه غريبة جدا وهو انه حط شوية بن فى القربه وفعلا بطل يسرب خالص وده من سنه .
الراجل مخترعش جديد ولا حاجه
ومعروف أن لبخة البن بتوقف النزيف بتاع الدم
يبقى مش حتوقف نزيف الماء
:36_9_4:
ياريت حد يكتبلنا الاسباب التى تؤدى الى قلة مياه القربة فى خطوات 1 2 3 4 عشان نخدها واحدة واحدة
1- تسريب او نشع من الخراطيم الداخله والخارجه من الريدياتير
2- تسريب او نشع من طبات الموتور
3- تسريب او نشع من غطاء قربه المياه
4- تسريب او نشع من كوعه الترموثتات
5- ضعف في كفاءه التبريد بشكل عام نتيجه انسداد المواسير الداخليه للريدياتير
6- مشكله في جوان وش السلندر , لا قدر الله , وطبعا ده ليه اعراضه الشهيره جدا
انا على فكرة عندى مشكلة نقص الميه دى من زمان مع انى غيرت علبة ردياتير وطلمبة ميه من فترة بسيطة ومازالت مياه القربه بتقل
كل الخطوات اللى حضرتك ذكرتها تمام ماعدا الخطوة رقم 2 ورقم 6 مش فاهمهم بصراحة فين طبات الموتور دى واعرف ازاى انها بتسرب ياريت صورة لو امكن
وايه اعراض مشكلة جوان وش السلندر ؟
عارف انى هتعبك معايا بس انا عارفك انسان صبور وزوق ومش بتبخل على اى حد فى الردود
انا تحت امر حضرتك
بالنسبه لموضوع جوان وش السلندر فأشهر اعراضه هي :-
1- نقص بشكل ملحوظ في مستوى مياه التبريد
2- عند قياس زيت الموتور هتلاقي لونه وقوامه عامل زي الطحينه
3- بالإضافه لأعراض تانيه زي عادم غامق (مائل للأزرق) بيخرج بصفه دائمه من الشكمان , وطبعا ضعف في حاله الموتور
وبالنسبه للطبب فـ موتور اللانوس بيكون فيه 8 طبب (على ما اتذكر)
1- طبب اماميه ودي تحت صاجه فرن الشكمان
2- طبب خلفيه ودي مكانها في ضهر الموتور من ناحيه سدر العربيه
وشكل الطبه بيكون مشابه جدا لغطاء زجاجات المياه الغازيه , لكن بحجم اكبر شويه وطبعا بدون شرشره على حواف الطبه
دي صوره , بس للأسف انا مش لاقي اوضح منها عندي حاليا , فـ سامحني
http://i815.photobucket.com/albums/z...Image013-1.jpg
اتمنى اكون قدرت اوضح الموضوع شويه
مستوى المياة عند الخط الاحمر دة طبيعى ولا فى قلق ......انا كنت بحط ماء عند ماكس دلوقتى وصلت عند الخط الاحمر
معذرة علشان ماعرفتش اضع صورة
لرفع الصور على موقع www.photobucket.com و وضعها داخل المشاركات
1- انشاء حساب جديد على الموقع المشار اليه
2- بعد التسجيل على الموقع , قم بإدخال البيانات حسب الصوره الأتيه :-
(إدخل بريدك الإلكتروني وكلمه المرور , واضغط LOG IN وبعدها ستظهر لك صفحة البوماتك)
3- إبدأ بإنشاء البوم جديد لتقوم برفع الصور الى الموقع بداخله , حسب الصوره الأتيه :-
(بعد إنشاء الألبوم الجديد , اضغط Upload Images And Videos لتبدأ بإختيار الصور من على جهازك الشخصي ورفعها للموقع)
4- بعد رفع الصور ستظهر لك شاشه لتكتب بها بيانات وتعليقات عن الصور , اتركها فارغه واضغط Save
5- بعدها ستظهر الصور التي قمت بتحميلها في صفحه جديده , بمجرد ان يتحرك سهم الماوس فوق الصوره المحمله ستظهر بيانات المشاركه للصوره ,, انسخ الرابط الموجود امام Direct Link كما هو مبين بالصوره :-
6- إبدأ بإنشاء مشاركه جديده على موقع نايل موتورز , وعند الرغبه في وضع الصوره التي تم تحميلها مسبقاً على موقع www.photobucket.com إضغط علامه (الصوره) من شريط الأدوات وسيظهر صندوق إدخال صغير , ضع بداخله الرابط الذي نسخته من موقع www.photobucket.com وإضغط موافق
الأن المشاركه اصبحت جاهزه بالصوره ليتم إعتمادها بنجاح
هى كل فكترها ان جواها الكود بتاع ادراج الصورة بالتالى بتوفر عليك خطوات زر ادراج الصورة فى المنتدى
MMamdouh
طيب لو نزلت المياة اسفل الخط الاحمر هو ده اللى ممكن يكون فى مشكله
http://files02.arb-up.com/i/00003/004480qx0438.jpg
فى موقع عربى لرفع الصور للمنتديات من غير ماضطر للاشتراك واللفه ده كلها...فى حاله لو الموقع مش عايز يرفع الصور من على الجهاز.......الموقع هو .مركز العرب
http://arb-up.com/