الموضوع: طب لو الواحد بيدور على عروسة!!!!!!!!!!!!

المشاركة الأصلية كتبت بواسطة dr.amr

وشهد شاهد من اهلها

كفايه الرد ده علي تريبل درش

الله الله , لا دول حالة نادرة على فكرة و صدقنى و الله مش كل الناس زى بعضها .

انا بتعصب بسرعة جدا بس بمسك نفسي , يعنى مقدرش انى اعيش مع حد دماغه مش زيي , مبحبش حكاية توديها و تجبها دى ابدا .

لازم تكون شخصية قوية و عندها تفكير ( اى نعم صاحب القرار الاخير هو الزوج ) لكن انا عايز شخصية قوية مش واحدة تسمع الكلام و بـــــــــس .

المشاركة الأصلية كتبت بواسطة نور القمر

اخص عليك يا درش مكنش العشم
بالعكس 19 سنة بتبقه لسه قطه مغمضة توديها وتجيبها على مزاجك لحد ما تكبر شوية وتوصل للعشرينات تبدأ تتنمرد عليك وتثبت ان ليها شخصيتها
على فكرة انا اتجوزت 19 سنة في اجازة اولى كليه وسافرت مع جوزي وجبت ابني على طول بعد 9 شهور
وكنت متحملة المسؤولية كاملة بعد دلع كامل في بيت بابا
في سن العشرين كان معايا طفل ومسئولة عن بيت في الغربة يعني مفيش جنبي ماما تساعدني في حاجة وبذاكر وارجع مصر قبل الامتحانات بشهر وبنجح
صحيح في كام سنة كدة اجلتهم في الكلية بعد ابني التاني عشان المسئولية كانت زادت عليا بعد دخول ابني الاولاني ال كي جي
يعني الخلاصة مش كل واحدة صغيرة في السن تبقه تافهة والله بشوف بنات كتير صغيرين وعاقلين وبشوف كبار تافهين
بس مش معنى كلامي انا بشجع زواج البنت في سن صغيرة بالعكس انا بنصح كل بنت تعيش مراحلها العمرية بترتيبها بدون ان خطوة تسبق التانية

لو اعرف انك متجوزة 19 سنة كنت قلت باستثناء حالة واحدة

بس بامانة كده , عقلك زمان زي عقلك دلوقتى ؟ اراهن ان التغيير جذرى .

المشاركة الأصلية كتبت بواسطة أحمد كمال

السن الصغير ده عز الطلب على فكرة ...... توكل على الله

المشاركة الأصلية كتبت بواسطة Terrible_DaRsH

هو ده بقي عز الطلب , اتمنى من الله ان الزوجة ميكونش الفارق كبير فى السن .

اذا كانوا اللى فى سنى حاليا تافهين و دماغهم فاضية يبقي لما اتجوز واحدة اصغر منى بكتير ايه اللى هيحصل !

و يعدين لو اتجوزت واحدة 19 سنة هتقرفك , صحابها لسه بيخرجوا و يتفسحوا و يسهروا برة لوحدهم و بيعملوا كل حاجة و هى قاعدة فى البيت , و كمان 19 سنة يعنى لسه مخلصتش دراسة .

دى حاجة تزهق :)

لا و الله مش كله أنا أعرف فى السن ده 19 سنة و تربية متحفظة مش لدرجة الخروج كل شوية مع صحابها و أخر حفلة للمطرب الفلانى و الكلام ده (بيتوتية يعنى و مشروع ست بيت)
المشكلة أن فى السن ده عند بعض الناس الجواز مش فارق معاهم..أنا كنت خاطب واحدة هى 19 و أنا 25 كنت حاسس ان الموضوع مش فارق معاها أهى هتتجوز زي الناس مبيتجوزوا و مش مهم تحاول تبين أن فيه أهتمام أو تواصل عاطفى كانت بتبص شويه على المظاهر و ان لبسي يكون فوق الشيك و الوزن مثالى (مع انى مش تخين) و مش مهم انى عايز واحدة أحس انها ناوية تهتم بيا فعليا أو عارفة انى فى يوم هأبقى أقرب انسان ليها..يعنى بيتجوزوا و برضه ولائهم مع عيلتهم الأصلية أما جوزهم فشخص غريب (يمكن ده فى الأول بس.. مش عارف).
يعنى أقدر ألخص فكري كالأتى:
الصغيرة فى السن:
الميزة انها هتشوف فيك نضج و هتسمع الكلام و مطيعة و هتريحه و دي حاجة بتحبها أي واحدة انها تحس ان جوزها يقدر يحميها و ده فرصته أحسن لو هو أكبر منها و خبرته فى الحياه أكبر
العيب: هو ممكن يحس أنه صعب انها تشاركه تفكيره أو يحس انها صعب تكون صديق ليه و هتكون فى المقابل انسانة بيشيل مسؤليتها و تقسيم الحياة بينهم مش بالتساوي (هتكون Reactive شويه و تصرفاتها رد فعل بس)
اللى فى السن تقريبا:
الميزة: مشاركة الحياة و مسئوليتها متوزعة بينهم و هيتبادلوا الأراء و الفعل و رد الفعل (انت تقترح حاجة مرة..هى عندها فكرة المرة الجاية)
العيب: طبعا هى مش هتشوف فيك النضج الكافى عشان تكون مثل أعلى ليها لأن خبرتكم متقاربة و ده اللى بيشجعها على التمرد و الجدال لأن فعلا ممكن تفكيرها يكون صح و ده بينعكس على الرجل اللى فطرته بتحب أنه يحس بالقوة زي ما فطرة المرأة انها بتدور فيه على القوة و الحماية)
أيهما أفضل فى وجهة نظركم؟
و مستنى تعليقكم على الكلام ده
:)

المشاركة الأصلية كتبت بواسطة n_i_t_e

لا و الله مش كله أنا أعرف فى السن ده 19 سنة و تربية متحفظة مش لدرجة الخروج كل شوية مع صحابها و أخر حفلة للمطرب الفلانى و الكلام ده (بيتوتية يعنى و مشروع ست بيت)
المشكلة أن فى السن ده عند بعض الناس الجواز مش فارق معاهم..أنا كنت خاطب واحدة هى 19 و أنا 25 كنت حاسس ان الموضوع مش فارق معاها أهى هتتجوز زي الناس مبيتجوزوا و مش مهم تحاول تبين أن فيه أهتمام أو تواصل عاطفى كانت بتبص شويه على المظاهر و ان لبسي يكون فوق الشيك و الوزن مثالى (مع انى مش تخين) و مش مهم انى عايز واحدة أحس انها ناوية تهتم بيا فعليا أو عارفة انى فى يوم هأبقى أقرب انسان ليها..يعنى بيتجوزوا و برضه ولائهم مع عيلتهم الأصلية أما جوزهم فشخص غريب (يمكن ده فى الأول بس.. مش عارف).
يعنى أقدر ألخص فكري كالأتى:
الصغيرة فى السن:
الميزة انها هتشوف فيك نضج و هتسمع الكلام و مطيعة و هتريحه و دي حاجة بتحبها أي واحدة انها تحس ان جوزها يقدر يحميها و ده فرصته أحسن لو هو أكبر منها و خبرته فى الحياه أكبر
العيب: هو ممكن يحس أنه صعب انها تشاركه تفكيره أو يحس انها صعب تكون صديق ليه و هتكون فى المقابل انسانة بيشيل مسؤليتها و تقسيم الحياة بينهم مش بالتساوي (هتكون reactive شويه و تصرفاتها رد فعل بس)
اللى فى السن تقريبا:
الميزة: مشاركة الحياة و مسئوليتها متوزعة بينهم و هيتبادلوا الأراء و الفعل و رد الفعل (انت تقترح حاجة مرة..هى عندها فكرة المرة الجاية)
العيب: طبعا هى مش هتشوف فيك النضج الكافى عشان تكون مثل أعلى ليها لأن خبرتكم متقاربة و ده اللى بيشجعها على التمرد و الجدال لأن فعلا ممكن تفكيرها يكون صح و ده بينعكس على الرجل اللى فطرته بتحب أنه يحس بالقوة زي ما فطرة المرأة انها بتدور فيه على القوة و الحماية)
أيهما أفضل فى وجهة نظركم؟
و مستنى تعليقكم على الكلام ده
:)

انت جبت من الاخر فعلا .

انا معنديش خلق لكده , انى افضل شايل مسئولية تصرفات شخصين و كل حاجة اتدخل فيها بداعى و بدون .

هى مش هتقدر المسئولية و بالتالى هتعيش كانك استاذ مع طالب , و نادرا ما يتفوق الطالب على استاذه .

لازم تكون عارفة يعنى ايه زواج , مش تكون واخداه ( قضاء و قدر ) .