استفسار بخصوص شراء منتجات خشبيه

**tayson54** · 16-05-2010 01:35 AM

محتاج اشتري جزامه كويسه ومكتبه ودولاب من اللي بيتعلق علي الحيطه في الحمام
يا تري حد عارف فين اتفرج علي المنتجات دي (كويسه ومعقوله في سعرها)
هل اروح عمر افندي مثلا ممكن الاقي عنده ؟

**mahmoodallam** · 16-05-2010 07:06 AM

المشاركة الأصلية كتبت بواسطة tayson54

هل اروح عمر افندي مثلا ممكن الاقي عنده ؟

؟؟؟؟
عليك وعلى دمياط في هناك بالهبل وكل اللي نفسك فيه هتلاقيه ،
في واحد هناك قرايبنا كلهم بيتعاملو معاه وهو راجل امين وثقة مش عايز أقول اسم محله علشان ماتبقاش دعاية !
اذا كنت مستطول المشوار اعملهم عمولة وسيبك من عمر افندي وكارفوروهايبر وان ، أو دور في اعلانات الاثاث المستعمل .

**Moh.Fahmy** · 16-05-2010 08:00 AM

المشاركة الأصلية كتبت بواسطة tayson54

محتاج اشتري جزامه كويسه ومكتبه ودولاب من اللي بيتعلق علي الحيطه في الحمام
يا تري حد عارف فين اتفرج علي المنتجات دي (كويسه ومعقوله في سعرها)
هل اروح عمر افندي مثلا ممكن الاقي عنده ؟

بالنسبة للدواليب اللي بتتعلق في الحمامات انصحك بالابتعاد عن الخشبية منها عشان ان آجلا ام عاجلا حتسوس و حيبقي شكلها وحش
لو حضرتك من اسكندرية انصحك بالذهاب الي الملواني اللي في شارع القائد جوهر عنده تشكيلات وهم وهم من كل اللي حضرتك ذكرته و ربنا يوفقك

**مصراوي جدا** · 16-05-2010 10:32 AM

في القاهرة فيه تجمعات لمحلات الأثاث والعفش بشكل عام

فيه المناصرة قريبة جدا من ميدان العتبة يعني تركن العربية في جراج الأوبرا او جراج العتبة

فيه في شارع جسر السويس بعد كوبري التجنيد وانت متجه للاسماعيلية تجمع محلات كتير على الشمال

فيه في مدينة نصر في ش مكرم عبيد تجمع كمان