الكروز احسن من السيراتو بالدليل

**ghost1900** · 05-05-2010 01:28 PM

المشاركة الأصلية كتبت بواسطة ahmedchevrolet

ملحوظة السيراتو اللى ب 116 الف فيها فرش جلد و جنوط 17

الكروز اللى فيها فرش جلد و جنوط 17 تمنها 150 الف

يعنى الكروز اعلى من السيراتو ب34 الف جنيه

contactcars | kia كيا - cerato سيراتو - 1.6 sx f/o a/t - 115,900 - 2010

contactcars | chevrolet شيفروليه - cruze كروز - 1.6 f/o a/t l/s high line - 150,000 - 2010

يبقى اكيد السيراتو احسن بمراحل!!!!!!

على أساس أن العربيات بتتقارن بالفئة السعريه، فى نقطة مهمة عايز اوضحها لحضرتك هى أن مش معنى أن فى عربية نازلة بسعر معين يبقى نازلة تنافس العربيات في حدود السعر ده.

والا يبقى على رأى د. أحمد سامى "أنا لو خدت توكيل باندا هانزلها ب 300 ألف علشان تنافس ال c200".

**aaet1** · 05-05-2010 01:54 PM

أولا بالنسبة للشكل الخارجى: طبعا ده وجهة نظر بس من رأى ان السيراتو شكلها رياضى ومودرن أكتر بينما الكروز شكلها كلاسيك

ثانيا: الكابينة : الكل أجمع على راحة ووسع كابينة السيراتو بينما كابينة الكروز اللى هى المفروض تكون أوسع نتيجة لأن الكروز أبعادها أكبر شوية من السيراتو إلا أن الواقع بيقول أن الكروز كابينتها غير مريحة وكراسيها ناشفة مع ان شكلها يمكن يكون أحلى من جوه .... ويحضرنى هنا عبارة قرأتها فى أحد المجلات المتخصصة بتقول : "اللى صمم الكروز نسى أن العربية مش للعرض فى المعارض بس ولكن للركوب"

الشنطة فعلا فى الكروز أوسع شوية

الموتور: لأ يا باشا الموتور فى الكروز ماتور دايو وبتكنولوجى قديمة من 4 أو خمس سنين وماحصلش عليه تطويرات، سحب السيراتو مع انها زى مابتقول 4 سرعات بس اتوماتيك ولكن سحبها أسرع بكتير ورياضى ولو حولت للمود المانيوال هتلاقيها طلقة

البنزين: صباح الخير .... السيراتو جوه البلد معدل استهلاكها من 10-12 على حسب الزحمة وعلى الطرق الطوالى 6.5 -7.5 وبتقبل بنزين 92 ولو حطيت 95 هتلاقيها أروع فى السحب
أما الكروز فمعدل استهلاكها جوه البلد 18-19 لتر لكل 100 لأ وكمان ينصح فيها ببنزين 95.... يادى الخراب

أما بقى بالنسبة للسعر .... فياباشا الغربال الجديد له شده .... والتوكيل بيحاول يقنع الناس أن الكروز فئة أعلى من السيراتو .... ولكن من واقع أراء خبراء كتير .... استنى شوية عليها وعلى ما الأوبترا تخرج وهتشوف السعر بتاع الكروز هينزل إزاى

بالنسبة للأمان .... أنا مش عارف جبت منين ان الكروز واخده 5 ... معلش دور كويس وهتلاقى سواء السيراتو أو الكروز بيلعبوا فى الـ 4

**ahmedchevrolet** · 05-05-2010 02:24 PM

ثانيا: الكابينة : الكل أجمع على راحة ووسع كابينة السيراتو بينما كابينة الكروز اللى هى المفروض تكون أوسع نتيجة لأن الكروز أبعادها أكبر شوية من السيراتو إلا أن الواقع بيقول أن الكروز كابينتها غير مريحة وكراسيها ناشفة مع ان شكلها يمكن يكون أحلى من جوه .... ويحضرنى هنا عبارة قرأتها فى أحد المجلات المتخصصة بتقول : "اللى صمم الكروز نسى أن العربية مش للعرض فى المعارض بس ولكن للركوب"

اركب يا باشا الكروز هتلاقى كراسيها مريحة جدا

الشنطة فعلا فى الكروز أوسع شوية

الموتور: لأ يا باشا الموتور فى الكروز ماتور دايو وبتكنولوجى قديمة من 4 أو خمس سنين وماحصلش عليه تطويرات، سحب السيراتو مع انها زى مابتقول 4 سرعات بس اتوماتيك ولكن سحبها أسرع بكتير ورياضى ولو حولت للمود المانيوال هتلاقيها طلقة

كلام مظبوط

البنزين: صباح الخير .... السيراتو جوه البلد معدل استهلاكها من 10-12 على حسب الزحمة وعلى الطرق الطوالى 6.5 -7.5 وبتقبل بنزين 92 ولو حطيت 95 هتلاقيها أروع فى السحب
أما الكروز فمعدل استهلاكها جوه البلد 18-19 لتر لكل 100 لأ وكمان ينصح فيها ببنزين 95.... يادى الخراب

ليه يا باشا هيه 5700 سى سى مثلا

البزين بتاعها 92 لانها مش باسات و نسبة الانضغاط مش عالية

أما بقى بالنسبة للسعر .... فياباشا الغربال الجديد له شده .... والتوكيل بيحاول يقنع الناس أن الكروز فئة أعلى من السيراتو .... ولكن من واقع أراء خبراء كتير .... استنى شوية عليها وعلى ما الأوبترا تخرج وهتشوف السعر بتاع الكروز هينزل إزاى

اكيد يا باشا احتمال تبقى بتمن الفيرنا!!! لا طبعا مش هترخص

بالنسبة للأمان .... أنا مش عارف جبت منين ان الكروز واخده 5 ... معلش دور كويس وهتلاقى سواء السيراتو أو الكروز بيلعبوا فى الـ 4
لا حضرتك الكروز واخدة 5 نجوم

Euro NCAP - For safer cars | Chevrolet Cruze

**Hosam_Optrawy** · 05-05-2010 02:43 PM

ايه دا كله :)

عموما انا رديت فى الموضوع اللى فى قسم المقارنات واكيد مش هاكتب نفس الكلام هنا تانى

وعايز اقول كلمه لصاحب الموضوع

مينفعش تيجى تعمل موضوع فى قسم كيا وتقول الكروز احسن من السيراتو بالدليل وتفرض رأيك

بغض النظر عن ان رأيك صح ولا غلط

دا اسمه استفزاز

تفتكر رد فعلهم هايكون ايه يعنى ؟؟؟

انا رأيى تطلب حذف الموضوع دا

وكمل فى الموضوع التانى اللى فى قسم المقارنات احسن

**ahmedchevrolet** · 05-05-2010 02:47 PM

وانا مع راى حضرتك

**Hosam_Optrawy** · 05-05-2010 03:03 PM

المشاركة الأصلية كتبت بواسطة ahmedchevrolet

وانا مع راى حضرتك

شكرا لتفهمك

**ahmedchevrolet** · 05-05-2010 03:10 PM

المشاركة الأصلية كتبت بواسطة hosam_optrawy

شكرا لتفهمك

العفو يا باشا على ايه

هو انا فعلا كنت المفروض احط الموضوع فى قسم شيفروليه او فى قسم المقارنات

**M7amD_7amDy** · 05-05-2010 05:06 PM

بخصوص ان الكروز نازلة عشان تنافس الكرولا والكلام اللى ميجبش همه ده فأنا هقولك هيا نازلة غالية ليه

ده كان رد ليا فى موضوع فى قسم شيفورليه

http://www.nilemotors.net/Nile/144972-150000-14.html

المشاركة الأصلية كتبت بواسطة Hosam_Optrawy

لا لا مابتتحسبش كدا

اولا الاسعار دى بالمكسب

ثانيا اللى ب 16200 دى كامله بمعنى كامله , مش زى ام 150 بتاعت مصر

فحسبتك كدا مش مظبوطه

عشان لو على حسبتك

السيراتو فى كوريا سعرها من 10.900 الى 16.750 يعنى اغلى من الكروز

والالنترا سعرها من 10.700 الى 16.100 يعنى بنفس تمن الكروز تقريبا

ازاى بقى يبقى الاتنين أرخص من الكروز هنا فى مصر ب 20 و 30 الف ؟؟؟

مع مراعاة ان عربيه زى السيراتو فيها اوبشنز أكتر

الأسعار طبعا بالدولار $

المشاركة الأصلية كتبت بواسطة M7amD_7amDy

شوفتوا بقه

أدى السيراتو أغلى من الكروز فى كوريا عشان اللى يقولك الكروز دى بتنافس الفانتازيا والجيتا هههههههههههه

طب أزاى ؟؟ متجيش طبعا ... لا سيراتو ولا كروز ولا الألنترا الجديدة تتقارن بالجيتا ولا الفانتازيا

نفس الكلام على الكرولا والسيفك , بره سعرهم قريب جداا من السيراتو والكروز وممكن حسام باشا يجبلنا الأسعار بالظبط وهنا بيبعوها بـ 150 ألف و 160 والسيفك توصل لـ 188 باكو ليه يعنى

صباح الفل

كل ده يعنى عشان يابانى وعليها علامة تويوتا او هوندا

يفتح الله :))

عشان تعرفوا فرق الفلوس الرهييييييييييب

عرفتوا بقه فى مصر فرق الفلوس ده بيروح فين ياولاااااااد ؟؟

قولوا فين ....

تتوقعوا فيييييييييين ؟؟؟

فى كرش التوكيلات ياحبايبى

صباحكو فل

إنما بقه بخصوص مقارنتك دى فأنا معتبرها ( عاطفة ) مش أكتر

لأنك شايف الكروز أحسن فى كل حاجة وده مش غلط وإلا مكنش كل اللى أشترى كروز شايفها أحسن من السيراتو فى كل شىء والعكس صحيح

أفضل حل ليك إنك تروح تشترى الكروز عشان إنت شايفها أحسن وأفضل وأروع وأبدع

بس ياريت تجربها الأول لأحسن تكون بتبطل وهيا ماشية

-

-

الموضوع: الكروز احسن من السيراتو بالدليل

LinkBack

أدوات الموضوع

عرض

-

-

-

المواضيع المتشابهه

الكروز ام السيراتو ايهما تتفوق

هل عفشة الكروز جنط 16 زي السيراتو؟

السيراتو 126 حصان بالدليل - والعفشة مصممة للجنط ال 17

الكروز ولا السيراتو ؟؟

السيراتو امام الكروز

الكلمات الدلالية لهذا الموضوع

المفضلات

المفضلات

ضوابط المشاركة