الشمس والسياره

**dode2002** · 05-05-2010 07:35 PM

سؤال علي السريع
انا بركن العربيه في حته ارض فضاء جنب البيت مباشرة وهي عرضه للشمس طول اليوم بس انا بغطي العربيه بالغطاء الووتربروف والعربية طول اليوم واقفه لاني تحركاتي بالعربيه اغلبها ليلا فهل ده فيه مشكله علي العربيه من الشمس خاصه انا لما اجي افتح العربيه بحس بصهد كانك في فرن عيش

**Ahmed Galal** · 05-05-2010 08:11 PM

لو المكان امان سيب سنة ازاز مفتوحة صغيرة اوى عشان تهوى العربية و الغطا كويس و يا ريت لو تحط على الازاز قدام كرتونة و تزنقها بالمساحات و فيه اعضاء فى المنتدى قالوا تسيب ازازة ميه مفتوحة جوه العربية و غير كده ان شاء الله ما فيش مشكلة على العربية طالما متغطية بس احترس احترس احترس انك تفتحها و تدخل فيها على طول افتح الباب و سيبها تتهوى 5 دقايق و انت بعيد عشان الحرارة بتعمل ابخرة سامة من فرش العربية و الدواخل بتاعتها و استنشاقها مباشرة مش كويس

**معتز** · 05-05-2010 08:14 PM

فكر فى تركيب الفلم المانع للاشعة تحت الحمراء والفوق بنفسجية...سعرها اصبح معقول

**BLOODY_STONE** · 05-05-2010 09:29 PM

لو العربية ياريس ... هي بتيجي اساسا بأزاز مانع لل UVR بس الفكرة لو يتركب فلم عازل للحرارة زي بتاع 3m اللي معروض هنا في المنتدى و ده بيكلف حوالي 2000 جنيه للعربية كلها

**asemx1** · 07-05-2010 04:20 PM

المشاركة الأصلية كتبت بواسطة bloody_stone

لو العربية ياريس ... هي بتيجي اساسا بأزاز مانع لل uvr بس الفكرة لو يتركب فلم عازل للحرارة زي بتاع 3m اللي معروض هنا في المنتدى و ده بيكلف حوالي 2000 جنيه للعربية كلها

بجد الكلام دا ؟؟؟
اصلى بحس فعلا ان العربيه دى مش بتسخن اوى من جوا زى العربيات التانيه الى بتبقى من جوا فرن كبده
بس بالنسبه لصاحب الموضوع
احب اطمنه انه مايقلقش من الحراره العربيات دى معالجه لحد درجه حراره 80 درجه مئويه
لدرجه انك لما ترش حاجه فى العربيه بتدخل فرن درجه حرارته 70 ولا بيحصل اى حاجه
تانى حاجه احنا مش على خط الاستواء الشمس عندنا مش عموديه علشان كدا معظم الاشعه مش بتيجى عندنا زى السعوديه مثلا او دول الخليج
وشوف الخليج بيسيبوا العربيات فى الشمس اد ايييييييييييييييه ولا بيحصلها اى حاجه وهيا هيا نفس العربيات الى هنا اختلاف الامكانيات فقطططططططططططط