مشكله فى الدواره والسياره بارده

**titofouda** · 20-05-2011 07:23 PM

عندى هوندا سيفيك 92 كاريرتير مشكلتها فى الدواره والسياره بارده بتدور بعد خمس ست مرات ولو سخنه بتدور من اول مره ارجوا الهتمام من الاعضاء الكرام وشكرا

**SAMEH_FOUAD** · 20-05-2011 07:42 PM

طيب هو انت بقالك قد اية مغيرتش البوجيهات ؟

ولو لسة مغيرها , يبقى كدة طالما بتغيب معاك فى الدوارة الصبح يبقى الكربراتير عايز يتظبط نسبة خليط هواء وبنزين + عايز تنظيف لدورة البنزين يعنى تنظف الكربراتير وفلتر البنزين يتغير + وفلتر الهواء يتنظف

**titofouda** · 20-05-2011 08:14 PM

وطرمبة البنزين جانب الكاربرتير وله فى تنك البنزين

**titofouda** · 20-05-2011 08:15 PM

عشان انا مستجد فى الهوندا وابيض فيها

**SAMEH_FOUAD** · 20-05-2011 10:34 PM

المشاركة الأصلية كتبت بواسطة titofouda

فلتر البنزين ده مكانه فين يا باشا

فلتر البنزين موجود امام العجلة الخلفية من ناحية الشمال

المشاركة الأصلية كتبت بواسطة titofouda

وطرمبة البنزين جانب الكاربرتير وله فى تنك البنزين

طلمبة البنزين موجودة بجاتب الكربراتير

المشاركة الأصلية كتبت بواسطة titofouda

عشان انا مستجد فى الهوندا وابيض فيها

ولا يهمك ياباشا اى استفسار احنا فى الخدمة

**titofouda** · 21-05-2011 04:22 PM

شكرا ياباشا على الدعم الفنى بصراحه انته حببتونى فى الهوندا

**M_Nabil** · 21-05-2011 07:32 PM

المشاركة الأصلية كتبت بواسطة yones

طب معلش عندى سؤال بالنسبة لطلمبة البنزين الكهربا اللى موجودة ورا ناحية الشمال جنب التانك هل لو فيه صوت تكتكة منخفضة وبشكل منتظم يبقى دى مشكلة؟؟

مش عارف بس أعتقد ممكن اللى بتسمعه يكون صوت كتاوت الطلمبه

طلما بتسمع صوت تحضير الطلمبه لم بتفتح الكونتكت ومافيش رجرجه ولا تنتيش والسحب تمام يبقى الطلمبه سليمة وعشان تحافظ عليها أطول مدة ممكنه دائماً تخلى مؤشر تنك البنزين مايقلش عن الربع وغير فلتر البنزين في مواعيد الصيانه بتاعته عشان مايحملش عكسياً على الطلمبه

**Yones** · 22-05-2011 01:29 AM

المشاركة الأصلية كتبت بواسطة m_nabil

مش عارف بس أعتقد ممكن اللى بتسمعه يكون صوت كتاوت الطلمبه

طلما بتسمع صوت تحضير الطلمبه لم بتفتح الكونتكت ومافيش رجرجه ولا تنتيش والسحب تمام يبقى الطلمبه سليمة وعشان تحافظ عليها أطول مدة ممكنه دائماً تخلى مؤشر تنك البنزين مايقلش عن الربع وغير فلتر البنزين في مواعيد الصيانه بتاعته عشان مايحملش عكسياً على الطلمبه

شكرا جدا لرد حضرتك بس للاسف مش بسمع صوت التحضير تقريبا بس بسمع صوت تكتكة الطرمبة فى بداية التشغيل وبعد كده بيبقى فيه تكتكة منتظمة على فترات زمنية حوالى 10 ثوانى بس صوتها منخفض قوى
وفعلا انا مش بخلى تانك البنزين يقل بمعدل كبير والرجرجة بتبقى فى بداية التشغيل بس ومفيش تنتيش والسحب كويس