مبروك يا بوكلا ...سؤال صغير ؟ و انت بتستلم من العبور مشوفتش ميجان جديد و لا كلة كان فلوينس بس اللى وصل ...:shyy:
عرض للطباعة
مبروك يا بوكلا ...سؤال صغير ؟ و انت بتستلم من العبور مشوفتش ميجان جديد و لا كلة كان فلوينس بس اللى وصل ...:shyy:
ألف مبروك ليك يا أستاذ Bukla ، وربنا يديك خيرها ويكفيك شرها
عندي سؤالين بعد إذنك
- موضوع بنزين ٩٥ حضرتك استخدمته بناء على نصيحة حد من التوكيل ؟، يعني هل يفضل إستخدام ٩٥ للفلونس ؟
- بالنسبة للون الأبيض ، دة لون هينزل جديد ولا عربية وحده للعرض ؟ لأني وأنا بحجز مكنش في أبيض في الإختيارات
شكراً وألف مبروك مرة تانية
الف مبروك يا bukla وربنا يحفظهالك ان شاء الله - بس كنت حطيت بنزين 92 فى الاول علشان تشوف ظروف العربية معاه ايه وبعد كده تغير ل95 علشان تحس بالفرق لوكان فيه
-الاحتمال الاكبر للسيارة اللى لونها ابيض انها تكون جاية زيادة على الدفعة يعنى محدش طلبها لان حصل نفس الموضوع دا فى بعض الماركات الاخرى فى نفس اللون
مليون مبروك على الاستلام زميل الكفاح فى انتظار الفلوينس ومرحبا بك عضو مؤسس فى الرابطة
و كمان الف شكر على مشاركتك المميزة
اما بقى بخصوص العربية فمقارنتها بالالنترا (من ناحية الطلعة فقط) انا بعتبرها مقارنة ظالمة لأكثر من سبب وهم كالاتى
الانترا الموتور 124 حصان الفلوينس 105 حصان
الانترا اخف وزنا و دة اساسى يفرق فى الطلعة
الانترا كورى و الفلوينس اوروبى و دة معروف بتقل طلعتة(لو جرت الفيكترا حتحس ان الفلوينس بورش فى طلعتها)
الانترا اكيد متلينة و ممكن كمان موتورها مفتوح الفلوينس لسة بتقول يا هادى
علشان احساسك بتقل الطلعة اللى مضايقك دة يروح كل اللى انت محتاجة
الصبر على اعربية مرحلة الاف كيلو الاولانى, استعمال بنزين 95 لو امكن
اما اذا احساسك دة استمر مع انى ان شاء الله متأكد انة حيروح يبقى ممكن تعتبر دة عيب مقابل مميزات اخرى زى الثبات و الامان اللى بتتمتع بيهم عن الانترا
اما شكل الفتيس فأنا معاك هو فعلا كان المفروض يعملوة شكلا احلى من كدة
العفشة بقى بصراحة محستش بالحكاية دى لكن جرب كدة تظبط الهوا فى الكاوتش زى ما مكتوب على الباب قدام 32 وورى 29 متهيألى حيروح احساسك بنشوفية العفشة الخلفية
عموما مبروك مرة ثانية و برضة مستنين مشاركاتك و ملاحظاتك بعد فترة من الاستعمال
الله يبارك فيك يا باشا و ان شاء الله ربنا يعوض صبرك خير اما بانسبة للالوان بصراحة انا اكتشفت حاجة غريبة و انا هناك فى العبور وقدامى تقريبا كل الاوان اللى بتنزل اكتشفت ان كل الاوان حلوة على العربية حتى الابيض اللى انا عمرى ما اقتنعت غير انة يبقى لون ثلاجة مش عربية لقيتة تحفة على الفلوينس علشان كدة لو انت عاجبك الفيرانى الفاتح ممكن يكون من رأيى افضل مش علشان الفضى وحش بالعكس دة تحفة دة كان اختيارى الثانى بعد الفيرانى الغامق لكن علشان فى بلدنا للاسف كل ما تغمق لون العربية يبقى احسن لسوق الاحوال الجوية و الاخلاقية عند معظم الناس
وربنا يوفقك ان شاء الله لما فية الخير ليك
بص يا باشا دى حاجة الواحد لازم يحكم عليها بنفسة بس يبقى حاطط فى اعتبارة ان كل ما الرفهية بتزيد دة بيبقى لة ثمن انا حديك ملخص الفروقات و انت احكم بس لو سألتنى عن رأيى حقولك تستاهل و نص كمان لانك بتجيب عربية المفروض ان شاء الله تقعد معاك فترة طويلة فلأحسن تكون فيها تكنولوجيا متقدمة ماتحسش مع مرور السنين انها بقت موديل قديم و متخلف خصوصا ان التطور بقى سريع جدا و اللى كنا بنسمع من سنين قليلة انة فى البى ام و مرسيدس انهاردة بقى فى عربيات صينى
فى الاخر الخيرة فيما اختارة الله
اسيبك مع المقارنة
اتوماتيك Expression A - 125000.00
- جنوط عادية 15 بوصة
- تكييف هواء عادى
- مساند رأس يمكن تعديل ارتفاعها وميلها ٤ أوضاع
- فوج لايت امامى
- الكنبة الخلفية يمكن امالتها 1/3 و 2/3
اتوماتيك - Dynamic 135000.00
كل اللى فات و تزيد عنهم:
- جنوط رياضية ١٦ بوصة
- تكيف هواء أوتوماتيك " Bi-Zone" يمكن ضبط كل جانب عل حده
- مخرج خلفي للتكيف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -Auto lighting sensor
- نظام التعرف على الأمطار وتشغيل المساحة تلقائياً - Rain sensor
- نظام تأخير غلق الإضاءة - Follow Me Home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو CD MP3 و بلوتوث و عدد ٦ سماعات
- مقبس ١٢ فولت بصندوق التخزين بمسند إليد الأمامي
- درج تبلوه مزود بإضاءة وتبريد مع التكيف
الله يبارك فيك بصراحة ما اخدتش بالى لكن انا اتصلت و سألت ليك على الموضوع دة قالولى ان الشحنة اللى وصلت كلها فلوينس و ان شحنة الميجان لسة قدامها على الاقل ثلاث اسابيع يعنى على نهاية الشهر ان شاء الله
الله يبارك فيك
البتزين ال 95 اسعملتة فعلا بناء على نصيحة التوكيل
بص انا حشبهلك موضوع البنزين دة بحاجة لتقريب وجهات النظر
لما بتنزل مثلا لعبة جديدة على الكومبيوتر بس تكون لعبة كبيرة زى ال GTA OR NEED FOR SPEED OR FIFA بتلاقية كاتب لك ال Recomended hardware and the required hardware يعنى المطلوب يكون فى جهاز الكومبيوتر بتاعك لتشغيل اللعبة بأقل امكانيات للعبة و المفضل او الافضل لتشغيلها علشان تاخد اعلى امكانيات اللعبة من صورة و 3D و كفائة
حنقول ان اللعبة هيا العربية و الكومبيوتر هو البنزين يبقى المطلوب كحد ادنى لتشغيل العربية هوة ال92 اما المفضل هوة ال 95 او ال 98 لو موجود علشان تاخد افضل ما فى اداء العربية ارجو ان تكون وجهة نظرى واضحة
اما اللون الابيض للتجربة فقط يعنى لما سألت قالولى انهم نزلهم عربيتين من كل لون جديد للتجربة فى السوق الابيض و دى اللى انا حاطط صورتها و كحلى بس للاسف ما شوفتهوش
امين لينا اجمعين و الله يبارك فيك انت من الاوائل يا باشا و مرحبا بيك عضو مؤسس فى الرابطة
بالنسبة لموضوع البنزين بالاضافة للى انا شرحتة فوق متهيألى علشان تحس بالفرق لو كنت بتستخدم ال92 و بعدين حطيت ال95 كان لازم تاخد بعض الوقت يعنى تجرب من تفويلتين لثلاثة بال 95 علشان ما يكونش فية اى اثار لل 92 فى التنك و بكدة ممكن يكون الحكم واقعى لكن انا بصراحة اختصرت الوقت و قولت استخدم ال95 من الاول
اولا الف مليون مبروك علي الفلونس
ثانيا الف مبروك علي الرابطه وفكره في الجون
اما الاهم فانا اكتشفت عيب خطير جدا الا وهو:
مره ركنت جمب محل عشان انزل اشتري حاجه ونسيت ادوس علي ال start/stop ورحت المحل وانا معايه الكارت وكان المسافه اكتر من 8 متر ورجعت ولما دخلت العربيه اكتشفت انها دايره !!!!
تعالو بقي شوفو التجربه دي مره تانيه كان معايه واحد صاحبي واديتو الكارت ونزل من العربيهولما بعد شويه بتاع 2 متر ظهر في الشاشه key car not detected وراح بعيييييييييد اوي اكتر من 100 متر وانا فضلت قاعد في العربيه وقعد يبعد ويبعد
ومشيت بالعربيه عكس ماهو ماشي وفضلت دايره و 100 100 والكاسيت شغال والتكيف ولا اكن في حاجه غريبه
قلت اجرب ابطلها ودوست علي الزرار راحت مبطله عادي جدا والمرايات اتضمت وحولت اشغلها تاني مشتغلتش
بس هو ده الحصل
وجهه نظري البسيطه ان كده لقدر الله اني نسيت ابطل العربيه ونزلت كده ممكن اي واحد فاهم او حتي مش فاهم ياخد العربيه ويجري
هو ممكن الواحد ينسي العربيه دايره عشان ملهاش صوت فالواحد مبيحسش بحاجه
ياريت الاخوه الاستلمت علي خير تجرب التجربه البسيطه دي ويقوله رئيهم فالموضوع
اسف علي الاطاله
يا جماعه ممكن حد يرد على فى اللى استلموا العربيه فئه 135 على الجنط الاستبن انا فوجئت به جنط عادى 15 مش سبور 16 و الموضوع ده انا مستغربه جدا بصراحه
الف شكر Meggieboy على الرد السريع الحقيقه انا كنت مستغرب الامر شاكر لحضرتك جدا
انا استملت اول امبارح وظهرت عندى نفس المشكله واتصلت بهم فى التوكيل امبارح وطلبوا منى انى اجى فى نفس اليوم قولتلهم ممكن اجى بكره وبالفعل روحت الحمد لله النهارده والموضوع طلع حاجه بسيطه جدا _ ان المفروض ان العربيات أول ما بتيجى بشغلوها على جهاز ال bdi وألى حصل انهم غالبا نسيوا يظبطو مؤشرات الاشاره وبصراحه كانت فرصه لانهم عملوا تشك كامل على العربيه وشغلو الراديو وهما ناس محترمين جدا =- فاماتقلقش ان شاء الله خير
فعلا هما من اول يوم وانا بحجز من التوكيل و هما قالوا ليا ان الاستبن عادى مش اسبور
اطمن هما ناس محترمين وموضحين الموضوع من الاول وان شاء الله خير ومبروك لينا جمعا وعقبال ألى لسه ما ستلمش وان شاء الله الجميع يستلم على خير
واحب اقول انى لما سوقت العربيه اننا فعلا احتيرنا كان فى محله لان العربيه محترمه فعلا شكلا و مضمونا وهناك فرق لا يوصف ما بينها و ما بين عربيتى الحاليه تيوتا اتوماتيك 1600
الحمدلله على كل شئ فعلا الفلوانس هى الحصان الاسود فى السوق المصرى هذا العام :vctry:
هى فعلا العربية مالهاش صوت خالص و هى دايرة و انت واقف لكن اللى انت اكتشفتة دة مش عيب لكن دى خاصية امان فى كل العربيات اللى فيها ميزة keyless entry علشان لو الكارت باظ او وقع علية حاجة بتشربها مثلا وانت جوة العربية و سايق ما تبطلش منك مرة واحدة و تخليك تعمل حادثة
انا بقى حصل معايا حاجة بالصدفة فى يوم الاستلام و انا راجع عديت على واحد قريبى و بعدين و احنا قاعدين جوة العربية و هيا دايرة قعدنا نكلم شوية و انا حاطط الفتيس على D و رجلى على الفرامل و بعدين قالى تعالى ورينى الشنطة فمن غير ما اقصد شديت فرامل اليد و فتحت الباب و نزلت من غير ما ارجع الفتيس على P او حتى ابطلها سمعت صفارة عالية قوى عاملة زى صفارة الانذار كدة رجعت بسرعة لقيت الشاشة اللى فى العدادات كلها قلبت لون احمر و عمالة تعمل فلاش من خضتى ملحقتش اقرى مكتوب اية روحت محرك الفتيس على P و بطلتها رجعت كل حاجة لحالتها بس المهم الحمد الله العربية متحركتش سم من مكانها
فى الاخر لازم تبقى عارف ان ما يميز رينو هو ان اهم حاجة عندهم سلامتك انت مش العربية
ان شاء الله دى حاجة تشرفنا دى الميجان 3 و الفلوينس اخوات خارجين من مصنع واحد يبقى الرابطة تبقى واحدة:satelite:
روحت توكيل المقطم
وبصراحه كان هناك مدير خدمة العملاء رجل محترم جدا جدا و فى منتهى الذوق
اسمه م/ عمرو ابو الفتوح
بس اتصل الاول بخدمه العملاء و هما هايقولوك هتها علطول والموضوع مخدش اكتر من 1/2 ساعه
وبالنسبه لصوت الماتور هو بالنسبه ليا اقل من صوت التويوتا والاسكودا
أولاً ألف مبروك عليكوا جميعاً .... ان شاء الله ربنا يديلكو خيرها و يكفيكو شرها
هما قالولي بردة و أنا بحجز لما سألتهم عن موضوع الجنط أنه حديد مش سبور بس محدش قالي على موضوع انه هيبقى جنط 15 مش 16
يعني كده كل اللي استلموا الأستبن عندهم 15 ؟؟؟........ علشان بس الواحد يبقا عارف و هوا بيستلم ان شاء الله انها مش غلطة ولا حاجة
بس غريبه بردة ان نوع الكاوتش يبقا مختلف في الأستبن :shyy:
عندي اقتراح للاخوه وهو تغير اسم الرابطه من حائزي الفلونس الى رابطة اصدقاء الفلونس او رابطة اصحاب الفلونس علشان تشمل الحائزين للفلونس والمحبين ليها .
مبروك لكل اللى استلم و ربنا يبارك لكم فيها
عندى سؤالان
1-كام مقدمه الحجز ؟
2- ايه اقرب فرع لمدينه نصر ؟
شكرا
بس انت اكتشفت اكتشاف و انت مش واخد بالك يا بوكلا ..انة ممكن تستعمل فرامل اليد فى حالة الطوارى و ان الفرامل العادية فشلت لا قد الله...انا مستغرب جدا ان فرامل اليد اشتغل اساسا و انت على ال p
بس هو اكيد انها اديتك تحزير فى البداية انك استعملت فرامل اليد خطء ...
اقصد على ال d
أنا حاجز مع الوكيل ..... حضرتك بتدفع 20,000 مقدم حجز
لكن لو هتحجز مع موزع معتمد الموضوع بيختلف .... عند محمد زكي مثلاً قالولي مبلغ الحجز ممكن يكون 1,000
أقرب فرع لحضرتك هو السبع و ده موزع معتمد و مكانة عند السبع عمارات أخر شارع الميرغني
كلم 16202 و هما هيدوك نمرته
انا لما اطلقت هذا الاسم كان هدفى ان الموضوع يكون مناقشات بين الحائزين الفعليين ليستفيدوا منها هم و غيرهم من السادة اعضاء المنتدى اللى عايزين يعرفوا معلومات مظبوطة و مؤكدة عن تحفة رينو الجديدة فلوينس لكن والله انا ما عنديش مانع لأى حاجة يطلبوها احلى اعضاء فى احلى منتدى نعمل استفتاء على الاسم اللى كل الاعضاء يتفقوا علية
لما شديت فرامل اليد و انا لسة رجلى على الفرامل محصلش حاجة لكن فعلا عملت تحذير صوتى خفيف اول ما رفعت رجلى من على الفرامل و فتحت الباب ماخدتش بالى منة الا لما استمر فى ازدياد بعد ما لفيت ورا العربية ناحية الشنطة فرجعت لقيت الشاشة اللى فى العدادات لونها احمر ومالحقتش اقرأ المكتوب فيها من الخضة بس المهم فعلا فى الموضوع زى ما حضرتك قولت ان فرامل اليد مسكت العربية وخليتها ما تحركتش سم بالرغم من انها كانت على ارض منحدرة و الفتيس على D:verygood:
الحمد لله العربية كل يوم بيزيد اعجابى بيها ما شاء الله العربية تحفة فعلا :verygood:
انا كل يوم بلف بيها فى الرحاب لحد ما ارخصها فعلا ربنا يباركلنا جميعا فى العربية دى و يعطينا خيرها و يكفينا شرها :ask:
وبالنسبة للحاجات اللى كانت مدايئانى و قلتهالكم قبل كده ابتدت تختفى يعنى نشوفية العفشة الخلفية النسبية اصبحت احسن كتير مع النيتروجين وضبط الكاوتش الخلفى على 29 (thank u mr. Bukla Bond) :colsmil: تانى حاجة الفتيس ابتديت آخد عليه اما بالنسبة لطلعة العربية التقيلة فعلا ما بئتش حاسس بيها شكل العربية كده حست ان اللى راكبها عايز يجرى وابتدت تتفاعل معايا :driving:
و فعلا العربية دى هى ما يقال عليها Elegant car وبرافو Renault :Ta_clap[1]::verygood::hlopaet_prv::S_thum1[1]::B4_388:
حد ياجماعة يكون جرب الاثنين يقدر يقارن الفلوانس مع سكودا اوكتافيا
الف مبرووووك وربنا يباركلك فيها
مبروك للجميع وربنا يحفظكم بالسيارات ويحفظها لكم
استاذ bukla ياترى حضرتك رخصت ولا لسه و اذا كنت رخصت ياريت توضح لنا لو فى اى مشاكل او لو لك معلومه تحب تبلغها لنا و ايه اخبار العربيه معاك للاسف انا لسه ما رخصتش و العربيه تسمعك فى الجراج منتظر الورق:120146b
ربنا يعزك وجزاك الله خيرا
الحمد لله العربية كل يوم أحسن من اليوم اللى قبله
انا الحمد لله عملت بالعربية 3000 كم ولازلت بستخدم بنزين 95 وملاحظ إن العربية اصبحت أحمى من الأول وتقريبا إنتهى موضوع الثقل فى بداية التحرك
انا كمان ملاحظ إن العربية بتتغير حسب اسلوب القياده لما ببقى هادى بحس إنها هادية ورزينة
لكن لو غيرت اسلوبى وحرقت تلاقى المارد ظهر وعينك ما تشوف إلا النور:049:
يا جماعة الورق وصل و رخصت انهاردة و بدون اى مشاكل الحمد الله
العربية اكثر من رائعة انا مافهمتش معنى الشعار اللى حاطة رينو فرنسا على موقعة فى صفحة العربية Renault Fluence for travelling in style غير لما سوقت العربية دى الحمد الله و الشكر لوحوش رينو اللى بسببهم اقتنعت برينو برغم كل الكلام السلبى اللى اتقال لى من معظم اللى اعرفهم لما سمعوا انى بفكر اجيب رينو
المهم انا عايزكم بكرة ان شاء الله تتصلوا بالاماكن اللى انتم شارين منها العربية و تعرفوا هما لية مأاخرينكم لغاية دلوقتى فى الترخيص مع ان الورق وصل من يوم الخميس
الله يبارك فيك وعقبالك قريبا ان شاء الله
بص يا سيدى انا رخصت لمدة سنة واحدة علشان انا جايبها قسط عن طريق كونتاكت المهم السنة دى كلفتنى 700 جنية و دة شامل الاكراميات و الطفاية اللى ثمنها لوحدها 125 جنية و كمان لازم تاخد بالك ان من حقك انك تاخد مثلث و علبة اسعافات مجانا بس لازم تروح تطلبهم و لو قالك مافيش ما تصدقوش خليك وراة حتى لو اقتضى الامر انك تشتكية لرئيس الوحدة
ومبروك مقدما ان شاء الله