رابطة حائزى الفلوينس

**wal** · 06-05-2010 03:57 AM

الف مبروك يا bukla وربنا يحفظهالك ان شاء الله - بس كنت حطيت بنزين 92 فى الاول علشان تشوف ظروف العربية معاه ايه وبعد كده تغير ل95 علشان تحس بالفرق لوكان فيه
-الاحتمال الاكبر للسيارة اللى لونها ابيض انها تكون جاية زيادة على الدفعة يعنى محدش طلبها لان حصل نفس الموضوع دا فى بعض الماركات الاخرى فى نفس اللون

**bukla** · 06-05-2010 10:54 AM

المشاركة الأصلية كتبت بواسطة wawoo

مبروك يا بوكلا ...سؤال صغير ؟ و انت بتستلم من العبور مشوفتش ميجان جديد و لا كلة كان فلوينس بس اللى وصل ...

الله يبارك فيك بصراحة ما اخدتش بالى لكن انا اتصلت و سألت ليك على الموضوع دة قالولى ان الشحنة اللى وصلت كلها فلوينس و ان شحنة الميجان لسة قدامها على الاقل ثلاث اسابيع يعنى على نهاية الشهر ان شاء الله

المشاركة الأصلية كتبت بواسطة mragh

ألف مبروك ليك يا أستاذ Bukla ، وربنا يديك خيرها ويكفيك شرها

عندي سؤالين بعد إذنك
- موضوع بنزين ٩٥ حضرتك استخدمته بناء على نصيحة حد من التوكيل ؟، يعني هل يفضل إستخدام ٩٥ للفلونس ؟
- بالنسبة للون الأبيض ، دة لون هينزل جديد ولا عربية وحده للعرض ؟ لأني وأنا بحجز مكنش في أبيض في الإختيارات

شكراً وألف مبروك مرة تانية

الله يبارك فيك
البتزين ال 95 اسعملتة فعلا بناء على نصيحة التوكيل
بص انا حشبهلك موضوع البنزين دة بحاجة لتقريب وجهات النظر
لما بتنزل مثلا لعبة جديدة على الكومبيوتر بس تكون لعبة كبيرة زى ال GTA OR NEED FOR SPEED OR FIFA بتلاقية كاتب لك ال Recomended hardware and the required hardware يعنى المطلوب يكون فى جهاز الكومبيوتر بتاعك لتشغيل اللعبة بأقل امكانيات للعبة و المفضل او الافضل لتشغيلها علشان تاخد اعلى امكانيات اللعبة من صورة و 3D و كفائة
حنقول ان اللعبة هيا العربية و الكومبيوتر هو البنزين يبقى المطلوب كحد ادنى لتشغيل العربية هوة ال92 اما المفضل هوة ال 95 او ال 98 لو موجود علشان تاخد افضل ما فى اداء العربية ارجو ان تكون وجهة نظرى واضحة
اما اللون الابيض للتجربة فقط يعنى لما سألت قالولى انهم نزلهم عربيتين من كل لون جديد للتجربة فى السوق الابيض و دى اللى انا حاطط صورتها و كحلى بس للاسف ما شوفتهوش

المشاركة الأصلية كتبت بواسطة wal

الف مبروك يا bukla وربنا يحفظهالك ان شاء الله - بس كنت حطيت بنزين 92 فى الاول علشان تشوف ظروف العربية معاه ايه وبعد كده تغير ل95 علشان تحس بالفرق لوكان فيه
-الاحتمال الاكبر للسيارة اللى لونها ابيض انها تكون جاية زيادة على الدفعة يعنى محدش طلبها لان حصل نفس الموضوع دا فى بعض الماركات الاخرى فى نفس اللون

امين لينا اجمعين و الله يبارك فيك انت من الاوائل يا باشا و مرحبا بيك عضو مؤسس فى الرابطة
بالنسبة لموضوع البنزين بالاضافة للى انا شرحتة فوق متهيألى علشان تحس بالفرق لو كنت بتستخدم ال92 و بعدين حطيت ال95 كان لازم تاخد بعض الوقت يعنى تجرب من تفويلتين لثلاثة بال 95 علشان ما يكونش فية اى اثار لل 92 فى التنك و بكدة ممكن يكون الحكم واقعى لكن انا بصراحة اختصرت الوقت و قولت استخدم ال95 من الاول

**wawoo** · 06-05-2010 12:41 PM

المشاركة الأصلية كتبت بواسطة bukla

الله يبارك فيك بصراحة ما اخدتش بالى لكن انا اتصلت و سألت ليك على الموضوع دة قالولى ان الشحنة اللى وصلت كلها فلوينس

تمام يا بوكلا .و.شكرا على اهتمامك و ان شاء الله نخليها رابطة الفلوينس و الميجان 3 مع بعض

**heromiro** · 06-05-2010 02:49 PM

المشاركة الأصلية كتبت بواسطة fahmyd

انا استملت اول امبارح وظهرت عندى نفس المشكله واتصلت بهم فى التوكيل امبارح وطلبوا منى انى اجى فى نفس اليوم قولتلهم ممكن اجى بكره وبالفعل روحت الحمد لله النهارده والموضوع طلع حاجه بسيطه جدا _ ان المفروض ان العربيات أول ما بتيجى بشغلوها على جهاز ال bdi وألى حصل انهم غالبا نسيوا يظبطو مؤشرات الاشاره وبصراحه كانت فرصه لانهم عملوا تشك كامل على العربيه وشغلو الراديو وهما ناس محترمين جدا =- فاماتقلقش ان شاء الله خير

فعلا هما من اول يوم وانا بحجز من التوكيل و هما قالوا ليا ان الاستبن عادى مش اسبور
اطمن هما ناس محترمين وموضحين الموضوع من الاول وان شاء الله خير ومبروك لينا جمعا وعقبال ألى لسه ما ستلمش وان شاء الله الجميع يستلم على خير
واحب اقول انى لما سوقت العربيه اننا فعلا احتيرنا كان فى محله لان العربيه محترمه فعلا شكلا و مضمونا وهناك فرق لا يوصف ما بينها و ما بين عربيتى الحاليه تيوتا اتوماتيك 1600
الحمدلله على كل شئ فعلا الفلوانس هى الحصان الاسود فى السوق المصرى هذا العام

الف مبروك كنت عايز اعرف روحت انى فرع فى التوكيل ؟
هل صوت الموتور عالى شويه ؟

**fahmyd** · 06-05-2010 03:47 PM

المشاركة الأصلية كتبت بواسطة heromiro

الف مبروك كنت عايز اعرف روحت انى فرع فى التوكيل ؟
هل صوت الموتور عالى شويه ؟

روحت توكيل المقطم
وبصراحه كان هناك مدير خدمة العملاء رجل محترم جدا جدا و فى منتهى الذوق
اسمه م/ عمرو ابو الفتوح
بس اتصل الاول بخدمه العملاء و هما هايقولوك هتها علطول والموضوع مخدش اكتر من 1/2 ساعه
وبالنسبه لصوت الماتور هو بالنسبه ليا اقل من صوت التويوتا والاسكودا

**heromiro** · 06-05-2010 09:20 PM

المشاركة الأصلية كتبت بواسطة fahmyd

روحت توكيل المقطم
وبصراحه كان هناك مدير خدمة العملاء رجل محترم جدا جدا و فى منتهى الذوق
اسمه م/ عمرو ابو الفتوح
بس اتصل الاول بخدمه العملاء و هما هايقولوك هتها علطول والموضوع مخدش اكتر من 1/2 ساعه
وبالنسبه لصوت الماتور هو بالنسبه ليا اقل من صوت التويوتا والاسكودا

شكرا لرد حضرتك انا كلمتهم و هرُوح يوم الاثنين إن شاء الله

**adfarouk** · 06-05-2010 06:48 PM

المشاركة الأصلية كتبت بواسطة samy2010

الف مبروك للجميع انا ايضا استلمت العربيه امبارح فئه 135 لون شامبين العربيه جميله جدا و نفس انطباع استاذ بوكلا فى طلعه العربيه و التكييف اكثر من رائع و انا كمان عندى نفس مشكله الاستاذ هيروميرو نور الاشاره يمن و شمال فى التابلوه منور على طول و كلمت التكويل قالو لى هات العربيه كمان لى ملاحظه تانيه الاستبن جنط عادى 15 مش سبور 16 حتى الكاةتش فى الاستبن مختلف ميشلان فى حين ان الجنوط الاربعه جوديير حد شاف الملاحظه دى ؟

المشاركة الأصلية كتبت بواسطة fahmyd

فعلا هما من اول يوم وانا بحجز من التوكيل و هما قالوا ليا ان الاستبن عادى مش اسبور
اطمن هما ناس محترمين وموضحين الموضوع من الاول وان شاء الله خير ومبروك لينا جمعا وعقبال ألى لسه ما ستلمش وان شاء الله الجميع يستلم على خير
واحب اقول انى لما سوقت العربيه اننا فعلا احتيرنا كان فى محله لان العربيه محترمه فعلا شكلا و مضمونا وهناك فرق لا يوصف ما بينها و ما بين عربيتى الحاليه تيوتا اتوماتيك 1600
الحمدلله على كل شئ فعلا الفلوانس هى الحصان الاسود فى السوق المصرى هذا العام

أولاً ألف مبروك عليكوا جميعاً .... ان شاء الله ربنا يديلكو خيرها و يكفيكو شرها

هما قالولي بردة و أنا بحجز لما سألتهم عن موضوع الجنط أنه حديد مش سبور بس محدش قالي على موضوع انه هيبقى جنط 15 مش 16

يعني كده كل اللي استلموا الأستبن عندهم 15 ؟؟؟........ علشان بس الواحد يبقا عارف و هوا بيستلم ان شاء الله انها مش غلطة ولا حاجة

بس غريبه بردة ان نوع الكاوتش يبقا مختلف في الأستبن

**bukla** · 06-05-2010 02:51 PM

المشاركة الأصلية كتبت بواسطة mah_khourshid

اولا الف مليون مبروك علي الفلونس
ثانيا الف مبروك علي الرابطه وفكره في الجون

اما الاهم فانا اكتشفت عيب خطير جدا الا وهو:

مره ركنت جمب محل عشان انزل اشتري حاجه ونسيت ادوس علي ال start/stop ورحت المحل وانا معايه الكارت وكان المسافه اكتر من 8 متر ورجعت ولما دخلت العربيه اكتشفت انها دايره !!!!

تعالو بقي شوفو التجربه دي مره تانيه كان معايه واحد صاحبي واديتو الكارت ونزل من العربيهولما بعد شويه بتاع 2 متر ظهر في الشاشه key car not detected وراح بعيييييييييد اوي اكتر من 100 متر وانا فضلت قاعد في العربيه وقعد يبعد ويبعد
ومشيت بالعربيه عكس ماهو ماشي وفضلت دايره و 100 100 والكاسيت شغال والتكيف ولا اكن في حاجه غريبه
قلت اجرب ابطلها ودوست علي الزرار راحت مبطله عادي جدا والمرايات اتضمت وحولت اشغلها تاني مشتغلتش
بس هو ده الحصل
وجهه نظري البسيطه ان كده لقدر الله اني نسيت ابطل العربيه ونزلت كده ممكن اي واحد فاهم او حتي مش فاهم ياخد العربيه ويجري
هو ممكن الواحد ينسي العربيه دايره عشان ملهاش صوت فالواحد مبيحسش بحاجه
ياريت الاخوه الاستلمت علي خير تجرب التجربه البسيطه دي ويقوله رئيهم فالموضوع
اسف علي الاطاله

هى فعلا العربية مالهاش صوت خالص و هى دايرة و انت واقف لكن اللى انت اكتشفتة دة مش عيب لكن دى خاصية امان فى كل العربيات اللى فيها ميزة keyless entry علشان لو الكارت باظ او وقع علية حاجة بتشربها مثلا وانت جوة العربية و سايق ما تبطلش منك مرة واحدة و تخليك تعمل حادثة
انا بقى حصل معايا حاجة بالصدفة فى يوم الاستلام و انا راجع عديت على واحد قريبى و بعدين و احنا قاعدين جوة العربية و هيا دايرة قعدنا نكلم شوية و انا حاطط الفتيس على D و رجلى على الفرامل و بعدين قالى تعالى ورينى الشنطة فمن غير ما اقصد شديت فرامل اليد و فتحت الباب و نزلت من غير ما ارجع الفتيس على P او حتى ابطلها سمعت صفارة عالية قوى عاملة زى صفارة الانذار كدة رجعت بسرعة لقيت الشاشة اللى فى العدادات كلها قلبت لون احمر و عمالة تعمل فلاش من خضتى ملحقتش اقرى مكتوب اية روحت محرك الفتيس على P و بطلتها رجعت كل حاجة لحالتها بس المهم الحمد الله العربية متحركتش سم من مكانها
فى الاخر لازم تبقى عارف ان ما يميز رينو هو ان اهم حاجة عندهم سلامتك انت مش العربية

المشاركة الأصلية كتبت بواسطة wawoo

تمام يا بوكلا .و.شكرا على اهتمامك و ان شاء الله نخليها رابطة الفلوينس و الميجان 3 مع بعض

ان شاء الله دى حاجة تشرفنا دى الميجان 3 و الفلوينس اخوات خارجين من مصنع واحد يبقى الرابطة تبقى واحدة

**wawoo** · 07-05-2010 10:38 AM

المشاركة الأصلية كتبت بواسطة bukla

ملحقتش اقرى مكتوب اية روحت محرك الفتيس على P و بطلتها رجعت كل حاجة لحالتها بس المهم الحمد الله العربية متحركتش سم من مكانها

بس انت اكتشفت اكتشاف و انت مش واخد بالك يا بوكلا ..انة ممكن تستعمل فرامل اليد فى حالة الطوارى و ان الفرامل العادية فشلت لا قد الله...انا مستغرب جدا ان فرامل اليد اشتغل اساسا و انت على ال p

بس هو اكيد انها اديتك تحزير فى البداية انك استعملت فرامل اليد خطء ...