تسلم يا دكتور على الصور و المعلومات الجميلة دي :satelite:
ربنا يحفظك و يحفظنا جميعاً من العين و من كل شر :ask:
عرض للطباعة
فى معلومة كده عرفتها النهارده مش عارف حتعجبكم ولا لأ :36_9_4:
كلمت الاستاذ عبد الحليم النهارده علشان كنت عايز أحجز اختبار قيادة لواحد صاحبى فقاللى ان العربية بقالها يومين فى مجلس الدفاع الوطنى ( المخابرات العامة المصرية ) شكلها عاجباهم و حياخدوا منها كم عربية :tank:
علشان بس الناس اللى بتشكك فى الفلوانس تبطل تجادل :khd:
حابب اشارككم تطورات الفلوينس معايا انا كنت استلمت العربيه من حوالى سته ايام و راكنها فى الجراج لحين استلام اوراق العربيه المهم اخيرا استلمت الاوراق امبارح و جريت النهارده رخصت العربيه لكن كان فى شىء مضايقنى لما استلمت العربيه لقيت نور الفلاشر منور على طول و اعتقد فى حد تانى معانا فى المنتدى كان عنده نفس الموضوع و راح التوكيل و ظبطوا له العربيه لكن الحقيقه الامر ده كان مضايقنى ازاى عربيه باسم رينو تخرج من المصنع فيها عيب واضح كده المهم خلصت المرور و قلت اطلع على التوكيل و كلمتهم على التليفون و انا فى الطريق الاوبريتور راحت محوالانى على مدير صيانه العبور ولقيته بيقولى ما تجيش اركن لو سمحت على جنب و اطفى العربيه و بعدين قال لى نزل الدراع اللى بيشغل المساحات و دراع الانوار لاخر مشوارهم لتحت وبعدين قال لى شغل العربيه و رجع الدراعات تانى مكانها و المشكله راحت:shine[1]: المهم انا استغربت جدا وقلت له ممكن افهم ايه الموضوع بالظبط فقال لى دى موود للعربيه علشان و هى فى الشحن مسافره البطاريه ما تفضاش و تهرب الشحنه:eee: انا استغربت الامر و حبيت اعرضه عليكم لكن فى قمه السعاده لان ظنى طلع غلط و ظلمت المصنع فى شىء افتكرته مشكله
اشكرك يا استاذ bukla وربنا يبارك لك فى عربيتك و يحفظها لك يارب الحقيقه اختيارنا للفلوينس اختيار اكثر من رائع العربيه محترمه انا كان لى اكثر من خمس شهور محتار اشترى ايه مابين الجيتا و الاوكتافيا و التويوتا وكنت مش مستريح لاى واحده فيهم سواء مقارنه السيارات او التوكيل لكن بصراحه الفلوينس اخدت قرارها فى خمس دقائق بالظبط بعد ما عملت تست دريف للعربيه حجزتها فورا سياره اكثر من رائعه و هتغير خريطه السيارات فى نفس الفئه دى فى مصر
أفضل دعاء لدرء الحسد هو المداومة على الأذكار الصباحية والمسائية ومن أهم ذلك قراءة الإخلاص والمعوذتين. ثلاثاً فقد ثبت أن النبي صلى الله عليه وسلم قال أن من قالها حين يصبح وحين يمسي ثلاث مرات تكفيه من كل شيء
ربنا يحفظكوا و يحفظنا جميعاً :ask:
قال تعالي "ولولا اذ دخلت جنتك قلت ما شاء الله لا قوة الا بالله"
يعني مع كلام الاستاذ adfarouk و المداومة علي الاذكار و المعوذات
الواحد كمان لازم يقول ما شاء الله لا قوة الا بالله عشان ميحسدش نفسه زي صاحب الجنة الي في صورة الكهف ربنا يعافينا جميعا
الف مبروك على استلام العربية
ربنا يبارك فيها ويحفظها من عيون الناس
انا اقتنعت بالسيارة وعايز احجز وعندى كام استفسار
تقريبا مدة الحجز قد اية ومن فين ولو حبيت اجيبها استلام فورى هدفع زيادة كام ومن فين
واية هيا الالوان المتوفرة لما احب احجز ولو اخترت لون وحجزت وحبيت اغير اللون بعد كدا ممكن اغير ولا لأ
الله يبارك فيك و اللهم تقبل دعائك لينا وليك
بالنسبة لمدة الحجز اخر معلوماتى ان لو حجزت انهاردة فى التوكيل الاستلام مش حيكون قبل اخر شهر 9 اما الاستلام الفورى بعض الاخوة هنا بيقولوا عند محمد زكى و بزيادة اعتقد من 3 الى 5 الاف جنية بس هو مش فورى قوى برضة يعنى مش حيقل عن شهر و عموما الاخوة اللى جابوها من عندة ممكن يفيدوك اكتر منى
اما بالنسبة للالوان المتوفرة فهى فى الصورة دى
http://img38.imagefra.me/img/img38/6...5m_9955460.jpg
تغيير اللون بعد الحجز دة بيرتبط بتوافر اللون التانى اللى عايزة فى المكان اللى انت حاجز فية
ارجوا انى اكون افدتك
ياة 5 شهور حجز كتير قوى هنزل القاهرة على اخر الشهر وهشوف كدا محمد زكى وربنا يقدم اللى فية الخير
[QUOTE=ahmed92;3872648817]ياة 5 شهور حجز كتير قوى هنزل القاهرة على اخر الشهر وهشوف كدا محمد زكى وربنا يقدم اللى فية الخير[/QUOTE جرب حضرتك معرض الطارق انا حجزت عنده و استلمت بعد حوالى شهر وكام يوم و دفعت اوفر 3 الاف جنيه
الله يفتح عليكم جميعا ويحفظكم جميعا من كل شر و خدوا الدعاء ده وقولوا آمين
اللهم انت ربى لا اله الا أنت توكلت عليك وأنت رب العرش العظيم و لا حول ولا قوة الا بالله العلى العظيم ما شاء الله كان و ما لم يشأ لم يكن ، أعلم بأن الله على كل شىءٍ قدير وأن الله قد احاط بكل شىءٍ علما و احصى كل شىءٍ عددا ، اللهم انى اعوذ بك من شر نفسى ومن شر كل دابةٍ انت آخذ بناصيتها ان ربى على صراطٍ مستقيم
الله يبارك فيك وعقباللك يا باشا
على فكرة انا جايب عربيتى من عند محمد زكى و نظامه الآتى :
- ألف جنيه حد أدنى مقدم حجز و ما فيش أوفر برايس وده الموزع الوحيد اللى ما بياخدش زيادة حتى الآن
- الاستلام فى خلال 3 شهورتقريبا بس مواعيدهم مش حلوة قوى بس اسرع من التوكيل
ياجماعة ممكن حد يعرف معاد اول شحنة جاية امتى احسن انا زهقت اوى اوى من الانتظار و بفكر انسحب و اضغط على نفسى فى الفلوس و اجيب فانتازيا 165بدلا من فلوانس 135 علما بانى حاجز يوم 5 فبراير من التوكيل:U_thin1[1]:
انا اتصلت انهاردة بالاستاذ عبد الحليم علشان اسألك على الشحنة اللى جاية اكد لى انها حتوصل آخر مايو ان شاء الله يعنى استلامك اكيد حيبقى اول الشهر الجاى باذن الله
بس هو سألنى سؤال معرفتش اجاوبة هو انت لما حجزت مسؤل المبيعات كان قال لك استلامك امتى و كان فى اى فرع للتوكيل الحجز؟
يا جماعة أرجوكم حد يرسيني علي المقارنة بين الأوكتافيا والفلونس , وخاصة الأستاذ سامي وجاسكو عشان انا قريت أنهم قارنو بينهم وشكرا مقدما
الاسكندرية -قالى نصف مايو بفكر فى فاتازيا ارجو النصيحة ياجماعة زهقت
يا رجاله اعندى مشكله العربيه فيها بقع على الصاج الكبوت و السقف لما غسلتها فى البنزينه ظهرت اكتر ممكن يكون شحم الفبريكه و يطلع ازاى ؟انا خايف يكون عيب فى اللون
يا ريت الاخوة الافاضل اللي إستلموا يكتبوا انطباعاتهم على ثبات العربية لو سمحتوا .
أنا بسأل على الموضوع دة عشان كان في مناقشة في قسم المقارنات بين الفلونس و السيفيك ،و الاستاذ الفاضل bukla كان شارك فيها مع بعض الأعضاء الافاضل،و تطرق الحديث على نظام التعليق الخلفي في العربية Torsion Beam ،و إنه مش بيدي ثبات جيد للعربية ،ياريت الناس إلي استلمت تطمينا على الموضوع دة.شكراً.
شوف يا gasco اولا انت ما قلتلناش انت حاجز انهى فئة و امتى ؟؟؟؟
ثانيا ما قلتلناش عندك استعداد تدفع اوفر برايس حوالى 3000 جم ولا لأ ؟؟؟
ثالثا انت اللى لازم تقرر و تنزل تركب الاتنين و تشوف انت مستريح لانى واحدة فيهم ودى مهمة جدا بعد لما تعمل مقارنة بين مواصفات و كماليات العربيتين
رابعا لازم برضو تحسبها ماديا زى ما بوكلا قاللك
خامسا انا كنت زيك بالظبط زهقان من طول الانتظار بس انا كنت حاجز من شهر 2
و انصحك تستنى لو انت واقع فى حب الفلوانس زى حالاتنا :B4_007: لانك حتندم لو جبت عربية تانية( شكل قديم نسبيا ) كل لما تشوف الفلوانس ماشية فى الشارع و كل لما حد يجيب سيرتها قدامك ويشكر فيها حتقول يا ريتنى .... :majd(4):
أخيرا و اولا قبل كل شىء لو تقدر تصلى استخارة علشان بجد دى نعمة كبيررة اوى علينا و الحمد لله
بص انا حقولك اللى انا حاسة من تجربتى الشخصية العربية ثابتة جدا فى الملفات حتى لو على سرعات عالية (يعنى 120 او 130 ) يعنى ما بحسش انى واخد ملف اصلا بس فى الطرق اللى الاسفلت فية طبيعى يعنى مافيش فية الفلنكات الحديد بتاعت الكبارى المرتفعة قليلا عن الارض ودة سببة اعتقد طول قاعدة العربية و عرضها بالاضافة الى الكاوتش العريض
كل اللى فات دة جميل لكن اللى انا حسيتة فعلا ان لما بكون واخد ملف جامد على مطلع كوبرى مثلا ودى حاستها على مطلع الدائرى من الاتوستراد فى اتجاة الهرم فية فلنكة حديد الجزء الايمن منها وانت طالع مفقود فعامل زى الحفرة المهم و انا واخد الملف دة بعد ما عديت بالعجلتين اللى قدام كان كلة تمام لكن لما العجلتين اللى ورى خدو الحفرة دى حسيت ان ظهر العربية حدف سنة بسيطة سرعتى كانت مش كبيرة يعنى حوالى 50 او 60 لكن بصراحة الملف جامد قوى والحفرة برضة عريضة وكل العربيات اللى قدامى و هى بتاخد الحفرة دى بشوف ظهرها بيحدف حدفة بسيطة انا قولت يمكن الكاوتش الخلفى الهوى فية زيادة شوية لكن يمكن دة يكون فعلا بسبب نوع التعليق اللى بيقولو علية
بس الموضوع دة انا مش حاسس انة عاملى مشكلة على الاطلاق
يا أستاذ bukla إحنا سمحينلك تتأخر شوية فى التقرير علشان لسه مستلم قريب و هنسمحلك تستمتع شوية بالعربية:ma: لكن متنسناش فى تقرير مفصل من بتوعك عن أداء العربية و ليكن بعد الألف الأولى (يعنى إستهلاك البنزين و ...) علشان بالنسبة لنا العربية لسه مبهمه....
ربنا يباركلك فيها و يكفيك شرها....