رابطة حائزى الفلوينس

**gasco** · 13-05-2010 02:46 PM

الاسكندرية -قالى نصف مايو بفكر فى فاتازيا ارجو النصيحة ياجماعة زهقت

**bukla** · 13-05-2010 03:07 PM

المشاركة الأصلية كتبت بواسطة gasco

الاسكندرية -قالى نصف مايو بفكر فى فاتازيا ارجو النصيحة ياجماعة زهقت

متهيألى قصدك نصف يونيو
الفانتازيا عربية جميلة بس لو انت عندك استعداد تخسر كماليات كتير و تدفعلك من 20 ل 30 الف جنية زيادة مقابل انك ما تستناش شهر ماشى

**madoo_600** · 13-05-2010 04:18 PM

المشاركة الأصلية كتبت بواسطة heromiro

يا رجاله اعندى مشكله العربيه فيها بقع على الصاج الكبوت و السقف لما غسلتها فى البنزينه ظهرت اكتر ممكن يكون شحم الفبريكه و يطلع ازاى ؟انا خايف يكون عيب فى اللون

ده شحم يا كبير وبيطلع عادي بس رش عليهم شويه جاز وسيبه 5 دقائق وسيبك من الوهم واستمتع بعربيتك

**Gabrial** · 13-05-2010 06:49 PM

يا ريت الاخوة الافاضل اللي إستلموا يكتبوا انطباعاتهم على ثبات العربية لو سمحتوا .
أنا بسأل على الموضوع دة عشان كان في مناقشة في قسم المقارنات بين الفلونس و السيفيك ،و الاستاذ الفاضل bukla كان شارك فيها مع بعض الأعضاء الافاضل،و تطرق الحديث على نظام التعليق الخلفي في العربية Torsion Beam ،و إنه مش بيدي ثبات جيد للعربية ،ياريت الناس إلي استلمت تطمينا على الموضوع دة.شكراً.

**Dr Dido** · 13-05-2010 07:11 PM

المشاركة الأصلية كتبت بواسطة gasco

الاسكندرية -قالى نصف مايو بفكر فى فاتازيا ارجو النصيحة ياجماعة زهقت

المشاركة الأصلية كتبت بواسطة bukla

متهيألى قصدك نصف يونيو
الفانتازيا عربية جميلة بس لو انت عندك استعداد تخسر كماليات كتير و تدفعلك من 20 ل 30 الف جنية زيادة مقابل انك ما تستناش شهر ماشى

شوف يا gasco اولا انت ما قلتلناش انت حاجز انهى فئة و امتى ؟؟؟؟
ثانيا ما قلتلناش عندك استعداد تدفع اوفر برايس حوالى 3000 جم ولا لأ ؟؟؟
ثالثا انت اللى لازم تقرر و تنزل تركب الاتنين و تشوف انت مستريح لانى واحدة فيهم ودى مهمة جدا بعد لما تعمل مقارنة بين مواصفات و كماليات العربيتين
رابعا لازم برضو تحسبها ماديا زى ما بوكلا قاللك
خامسا انا كنت زيك بالظبط زهقان من طول الانتظار بس انا كنت حاجز من شهر 2
و انصحك تستنى لو انت واقع فى حب الفلوانس زى حالاتنا

لانك حتندم لو جبت عربية تانية( شكل قديم نسبيا ) كل لما تشوف الفلوانس ماشية فى الشارع و كل لما حد يجيب سيرتها قدامك ويشكر فيها حتقول يا ريتنى ....

أخيرا و اولا قبل كل شىء لو تقدر تصلى استخارة علشان بجد دى نعمة كبيررة اوى علينا و الحمد لله

**heromiro** · 13-05-2010 07:41 PM

المشاركة الأصلية كتبت بواسطة madoo_600

ده شحم يا كبير وبيطلع عادي بس رش عليهم شويه جاز وسيبه 5 دقائق وسيبك من الوهم واستمتع بعربيتك

شكرا على رد أنا هاعمل كده إن شاء الله

**bukla** · 13-05-2010 10:19 PM

المشاركة الأصلية كتبت بواسطة gabrial

يا ريت الاخوة الافاضل اللي إستلموا يكتبوا انطباعاتهم على ثبات العربية لو سمحتوا .
أنا بسأل على الموضوع دة عشان كان في مناقشة في قسم المقارنات بين الفلونس و السيفيك ،و الاستاذ الفاضل bukla كان شارك فيها مع بعض الأعضاء الافاضل،و تطرق الحديث على نظام التعليق الخلفي في العربية torsion beam ،و إنه مش بيدي ثبات جيد للعربية ،ياريت الناس إلي استلمت تطمينا على الموضوع دة.شكراً.

بص انا حقولك اللى انا حاسة من تجربتى الشخصية العربية ثابتة جدا فى الملفات حتى لو على سرعات عالية (يعنى 120 او 130 ) يعنى ما بحسش انى واخد ملف اصلا بس فى الطرق اللى الاسفلت فية طبيعى يعنى مافيش فية الفلنكات الحديد بتاعت الكبارى المرتفعة قليلا عن الارض ودة سببة اعتقد طول قاعدة العربية و عرضها بالاضافة الى الكاوتش العريض
كل اللى فات دة جميل لكن اللى انا حسيتة فعلا ان لما بكون واخد ملف جامد على مطلع كوبرى مثلا ودى حاستها على مطلع الدائرى من الاتوستراد فى اتجاة الهرم فية فلنكة حديد الجزء الايمن منها وانت طالع مفقود فعامل زى الحفرة المهم و انا واخد الملف دة بعد ما عديت بالعجلتين اللى قدام كان كلة تمام لكن لما العجلتين اللى ورى خدو الحفرة دى حسيت ان ظهر العربية حدف سنة بسيطة سرعتى كانت مش كبيرة يعنى حوالى 50 او 60 لكن بصراحة الملف جامد قوى والحفرة برضة عريضة وكل العربيات اللى قدامى و هى بتاخد الحفرة دى بشوف ظهرها بيحدف حدفة بسيطة انا قولت يمكن الكاوتش الخلفى الهوى فية زيادة شوية لكن يمكن دة يكون فعلا بسبب نوع التعليق اللى بيقولو علية
بس الموضوع دة انا مش حاسس انة عاملى مشكلة على الاطلاق

**Hany Saad** · 13-05-2010 10:31 PM

المشاركة الأصلية كتبت بواسطة Gabrial

شكراً يا أستاذ bukla على الرد ،هي فعلاً المشكلة الاساسية هي سوء حالة الطرق و الحفر اللي في الشوارع ،ربنا يستر طرقنا جميعاً.

يا أستاذ bukla إحنا سمحينلك تتأخر شوية فى التقرير علشان لسه مستلم قريب و هنسمحلك تستمتع شوية بالعربية لكن متنسناش فى تقرير مفصل من بتوعك عن أداء العربية و ليكن بعد الألف الأولى (يعنى إستهلاك البنزين و ...) علشان بالنسبة لنا العربية لسه مبهمه....

ربنا يباركلك فيها و يكفيك شرها....