رابطة حائزى الفلوينس

**tarek7elmy** · 14-07-2010 12:00 PM

المشاركة الأصلية كتبت بواسطة meggieboy

بالنسبة لتجربتى مع الميجان ii و موضوع الdead lock المفروض ريموت الميجان لو دوست على زر القفل مرتين متتاليتين العربية كلها تقفل و وحدات الرفع فى الزجاج تشتغل و ده شغال تمام.... و كان مكتوب كمان عن موضوع الdead lock و هو عدم إستطاعتك فتح العربية من الداخل و لكن للأسف الميجان اللى نزلت مصر مكنش فيها خاصية الdead lock مع إنها مكتوبة فى الكتالوج مع العلم إنها كانت شغالة فى إنجلترا....

ينفع يركب وحدة رفع فى الفلوينس و بكام لو حد يعرف و نظام انذار

**maea** · 14-07-2010 11:41 PM

شكرا جدا يا بوكلا علي سرعة الرد وهيا العربية عاملة معاكم اية لحد دلوقتي لاني صرفت نظر عن السيراتو والكارينز كمان بس انا بطلب من الاستاذ كريم منير ان يتعمل قسم خاص للفلوانيس داخل رينو علشان تبقي المواضيع اكثر وانشط من كدة مع اني عارف ان الاستاذ بوكلا والسادة الاعضاء وملاك العربية قايمين بالواجب وزيادة وبيردة علطول علي الاستفسارات وشكرا ليكم

**heromiro** · 14-07-2010 11:55 PM

أنا العربيه الحمد لله عامل بيها 3500 كيلو وسافرت بيها 3 مرة الساحل مفيش أي شكوى منها خالص
جبت بيها 170 وكانت هايلة قوي ماشاء الله
بس أنا ليه ملحظه ان الموتور بطيء في التجميع شوية

**bukla** · 15-07-2010 01:29 AM

المشاركة الأصلية كتبت بواسطة maea

شكرا جدا يا بوكلا علي سرعة الرد وهيا العربية عاملة معاكم اية لحد دلوقتي لاني صرفت نظر عن السيراتو والكارينز كمان بس انا بطلب من الاستاذ كريم منير ان يتعمل قسم خاص للفلوانيس داخل رينو علشان تبقي المواضيع اكثر وانشط من كدة مع اني عارف ان الاستاذ بوكلا والسادة الاعضاء وملاك العربية قايمين بالواجب وزيادة وبيردة علطول علي الاستفسارات وشكرا ليكم

الشكر لله
انا عامل 3800 كيلو و لسة واصل الساحل امبارح ما شاء الله العربية على الطريق ممتعة و استهلاكها فى البنزين ممتاز انا كنت محمل 5 افراد بالغين غيرى و الشنطة مليانة على الاخر و مقفولة بالعافية و مشغل التكييف و العربية عملت حوالى 300 كيلو فى الصفيحة

**bukla** · 16-07-2010 01:34 AM

المشاركة الأصلية كتبت بواسطة ahmed92

بسم الله ماشاء الله

بس سؤال حضرتك بتحط بنزين 92 ولا 95

بستعمل بنزين 95

**amrden** · 17-07-2010 10:40 PM

يااارب عشان انا حاجز موديل 2011 من عند الطارق و المفروض استلم على اخر الاسبوع

**ahmed92** · 17-07-2010 10:59 PM

المشاركة الأصلية كتبت بواسطة amrden

يااارب عشان انا حاجز موديل 2011 من عند الطارق و المفروض استلم على اخر الاسبوع

الظاهر الموضوع جد
لسة قافل معايا معرض محمد زكى وقالى هات الفلوس وتعالى بكرة الاحد 18-7-2010 علشان استلم موديل 2011
المشكلة انى بالعريش وصعب اخد اجازة الاسبوع دة والموضوع جة على غفلة

**amrelserw** · 18-07-2010 12:33 AM

السلام عليكم
أنا كنت امبارح راكن فى جراج جنب مستشفى النزهة و جامع الصديق فى الشيراتون فلقت كمية فلوينس تزيد عن 30 عربية فسالت العامل من صاحب العربيات دى فقالى معرض السبع و لسة جايبهم النهاردة الصبح.
ربنا يكرمكم بيها ان شاء الله