رابطة حائزى الفلوينس

**Ahmadsamra** · 10-06-2011 02:52 AM

المشاركة الأصلية كتبت بواسطة azima21

عندي إستفسار للأساتذه بتوع الجروب,ليه لما امشي بالعربيه السنتر مش بيقفل لوحده زي العربيات الاوروبي او معظمها,ولا يمكن ده يكون عندي مشكله او في طريقه معينه لتشغيل الاوبشن ده

ممكن بردو تضغط على زرار السنتر لوك اللى فى التابلوه ضغطه طويله و العربيه هتفعل الغلق التلقائى مع الحركه.

**azima21** · 10-06-2011 09:16 AM

المشاركة الأصلية كتبت بواسطة ahmadsamra

ممكن بردو تضغط على زرار السنتر لوك اللى فى التابلوه ضغطه طويله و العربيه هتفعل الغلق التلقائى مع الحركه.

بص يا باشا انا جربت الطرقه دي بس ماعملتش حاجه ,وعلى العموم انا هاجرب الطرقه بتاعت الاخ بوكلا و هاشوف النتيجه (مع العلم ان الخ بوكلا خبير و انا واثق انها هاتنجح)

**Elegance** · 10-06-2011 01:36 PM

المشاركة الأصلية كتبت بواسطة bukla

زى ما شرحت سابقا و العربية واقفة الضغط على زرار المنيو اللى فى دراع المساحة لاعلى او اسفل ضغطة ضغطة حتى الوصول لمنيو الضبط
للدخول فى منيو الضبط يجب الضغط على على نفس زرار المنيو اللى فى دراع المساحة لاعلى او اسفل و لكن المرة دى ضغط مستمر لمدة 3 ثوانى حتلاقى المنيو فتحت يمكن التحرك فى منيو الضبط الجديدة اللى فتحت لاعلى و اسفل بنفس الزرار اللى فى دراع المساحة حتلاقى مكتوب بالانجليزية جملة على ما اتذكر كانت auto lock while vehicle move و جنبها مربع فاضى انزلى عليها و اضغطى على زرار المنيو اللى فى دراع المساحة لاعلى او اسفل باستمرار لمدة 3 ثوانى حتلقى ظهر جوة المربع x كدة الخاصية تم تفعيلها
يتم الخروج من المنيو بنفس طريقة الدخول
بالتوفيق ان شاء الله

Bukla مرسي و ان شاء الله هجرب و اقولكم عملت اية

**hobiko** · 10-06-2011 04:41 PM

المشاركة الأصلية كتبت بواسطة gabrial

ده يا فندم أسعار و مواصفات الفلونس :

منوال - ١١٣٠٠٠ ألف

- عجلات حديديه مقاس ١٥ بوصة
- نظم فرامل abs مع ebd و bas "break assist system"
- وسادة هوائية للسائق و الراكب الأمامي " ٢ فقط"
- تكيف هواء يدوي
- نظم غلق مركزي
- زجاج كهرباء أمامي و خلفي
- مفتاح رموت كنترول قابل للطي
- مراية جانبية يمكن ضبطها كهربائياً
- مثبت + محدد سرعة
- كمبيوتر رحلات لبيان متوسط السرعة وإستهلاك الوقود
- راديو cd mp3 وإمكانية توصيل rca مع ٤ سماعات
- فوج لايت والكنبة الخلفية يمكن امالتها 1/3 و 2/3
اتوماتيك - ١٢٥ ألف
- تزيد عن السابقة فتيس أوتوماتيك - ستيبترونك

اتوماتيك - ١٣٥ ألف

تزيد عن السابقة :
- جنوط رياضية ١٦ بوصة
- مساند رأس يمكن تعديل ارتفاعها وميلها ٤ أوضاع
- تكيف هواء أوتوماتيك " bi-zone" يمكن ضبط كل جانب عل حده
- مخرج خلفي للتكيف
- مفتاح كارت - ستارت بوتن " رينو كارد "
- نظام تشغيل التلقائي للمصابيح -auto lighting sensor
- نظام التعرف على الأمطار وتشغيل المساحة تلقائياً - rain sensor
- نظام تأخير غلق الإضاءة - follow me home
- نظام تشغيل الأضواء عن بعد
- مصابيح ضباب
- مراية جانبية يمكن ضبطها و طيها كهربائياً مع تدفئة ذاتية
- راديو cd mp3 مع bluetooth و عدد ٦ سماعات
- مقبس ١٢ فولت بصندوق التخزين بمسند إليد الأمامي
أوتوماتيك - ١٥٨ ألف
تزيد عن السابقة
مصابيح زنون
- باركينغ سنسور - خلفي
٦ وسائد هوائيه بدل ٢
فتحة سقف كهرباء
فرش جلد

إستفسار من رجالة رينو ...... بفكر أغير و عجباني الفلونس

ياترى لسه المواصفات و الأسعار ذي المشاركة دي ولا فيه اختلافات ؟؟؟؟

و شكراً جزيلاً

**bukla** · 11-06-2011 12:48 AM

المشاركة الأصلية كتبت بواسطة hobiko

إستفسار من رجالة رينو ...... بفكر أغير و عجباني الفلونس

ياترى لسه المواصفات و الأسعار ذي المشاركة دي ولا فيه اختلافات ؟؟؟؟

و شكراً جزيلاً

المواصفات محصلش فيها اى تغييرات لكن الاسعار اختلفت كالاتى
اللى كانت ب 113 الف اصبحت ب 122 الف
اللى كانت ب 125 الف اصبحت ب 132 الف
اللى كانت ب 135 الف اصبحت ب 142 الف
اللى كانت ب 158 الف اصبحت ب 167 الف
لكن دى اسعار التوكيل ممكن تقل عند بعض الموزعين من 1000 الى 3000 جنية
ملحوظه
ابتداء من الفئة اللى كانت ب 135 الف و اصبحت ب 142 الف فيها ثلاجة فى التابلوة بتشتغل مع التكييف
بالتوفيق ان شاء الله

**Elegance** · 11-06-2011 01:16 AM

Bukla

مرسي انا ظبط السنتر بيقفل دلوقتي اول ما العربية تمشي

**M.Elwan** · 11-06-2011 01:21 AM

الاسعار من موقع رينو بتاريخ 11- 6
يلاحظ اضافة فئة جديدة ب 150 الف E3S
تزيد فتحة سقف وباركينج سنسور عن ال E3

**bukla** · 11-06-2011 10:20 AM

المشاركة الأصلية كتبت بواسطة elegance

bukla

مرسي انا ظبط السنتر بيقفل دلوقتي اول ما العربية تمشي

الشكر لله و لو عندك اى استفسار تانى فى العربية إسألى و انا ان شاء الله اجاوبك

المشاركة الأصلية كتبت بواسطة m.elwan

الاسعار من موقع رينو بتاريخ 11- 6
يلاحظ اضافة فئة جديدة ب 150 الف e3s
تزيد فتحة سقف وباركينج سنسور عن ال e3

الف شكر على جدول الاسعار و احب اقول ان الفئة اللى ب 150 الف كانت موجودة اول ما العربية نزلت و كانت بتزيد فتحة سقف بس و التوكيل بطل ينزلها من مدة فأذا كان قرر ينزلها تانى و يزود عليها كمان الباركنج سنسور اعتقد انها حتبقى عربية منافسة بشدة للفئة بتاعتها لانى اعتقد ان مافيش فى سعرها عربية تانية فيها كل الاوبشنز دى