السرفو

**amrelsaqqa** · 06-05-2010 10:31 PM

يتطلب مجهود عالى من السائق للتعويض

طيب ما هو كدة احنا متفقين
فرامل البيجو مثلا بتحجر بس ممكن تفرمل بس بقوة جامدة جدا جدا

لدرجة مثلا انك هتمسك في الدركسيون بايديك الاتنين وتدوس بأقصى ما عندك
كأنك مثلا بتزق في دولاب كبير من الجنب او حاجة زي كدة بتبقى محتاجة قوة جامدة

يعنى هى بتفرق من عربية لعربية

في عربيات بتتقل سنة من غير سيرفو وعربيات بتحجر تماما

زي مثلا الدركسيون العادى ( او الباور في حالة العربية لو مبطلة )
فيه منه تقيل اوى وفيه منه خفيف شوية مع انه كدة كدة الباور مش شغال ، حسب تصميم علبة الدركسيون ووزن العربية وعرض الكاوتش بيكون الفرق ، بمعنى ان المؤازر ده احيانا بيبذل قدرة جامدة تعمل فرق جامد واحيانا لا حسب العربية

**SAMEH_FOUAD** · 07-05-2010 03:54 AM

المشاركة الأصلية كتبت بواسطة samirayad

ده الكلام العلمى مدام مش مصدقنى

ملحوظه

المقصود بكلمة مؤازر ......................السيرفو بتاع الفرامل

على فكره
كده فيه عندك خلل فى كفاءة الآداء الفرملى ......ولكنك لا تحس بهذا الخلل مع وجود السيرفو

اولا حضرتك كدة خد بالك من كلمة مجهود عالى من السائق يعنى دة اللى انا قولتة انى ضغط جامد جدا جدا على الفرامل والعربية هدت بس ماوقفتش او بمعنى اصح لو انت ماشى على سرعة 80 كيلو والسيارة بطلت ودوست فرامل العربية مش هتقف الا بعد فترة طويلة ,وبردة عشان حضرتك ماتقولش ان دة عيب عندى جربتة فى السيارة اللانسر ونفس اللى حصل عندى هو اللى حصل فيها

**samirayad** · 07-05-2010 07:46 AM

المشاركة الأصلية كتبت بواسطة samirayad

على رأى محمد رشدى فى أدهم الشرقاوى

أجيب منين ناس .....لمعنات الكلام يتلوه

_________________________

ما عربية الراجل معانا أهه من غير سيرفو أساسا

وبتفرمل زى القشطه

ولا عمرها قالت أنا مش متفرمله ولا لما المكنه تبطل منه
حتروح قايلاله
سامحنى ياصاحبى أنا مش مفرمله معاك

يبقى أصدق تجربتك مع البيجو

وأسيب التصميم اللى قدامى

دا كده أنا بأكذب أبله نظيره

وهى بتقول

القطنه مبتكدبش

المشاركة الأصلية كتبت بواسطة semsem kane

اولا حضرتك كدة خد بالك من كلمة مجهود عالى من السائق يعنى دة اللى انا قولتة انى ضغط جامد جدا جدا على الفرامل والعربية هدت بس ماوقفتش او بمعنى اصح لو انت ماشى على سرعة 80 كيلو والسيارة بطلت ودوست فرامل العربية مش هتقف الا بعد فترة طويلة ,وبردة عشان حضرتك ماتقولش ان دة عيب عندى جربتة فى السيارة اللانسر ونفس اللى حصل عندى هو اللى حصل فيها

والله ياسمسم أنت اللى مش واخد بالك خالص

ركز ياباشا وأنت بتقرأ المواضيع من أول تعليف لآخره

وشوف كده أنا قولت أيه فى أول تعليق

فى الموضوع من أوله

**SAMEH_FOUAD** · 07-05-2010 11:50 AM

مهندس سمير ياريت حضرتك تجرب سيارة فيها سيرفو وامشى وبطل العربية ودوس فرامل بس تكون على سرعة مش اقل من 60 كيلو وقولى اية الاخبار
عشان كدة الراجل احتار ومابقاش عارف يركب سيرفو ولا لأ

**samirayad** · 07-05-2010 11:58 AM

عشان كدة الراجل احتار ومابقاش عارف يركب سيرفو ولا لأ

ما أنت السبب فى حيرة الراجل ياباشا
وزى مافيه عربيات بسيرفو للفرامل فيه برضه عربيات من غير سيرفو
يبقى أزاى كلامك منطقى من غير ما أجرب
نعم حينما يلغى دور السيرفو فى السيارات التى دوائر فراملها تحتوى على مساعد فر امل (سيرفو )
سيعانى السائق ببعض المجهود الزائد لأيقاف سيارته وقت ضياع دور السيرفو
ولكن السياره حتقف حتقف بس لازم يتكى كويس وبشده على الدواسه وقئذ

وأفكرك تانى بمعنى أول تعليق لى على الراجل (صاحب الموضوع )

فالسيرفو ماهو الا مساعد أو مؤازر أو معاون لقدم سائق السياره

فى تخفيف الجهد المبذول من قبل قائد السياره بضغطه على دواسة الفرامل أثناء أستعمال الفرامل

**samirayad** · 07-05-2010 12:06 PM

ودوس فرامل بس تكون على سرعة مش اقل من 60 كيلو وقولى اية الاخبار

على فكره

ده شىء طبيعى يوجد أن أخفاق قليلا فى قوة الفرامل ( من غير سيرفو )

على أيقاف السياره فعلا فى السرعات العاليه

بس حتقف السياره حتقف

ولكن ستأخذ بعض الوقت الزائد

ومش شرط بأه أدور المكنه علشان يبقى عندى سيرفو

طالما المكنه حصل فيها عطل فجائى ( يمنعها من الدوران ووجود تخلخل لعمل السيرفو )

____________________________

فمثلا

واحد ماشى بعربيته (اللى فيها سيرفو )

وأنقطع منه سير الكاتينه وهو على سرعه

هل العربيه مش حتقف وهو بقى من غير سيرفو

بالطبع لا

ولكن لازم حيتعب شويه الا حد ما على الدواسه لأيقاف السياره

يبقى كدة لو وهو ماشى والسيارة بطلت فجاءة اول دوستين او تلاثة بالظبط هيلاقى فرامل عادى وبعد كدة البدال هيحجر معاة جامد جدا ومهما يدوس بقوة السيارة مش هتفرمل لان المصدر بتاعة اتقطع وهو ضغط الهواء

مش ده كلامك اللى بالأزرق ياسمسم

ولا أنا مش واخد بالى

**SAMEH_FOUAD** · 07-05-2010 04:09 PM

المشاركة الأصلية كتبت بواسطة samirayad

على فكره

ده شىء طبيعى يوجد أن أخفاق قليلا فى قوة الفرامل ( من غير سيرفو )

على أيقاف السياره فعلا فى السرعات العاليه

بس حتقف السياره حتقف

ولكن ستأخذ بعض الوقت الزائد

ومش شرط بأه أدور المكنه علشان يبقى عندى سيرفو

طالما المكنه حصل فيها عطل فجائى ( يمنعها من الدوران ووجود تخلخل لعمل السيرفو )

____________________________

فمثلا

واحد ماشى بعربيته (اللى فيها سيرفو )

وأنقطع منه سير الكاتينه وهو على سرعه

هل العربيه مش حتقف وهو بقى من غير سيرفو

بالطبع لا

ولكن لازم حيتعب شويه الا حد ما على الدواسه لأيقاف السياره

مش ده كلامك اللى بالأزرق ياسمسم

ولا أنا مش واخد بالى

دة كلامى طبعا بس بردة ياريت تجرب عربية فيها سيرفو وبطلها وشوف النتيجة
لان كلامى نفس كلامك بس نقطة الاختلاف ان السيارة لما بتبطل وفيها سيرفو السيارة مابتقفش والبدال بيحجر وعايزة مجهود جامد جدا عشان تقف ودة طبعا خطر جدا جدا دية وجهة نظرى ومقتنع بيها لانى مجربها فى كذا عربية جديد وقديم

**samirayad** · 07-05-2010 04:27 PM

المشاركة الأصلية كتبت بواسطة semsem kane

دة كلامى طبعا بس بردة ياريت تجرب عربية فيها سيرفو وبطلها وشوف النتيجة
لان كلامى نفس كلامك بس نقطة الاختلاف ان السيارة لما بتبطل وفيها سيرفو السيارة مابتقفش والبدال بيحجر وعايزة مجهود جامد جدا عشان تقف ودة طبعا خطر جدا جدا دية وجهة نظرى ومقتنع بيها لانى مجربها فى كذا عربية جديد وقديم

وأنا متفق معاك حاليا من غير ما أجرب

واللى يكون عنده سياره وفيها سيرفو وبطلت المكنه وهو على سرعه
لازم طبعا يبذل مجهود جامد لأيقاف السياره
ويخللى باله كويس ويتفادى أى مواقف أو سيارات أمامه بقدر الأمكان على مايوقف سيارته بأمان تام

بالفرامل المحجره

والستار موجود