ستاير كبس للجين 2

**medhat_skaik** · 10-05-2010 02:36 PM

المشاركة الأصلية كتبت بواسطة a. Ibrahim

تشكر يا مدحت
بس ليه الشراعه اللي وره ليها ستاره لوحدها مش ممكن تكون واحده كمله ؟؟؟؟؟؟؟؟؟؟؟

الستاير الكبس من إسمها بتعتمد على كبس وتثبيت الستارة في الإطار الداخلي للشباك
وعندنا في ال جين 2 قاطع بين الشباك الخلفي والشراعة عشان كدة مش ممكن تبقى ستارة واحدة

**BlackBerry** · 11-05-2010 01:12 AM

المشاركة الأصلية كتبت بواسطة medhat_skaik

معلش يا جماعة على التأخير في الرد

أنا فعلاً زي ماقال الأستاذ محمود صديق عملت الستاير الكبس لعربيتي ال جين 2

هو طقم كامل 7 قطع (الإزاز الخلفي + 2 للشراعتين + 2 للشباكين الخلفي + 2 للشباكين الأمامي)

المحل في شارع مصطفى النحاس بعد مطعم أبو مازن وانت جاي من شارع الطيران إسمه spider التكلفة كانت 160 جنيه

والموضوع سهل إنت يس تقوله نوع العربية وتدفع عربون وبعدها ب 3 أو 4 ايام تيجي تستلمهم (هو عنده 3 أنواع للستاير تقيلة أعتقد 3 طبقات والمتوسطة طبقتين والخفيفة طبقة) فرق السعر بينهم مش كتير يعني تقريباً من 20 ل 30 جنيه للطقم كله)
ومش لازم تجيب الطقم كله ممكن أي جزء أنت محتاجه

أنا اللي جيبتاها النوع المتوسط بس للأسف ما بستخدمش الستارة الخلفية لأني مش بشوف منها خاصة بالليل

بس بستعمل بتوع الشبابيك الخلفية وبرضوه ما إستعملتش بتوع الشبابيك اللي قدام

هما عمليين لسهولة الفك والتركيب ومش محتاج أي مشبك أو مسند ليهم يعني مش حتلعب في العربية أبداً

بالنسبة للمرور أنا عشان مش بركبهم غير في طرق السفر في مفيش غير مرة واحدة لجنة في طريق القاهرة دهب قالولي إبقى إثبت الستاير في الرخصة عشان ماتخدش مخالفة بس أداني الرخص وماأخدش فلوس ولا حاجة (إحتمال عشان كانت العائلة معايا

)

وأرجو أن أكون قد أفدتكم
تحياتي

السلام عليكم,

شكرا جزيلا للافاده يا صديقي...

اضحكك شويه...انا الستائر مثبوته عندي على الرخصه...وبدور على الستائر من شهر مش لقيتها لا في دمشق ولا التوفيقيه ولا في اي مكان وكل الردود عباره عن لسه مش نزلت اصلا او مش موجوده او تعالى بعد كم يوم وايضا مش هاتكون موجوده وانت وحظك الخ الخ ..لقيت تفصيل ب 220 جنيه ومش راضي ينزل جنيه للاتنين الخلفي والبربريز فقط! يعني (2 خلفي و 2 مثلث شباك و 1 خلفيه, 5 قطع ب 220!!! استغلتها ومشيت)

مركب حاليا فاميه وماشي بيه...بس هاروح ان شاء الله افصل الستائر عند المحل ده وبارك الله فيك على الافاده..ولو تعرف رقم المحل ياريت لو مش تعرف مش مشكله انت عملت الواجب وزياده ومتشكرين مقدما :)
تحياتي,

**privilege** · 11-05-2010 03:14 AM

شاكر جدا لمن أفادنا فى الموضوع لأني بقالى فترة بدور على الستائر الكبس
وعلى فكرة مثبوتة فى الرخصة أو مش مثبوتة لو المرور عاوز يتلكك هيتلكك
المهم ربك بيسترها

**Abdelrahman.H** · 18-05-2010 09:13 AM

أنا إمبارح لقيت الستاير الكبس موجودة بتتباع جاهزة في شارع دمشق عند مكتبة إبراهيم الشباكين الخلفيين والبرابريز الخلفي سعرهم 100 جنيه

ممكن تاخد البرابريز بس ب50 جنيه

المشكلة إن الشباك الخلفي الستارة بتاعته جاية حتة واحدة كاملة مش مقسوم حتتين للشباك والمثلث وده خلاها مش متثبتة كويس ومش مشدودة كويس يعني خلاها مريجة كدة ( مِعَبعِبَة بالبلدي يعني ) والستارة الخلفية لما ركبتها لقيتها تقيلة جدا ومش شايف منها حاجة لأنها طبقتين مع إني كنت بأجربها الساعة 2 الضهر .... المهم إني ما إشتريتهمش وحأفصلهم عند الراجل اللي قال أ/ مدحت

أنا بس حبيت أقولكم إنها موجودة جاهزة واللي حيعرف يتعامل معاها بالشكل ده يلحق يجيبها قبل ما تخلص

**malaty** · 18-05-2010 12:51 PM

To find out your traffic violations kindly follow the link below :
https://www.egypt.gov.eg/services/LoadxtrServices.aspx?PgURL=65053&section=citizens