مميزات وعيوب الماروتى بالتفصيل

**eng.octooo** · 26-01-2009 06:56 PM

هيا عربية ممتازة بس جوة المدينة لو سفر وكدة مافتكرش

**freespoken** · 26-01-2009 08:42 PM

المشاركة الأصلية كتبت بواسطة a_h_m_a_d

لأ طبعا النسبة دي مش مظبوطه و أكيد فيه حاجه غلط
المعدل الطبيعي للإستهلاك داخل البلد هو 20 لتر لكل 300 كم
يعني 1 لتر:15 كم

يعني اعمل ايه؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟

**momoking2000** · 29-01-2009 05:20 PM

سؤال لاهل الخبرة انا معايا الماروتى من 8 - 2008 وشغالة معايا زى الفل بس فى الفترة الاخيرة لما بنقل الغيارات فى الاخر كده بسمع صوت شخللة خفيفة لمدة 5 ثوان وبتروح ممكن حد يقوللى دى من ايه ؟

**hoss_rona** · 29-01-2009 09:01 PM

هاي يا جماعه انا حسام انا جبت ماروتي 2009 اول امبارح وجيت اركب كاسيت اصحابي قالولي لو ركبت كاسيت للعربيه الضمان بتاعها هيروح ولو عايز تركب لازم تركب من التوكيل فلو سمحتوا محتاج ردودكوا اوى ومش اي ردود لا ردود اكيييييييييييده بلييييييييييز

**momoking2000** · 30-01-2009 11:07 PM

مبروك يا حسام على العربية وربنا يباركلك فيها ويكفيك شرها بس انا ليا استفسار اولا انا مش متاكد من قصة التوكيل دى بس غالبا مفيهاش حاجة لان مفيش لعب فى الضفيرة بس رجاء بعد متركبه ان شاء الله قولى انت ركبته فى انهى مكان لان الموضوع ده محيرنى لحد دلوقتى
بالتوفيق يا باشا ......

**momoking2000** · 30-01-2009 11:08 PM

الاستفسار بالنسبة لمكان تركيب الكاسيت داخل العربية

**hoss_rona** · 31-01-2009 04:10 PM

انا سالت التوكيل قالولي لو جبت من بره هيأثر علي كهربة العربيه علي الرغم من ان الكاسيت اللي عندهم هو اللي هجيبه من بره ونفس السعر يعني بتاع بره هياثر وبتاع التوكيل ملاك مش هياثر وكانوا عايزين يركبولي سماعات 100 وات بس بليز محتاج ردودكوا

**m000dy** · 06-02-2009 04:40 PM

انا كنت بامشى فى طرق ضلمه كحل و افاجأ بمطب و انا على سرعه 80 و100 و طبعا بطير من عليه و انا باتشهد

ههههههههههههههههههههههههه ههههههههههههههههههههههههه هه
ههههههههههههههههههههههههه ههههههههههههههههههههههههه هههههههههههجامده بتشهد دى والله يادكتور تامر قعدت اضحك لحد ماتقلبت من على الكرسى
خللى بالك ياجميل والعربيه حلوه انا ماكنتش فاكرها كده لحد ماركبتها مره بالصدفه وشاء ربنا ان اول ركوبه ليها اكون فيها لوحدى وعلى طريق السخنه وكانت حالة العربيه فوق الممتازه وقفلت بيها امبير وهى كانت موديل 97 وكمان لقيت قعدتها مريحه من قدام ومن ورا ضيقه طبعا بس على اد حجمها كويس والعربيه عومت منى فعلا وانا ماشى 140 بعد ما كلت مطب هوا وعشان كده انا ضحكت اما انت قلت انك اتشاهدت بعد المطب لانى انا كمان اتشاهدت تلقائيا كده لانها عومت جامد ومع الفرامل عومت اكتر فرفعت رجلى وسلمتها لله ههههههههههههههه والحمد لله لسه عايش وبكتب اهو
وقبل ماعرف قيمتها كان فى واحد صاحبى معاه العربيه دى موديل 2007 وزهق منها وباعها ب 24 الف بس وانا ماكنتش عارف انها لقطه وقتها خصوصا انه باعها بعدها ب6 او 7 شهور بس
عموما ياريت ياخوننا تنصحونى بموديل يكون كويس وتدلونى ازاى اعرف اللى حالتها كويسه من اللى متهانه عشان ماتفتحش بقها معايا
وانت يا عم سحس خف من عليها شويه انت مش راكب بى ام ياعم
وربنا يطولك فى عمرها كمان وكمان ومبروك عليك ال 2009 ياريس

**pop504** · 06-02-2009 07:03 PM

ممتازة و اقتصادية جدا

**pop504** · 06-02-2009 07:11 PM

الماروتى سيارة ممتازة كانت عندى عيوبها : عدم الثبات بعد 100 كيلو-بدون كماليات -عدم وجود سرفو للفرامل -صالون ضيق قليلا -مش عربية سفر

مميزاتها : اقتصاية جدا -قطع غيار رخيصة جدا- محرك مبسط سهل الصيانة عند اى ميكانيكى - تقفيل ممتاز - ممتازة داخل المدن