ازيكم ياماروتية
انا كنت ماروتية برده لحد شهر 11 اللى فات وكنت جايباها زيرو 2007 واتعلمت عليها السواقة بعد ماسقت بتاع شهرين كدة لانوس
بجد العربية حلوة قوى للى بيتعلم لانها بتديه ثقة جامدة جدا
اولا لانها صغيرة
ثانيا لان قطع غيارها رخيصة
يعنى كنت بامشى فى الشارع وانا مقطعة البطاقة ومش هاممنى
لكن بعد سنتين حسيت انى محتاجة عربية اكبر وفيها كماليات طبعا والحاجات دى وجبت فيرنا زيرو وطبعا فول اوبشن عشان الماروتى ماكانش فيها اى اوبشن خالص
لكن من الاخر هى عربية فركوكة جدا ومالهاش عيوب خالص بالنسبة لفئتها
وبجد انا فرحانة من كم الاهتمام بالتوبيك ده وربنا يبارك لكم فى عربياتكم ويحفظكم من الطريق
المفضلات