الموضوع: مميزات وعيوب الماروتى بالتفصيل

المشاركة الأصلية كتبت بواسطة abdm

غسيل دورة التبريد دة كل مدة طويلة أو لما يكون فى مشكلة لكن لو مافيش مشاكل كفاية تغير المياة الخضراء كل فترة أو التزويد

بالنسبة لو الدرجة عديت يبقى فى مشكلة فى مروحة التبريد أو الترموستات مش مضبوط راجع على كهربة المروحة سليمة ولا لآ وكمان راجع على الترموستات

فى حاجة حلوة قوى جدا كنت عاملها قبل كدة فى 127 وهى عمل مفتاح كهربة للمروحة داخل الصالون فى التابلوة لما الترموستات يبوظ ويخرف لكن المروحة تكون سليمة بشغل المفتاح دة عند الحرارة لما توصل للنصف ولما الحرارة تنزل بقفلة . طبعا الكلام دة بيكون مؤقتا لغاية ما توصل للكهربائى وهو يغيرلك الترموستات ويكون الجديد يشتغل من 70 :80 وهتلاقية قبل ما العلامة توصل النصف تشتغل المروحة .
والله الموفق والمستعان

عبد الحي باشاا تسلم ياغالي
ع معلومه والافادة هوا الحمدلله قليل جدا ان عدا النصف
بس يكون ثابت فترة متوسكه فى نصف ومروحه شغاله عادي وبيهدي
وبيرجع تانى وهكذا اعتقد كدة حمدلله مفيش مشكل ؟
----
في حاجه بقا هل ينفع انى اخلي المروحه تفضل شغاله لحد ما تخلص تهويه بعد ما اقفل كونتكت والعربيه متكركرش وتترجج
بمعنى انه لما بتكون مروحه شغاله وانا ركنت وخلاص عايز انزل بستنى لحد ما تخلص واقفل او ازود بنزين جامد واقفل كونتك ع طول
فهل بقا ينفع ان اضبط مروحه ع انها تفضل شغاله حتى بعد ما ااقفل الكونتكت ولما تخلص تقف لوحدها زي شاهين مثلا كا اقرب مثال ولا موووو ينفع ((:

المشاركة الأصلية كتبت بواسطة lord.adel

باشااا ابو جنة الغالي تسلم يا جميل الله يسلمك
يعنى مقلقلش طب ميكرو بيقول نغسل دورة التربريد ولا نزود مية خضرا وخلاص
وبعدين اذا درجه عدت اقف بقا وافتح بق العربيه واستنى جنبها ولا ايه ((:
------------
كلام الخربشه دي من وراء يا ابو جنه مش امام؟
وهروح افك العجله كلها واشوف التنابير واشيك
--
بس دلوقت فى حاجه عايز ليها رد
دلوقت وانا ماشي سلنسيه ع هادي كدة تانى مثلا والارض ضبة مستقيمة بحس ان العربيه
بتتمرجح او زي منخول كدة زي مثلا لما تكون عجله مش مربوطه كويس ومشيه فهمني بس
شيكت ع مسامير تمام وعجل تمام وموضوع دة بس بيه بس فى سرعه هاديه شديت بيها ع دائري والحمدلله مفيش اي احساس بالحوار دة يبقى ايه دة بقاااااااااا

موضوع غسيل دورة التبريد انا عملتة قرييا بس على الواسع كانت المياه بتنقص من الراديتير ومش عارف السبب ايه بعد الكشف عند متخصص وجد ان غطاء الراديتير بايظ ايضا خرطوم الراجع عايز يتغير فتم عمل الاتي تم حل الراديتير وتنظيفة وتغيير خرطوم الراجع وغطاء الراديتير وتم وضع جاز مع مياه الراديتر وتم تدوير العربية ووضع خرطوم مياه مدة معينه حتى تكون المياة الراجعة نظيفة تماما وتضع المياه الخضراء وتوكل على الله ولو حسيت ان العربية سخنت زيادة عن اللزوم طبعا توقف العربية عشان تبرد شوية
____________________________
بالنسبة لخربشة العجل الخلفي ممكن بلية في الطنابير اتاكلت
____________________________
بالنسبة لغربلة العربية اكشف على العفشة جايز عيزه تربيط او ممكن جلب مقص الشداد الخلفي كانت عندي مشكلة نفس الاعراض دي وغيرت الجلب والحمد لله راحت
___________________________

المشاركة الأصلية كتبت بواسطة lord.adel

----
في حاجه بقا هل ينفع انى اخلي المروحه تفضل شغاله لحد ما تخلص تهويه بعد ما اقفل كونتكت والعربيه متكركرش وتترجج
بمعنى انه لما بتكون مروحه شغاله وانا ركنت وخلاص عايز انزل بستنى لحد ما تخلص واقفل او ازود بنزين جامد واقفل كونتك ع طول
فهل بقا ينفع ان اضبط مروحه ع انها تفضل شغاله حتى بعد ما ااقفل الكونتكت ولما تخلص تقف لوحدها زي شاهين مثلا كا اقرب مثال ولا موووو ينفع ((:

الموضوع ده عملته عندي في العربية عامل لمبة بيان بتنور لما العربية تسخن ايضا مفتاح ديركت ممكن اخلي المروح تفضل شغالة على طول او اتوماتيك ولما اقفل الكونتكت وابطل العربية والعربية لسة سخنة بتفضل لمبة البيان منورة والمروحة شغالة الى ان تبرد العربية وتغلق لمبة البيان والمروحة اتوماتكيا والشغلة دي اي كهربائي يعملها

فهل بقا ينفع ان اضبط مروحه ع انها تفضل شغاله حتى بعد ما ااقفل الكونتكت ولما تخلص تقف لوحدها زي شاهين مثلا كا اقرب مثال ولا موووو ينفع ((:

فى حل وسط يا لورد .. انك تقفل الموتور درجه واحده ,, الموتور هيبطل لكن المروحه هتفضل شغاله هتفضل سامع صوتها بوضوح من غير صوت الموتور .. بعدها لما تسكت ابقى كمل قفل الكونتاك و شيل المفتاح :)

اصلي جدااا يا رجاله باذن الله هشوف الدنيا وربنا يسهل باذن الله ...((: