الموضوع: مميزات وعيوب الماروتى بالتفصيل

يا ريت أحد الاخوة الافاضل من الادارة يقوم بتثبيت هذا الموضوع الذى أصبح مفيد لكل من يريد شراء السيارة الماروتى ليكون مرجع لهم فى كل ما يحتاجونة من معلومات عن السيارة
ولكم جزيل الشكر .

بجد بجد ان حاسس ان قاعد وسط اخواتى شكرا لك نيل موتورز

السلام عليكم ولرحمة الله وبركاته
العربية دى مع واحد صاحبى بقالها سنة وهى زى الفل سافرت معاه المنصورة واسكندرية من العاشر من رمضان ومفيش مشاكل زائد ان استهلاك صاحبى للعربية سيئ جدا بياخد مطبات كتير وبيمشى فيها فى حتت مدغدغة وانا سوقتها وجبت 120 وهو كان ساعات بيمشى على 140 واحنا مسافرين
وعلى فكرة مشاورنا كتيرة , عداد العربية عامل 60000 فى سنة
واعتقد مع ارتفاع سعر البنزين العربية دى اقتصادية 800 CC
بس انا شايف انها خفيفة شوية
سحبها حلو مش بطال
sting

في البداية أجيب على الأسئلة المطروحة من الأخ 20-05-2008, 01:12 PM
botros
تاريخ الانضمام: 19Mar2008




يا جماعه ؟ ليا 3 اسئله عن الماروتى :
1- فيها عداد للكيلو للرحله ؟ اللى بيتصفر كل مسافه معينه ؟
2- عداد الكيلو كام رقم ؟ 5 ارقام و الا 6 ؟ يعنى بعد 99999 بيقلب صفر ؟ و الا بيكون 099999 ؟
3- صندوق التروس كام نقله ؟ 4 و الا 5 ؟


الماروتي فيها عداد للكيلو غير العداد العام وهو 4 أرقام
وصندوق التروس 4 نقلة

أما بالنسبة لتجربتي مع الماروتي فقبل أن أسردها على حضراتكم أود أن أشكر كل من ساهم في ابداء المعلومات حول هذه السيارة أو غيرها لأن اسداء النصيحة والمعلومة الى الآخرين ثوابه عظيم جدا وينم عن أخلاق طيبة افتقدناها هذه الأيام ، والرسول الكريم صلى الله عليه وسلم يقول " من كتم علما ألجمه الله يوم القيامة بلجام من نار" صدق رسول الله صلى الله عليه وسلم .

وحتى لا أطيل عليكم أدخل في الموضوع ، الماروتي معايا منذ شهر 1 2006 موديل 2006 ، يعني بقالها معايا حوالي سنتين وخمس شهور ، وبصراحة أنا مبسوط منها جدا فهي سيارة اقتصادية في البنزين في ظل ارتفاع الأسعار الحالي ، وصغيرة في الحجم في الزحمة اللي احنا عايشين فيها ، وأسعار قطع الغيار معقولة ومتوفرة ، وأنا باسافر بيها الاسماعيلية تقريبا 4 مرات في الشهر ، ولم تضايقني في أي مرة ، طبعا لها عيوب كأي سيارة لكن قبل أن اسرد العيوب أحب أن أقول أن أي شيء وليس السيارات فقط أي شيء تحافظ عليه يحافظ عليك ، أو كما يقول دائما أحد اصدقائي السيارة تصونها تصونك وتهينها.. تهينك .
وبالنسبة للعيوب فأكثر شيء مضايقني ان حجمها من الداخل صغير والشنطة صغيرة ودي مشكلة بالنسبة لأسرة لكن في العموم هى سيارة ممتازة وأنا لما اشتريتها كنت محتار بينها وبين ال128 لكن بعد الاستشارة و الاستخارة ربنا هداني اليها وكان اختيار الله عز وجل فيه الخير الكثير لي.
واخيرا وليس أخرا مسألة اختيار السيارة التي تناسب الشخص قراره وحده فهو الذي ينبغي أن يأخذه دون تردد ويتحمل نتائجه وحده ولكن بعد أن يتشير ذوي الخبرة والتجربة ثم يستخير الله عز وجل ويتكل على الله .
وربنا يوفق كل انسان فيما يحبه ويرضاه

انا الحمد لله اشتريت ماروتى 2008 كاش من معرض المصرية ( المعادى ) 35500 واغلب المعارض بيبيعوها للتقسيط ب 34900 وبتيجى بالعجل طبعا بس انا مش عارفة هوه تيوبليس ولا عادى ومعاها استبن وكوريك وكمان ادونى طقم دواسات وميدالية مكتوب عليها المصرية ولسه الغطاء هاستلمه ان شاء الله مع الورق اللى لسه بيخلصوا اجراءات الجمارك
العربية الصراحة مش هاقدر احكم عليها الوقتى
انا كنت بسوق عربية دايهاتسو سيدان اتوماتيك
فطبعا بالنسبة لى او مشكلة هيه التعود على النقلات والدبرياج
فعلا ملاحظة الفتيس تقيل وبيحك من غير صوت
الصالون مش واسع بس انا مرتاحة فيه وانا طولى 170 سم
مفيهاش كاسيت ولا اى ميزة
مش عارفة فتحت الكابوت حاسة ان الموتور والردياتير مقارنة بالدايهاتسو لعبة
طبعا انا جبتها علشان سعرها ومتهيالى انها ان شاء الله اقتصادية فى البنزين خصوصا انى باروح كل يوم من الرماية الى الحى السابع على الدائرى طبعا
ادعولى ربنا يسهلى واتعود على النقلات احسن كانى باتعلم سواقة من اول وجديد
وربنا يكرمنا فيها
الحمد لله ربنا يديمها نعمة

مبروك عليكى الفوريرا . و ان شاء الله موضوع النقلات تعود مش اكتر و مع اول مشوار هفتكرى و تتعودى عى النقلات .

متشكرة جدا جدا على ذوقكم
والله الحمد لله بسوق بقالى 6 سنين بس على الاتوماتيك
ربنا يسهل واتعود على النقلات
هوه حد يعرف العجل بتاع الماروتى الزيرو تيوبلس ولا عادة ؟؟؟؟؟