Vw beetle

**disha_2020** · 06-05-2010 12:52 AM

يا جماعه كنت عاوز اعرف المواتير اللى بتنزل لى الفولكس البيتلز القديمه ايه انواعها و ايه احسنها فى الجرى و اسعارها فى حدود كام ياريت الافاده علشان لو كده انزل بورسعيد اشوف واحد

**heshamzaky** · 06-05-2010 08:54 AM

المشاركة الأصلية كتبت بواسطة disha_2020

يا جماعه كنت عاوز اعرف المواتير اللى بتنزل لى الفولكس البيتلز القديمه ايه انواعها و ايه احسنها فى الجرى و اسعارها فى حدود كام ياريت الافاده علشان لو كده انزل بورسعيد اشوف واحد

ازيك يا استاذى العزيز انا لا املك فولكس بس بركبها تقريبا كل يوم مع صديق لى واحنا رايحين الشغل وهو بيعشق العربية من كلامى معاة قال الموتور ال 1600 بتاع الميكروباص الفولكس انسب حاجة والصور دى هدية لك بس بلاش الموتور ابو توربين ImageShack Album - 5 images

**heshamzaky** · 08-05-2010 02:39 AM

اية الاخبار يا باشا لا من جديد

**disha_2020** · 09-05-2010 12:06 PM

ولله انا لسه مش عارف اقوله ايه احسن حاجه هوا راكب عنده 1300 بس عاوز ينزل حاجه علشان الجرى والحرق وكده وكان سائل على واحده توين تربوا 2000 كانت عامله 7000 بس طبعا كتير

**heshamzaky** · 09-05-2010 05:04 PM

المشاركة الأصلية كتبت بواسطة disha_2020

ولله انا لسه مش عارف اقوله ايه احسن حاجه هوا راكب عنده 1300 بس عاوز ينزل حاجه علشان الجرى والحرق وكده وكان سائل على واحده توين تربوا 2000 كانت عامله 7000 بس طبعا كتير

طبعا يا باشا 7000 جنية كتييييييييييير وفين قطع غيارة

**mars_man** · 03-08-2010 01:22 AM

في حاجات كتير ممكن تعملها عشان الجري من غير ما تغير الموتور دا وهتحس فعلا بفرق
1- غير الابلاتين والكوندنسر الي الكتروني
2- غير وش الاسبراتير والكوابل لنوع كويس
3- اعمل طقم اصلاح للكاربيراتير جونات وبكات وكدة او هات كربيراتير استيراد بتاع 1600 و غير البكات بتاعته ببكات اكبر
4- اهتم جدا بنظافة عمة الكاربيراتير وفلتر البنزين
5- ظبط التاكيهات
6-طبعا متنساش البوجيجات ولو كنت بتستخدم بنزين 80 جرب 90

علي فكرة الكلام دا من واقع خبرة وانا عندي 3 عربيات بيتلز في البيت منهم عربيتي 1303 موتورها 1600

اما لو بتدور علي تغيير الموتور فافضل موتور نزل للبيتلز هو 1300 عشان مبيسخنش زي 1600 ومشاكله قليلة جدا مع الزيت

**mars_man** · 03-08-2010 01:27 AM

هلي فكرة انا شفت عربية فارينت مركب عليها موتور جولف 1800 بس عامل تعديل في الحوض و بليتة الومونيوم بين الموتور والفتيس ودا ممكن ينفع مع البيتلز بس المهم حجم الموتور ميكنش بارز عشات تعرف تقفل غطا الموتور لانك اكيد عارف ان الفارينت دي عربية شكلها مختلف اصلا وقريبة من السيدان

**smsmxxxxxx** · 07-08-2010 09:20 PM

انا كنت عايز اركب للبيتلز بتعتى موتور جولف لانى شفت مايكروباص فولكس مركبه وشغال معاه زى الفل

ولقيت واحد برة مركبه على البيتلز بس طبعا الكبوت مبيتقفلش وجزء كبير من الموتور قريب من الارض اوى

بس لقيت ان الاغلبية مركبين مواتير سوبارو وبورش بس الكلام ده برة

في مصر هنا بيركبوا بورش

بس طبعا هتحتاج تعديل الفرامل علشان السرعات العالية هتعدلها لديسكات

بس الكلام دا عاوز واحد غاوى لانه هيصرف جامد

لكن لو عايز حاجة وسط هات موتور 1600 بتاع المايكروباص
بس خللي بالك لان الاستيراد زى البطيخة انتا وحظك

------------------
محمد سالم