ياجماعة انا عايز اجيب كاميرا ديجيتال ولقيت ده

**TheInfernal** · 08-05-2010 07:29 PM

في الواقع كثرة عدد الميجابكسل يؤدي لنتائج عكسية و يقلل جودة الصور لأن حشر عدد ميجابكسل كبير في مساحة صغيرة يقلل كمية الضوء التي تصل لكل بكسل و بالتالي تضطر الكاميرا لرفع الISO أو حساسية الفيلم للضوء فوق طاقتها فتظهر نغمشة في الصورة أو تطول الفترة التي يتعرض فيها الفيلم للضوء فتكون عرضة أكثر للاهتزاز. و في النهاية نجد أن الكاميرا بعدد ميجابكسل أقل تعطي صور أفضل و بتفاصيل أكثر.

أفضل كاميرا كومباكت حتى الآن في التصوير الليلي هي الFujifilm F31d التي تم انتاجها في 2006 و كانت 6 ميجابكسل فقط.
أغلى كاميرا كومباكت تنتجها Canon الG10 كانت 14 ميجابكسل و كانت تعاني من اهتزاز و نغمشة في الصورة رغم جودة عدستها و كبر حجم الفيلم فيها. و Canon تعلمت خطأها و جعلت تحديث الG10 المعروف بG11 فيه 10 ميجابكسل "فقط" و كانت المفاجأة أن الG11 كانت صورها أفضل بفارق واضح من الG10.

**TheInfernal** · 08-05-2010 07:32 PM

المشاركة الأصلية كتبت بواسطة egyptawy2010

عندك حق فعلا صورة الكتنون احسن بس انا لاحظت واجدة غامقة والتانية فاتحة مش ممكن يكون اعدادات فى الكاميرا

انت كده حيربتنى بصراحة انا كنت استقريت على سونى

مش المشكلة ان دي غامقة و دي فاتحة و مش المشكلة برضو في الاعدادات. المشكلة ان السوني تفاصيلها ممسوحة و ده سببه ان الكاميرا بتحاول تشيل النغمشة اللي في الصورة فبتشيل معاها التفاصيل. خزن الصورتين على جهازك و اعمل زوم فيهم و انت هتشوف بنفسك.

**egyptawy2010** · 08-05-2010 07:40 PM

المشاركة الأصلية كتبت بواسطة theinfernal

مش المشكلة ان دي غامقة و دي فاتحة و مش المشكلة برضو في الاعدادات. المشكلة ان السوني تفاصيلها ممسوحة و ده سببه ان الكاميرا بتحاول تشيل النغمشة اللي في الصورة فبتشيل معاها التفاصيل. خزن الصورتين على جهازك و اعمل زوم فيهم و انت هتشوف بنفسك.

شكرا لرد حضرتك خلاص انا اقتعت بكانون ايه رايك فى اختيارى وياريت لو شايف حاجة احسن تكون بنفس السعر تقولى

شكرا

**TheInfernal** · 08-05-2010 07:54 PM

أنا رشحت لك قبل كده الSony WX1 ب2100 أو 2200 و لكنها أعتقد كده بره ميزانيتك.
الWX1 أوحش من الIXUS 95 في التصوير تحت أشعة الشمس و لكنها أحسن بكتير في التصوير الليلي بسبب خاصية Twilight و كمان أحسن في الفيديو و فيها تصوير بزاوية واسعة يعني لو مثلا عايز تصور صحابك مش هتضطر تبعد عنهم عشان يملو الصورة زي ما هتعمل مع الCanon IXUS 95. و لكن الIXUS 95 صورتها أحسن في النهار و سعرها أرخص ب600 أو 700 جنيه و دي مميزات مهمة برضو.

**M.almaghraby** · 08-05-2010 07:54 PM

الكانون هو الافضل

**egyptawy2010** · 08-05-2010 07:58 PM

المشاركة الأصلية كتبت بواسطة TheInfernal

أنا رشحت لك قبل كده الSony WX1 ب2100 أو 2200 و لكنها أعتقد كده بره ميزانيتك.
الWX1 أوحش من الIXUS 95 في التصوير تحت أشعة الشمس و لكنها أحسن بكتير في التصوير الليلي بسبب خاصية Twilight و كمان أحسن في الفيديو و فيها تصوير بزاوية واسعة يعني لو مثلا عايز تصور صحابك مش هتضطر تبعد عنهم عشان يملو الصورة زي ما هتعمل مع الCanon IXUS 95. و لكن الIXUS 95 صورتها أحسن في النهار و سعرها أرخص ب600 أو 700 جنيه و دي مميزات مهمة برضو.

طبمعلش سوال اخير ixus 95
تصويرها الليلى عامل ابه

**TheInfernal** · 08-05-2010 11:17 PM

تصويرها الليلي كويس بالنسبة لكاميرا كومباكت يعني الصور هتكون معقولة بس ممكن يظهر فيها شوية نغمشة أو اهتزاز بالذات لو مبتحبش تستعمل الفلاش. و عموما أعتقد صعب تلاقي أحسن من كده في كاميرا في حدود سعرها. لو انت عارف انك هتصور بالليل أو في البيت كتير أنصحك تزود و تشتري الSony WX1 لأن فيها حاجة اسمها Twilight Mode بتحسن أوي جودة التصوير الليلي.