أسطوانة طلمبة بنزين اللانوس وان إتشرخت

**ahmednorldeen** · 06-05-2010 10:01 AM

السلام عليكم ورحمة الله وبركاته
انا كنت مسافر لمدينة صغيرة فى جنوب سيناء وانا راجع للقاهرة بادور العربية حلفت ماهى دايرة وبالبحث وبعض المساعدة لقيت المشكلة كانت فى طلمبة البنزين المهم لانى كنت فى مكان مافيهوش ميكانيكية او كهريائى سيارات كويس أو حتى محل قطع غيار .
أشار على صديق فاهم كويس فى اللانوس إنى أغير الموتور بتاع الطلمبة وبالفعل ربنا أكرمنى بكهربائى سيارات عنده عربي لانوس وكان عنده موتور هو فهمنى إنه ألمانى ( والله أعلم ) وباعهولى بـ125 جنيه وركبلى الموتور وأخد مصنعية 15 جنيه والعربية دارت والحمد لله حتى الآن .
المشكلة وانا اسف على الإطالة إنه وهو بيركب الموتور الأسطوانة البلاستيك بتاعة الطلمبة إتشرخت من فوق بس زى ما قلتلكم هى والحمد لله شغالة لحد دلوقتى فياريت الخبراء اللى معانا يوجهونى أغيرها بواحدة جديدة دلوقتى ولا أسيبها طالما إنها ماشية من غير مشاكل والحمد لله .
وللعلم الطلمبة الاصلى فى التوفيقية عند ابراهيم البنا بـ480 جنيه والكورى بـ360 جنيه وشكرا

**MMamdouh** · 06-05-2010 11:38 AM

معتقدش الشرخ يفرق فى اى حاجة

MMamdouh

**samirayad** · 06-05-2010 01:27 PM

بالنسبه لى أنا مش متخيل قصدك من أسطوانة الطلمبه

ولو أنى أعتقد طالما هناك جزء بلاستيك مشروخ

كان من الممكن علاجه باللحام قبل تركيب الطلمبه على تنك البنزين

لعدم السماح للشرخ بالسرحان مستقبلا

بس طالما مفيش مشاكل وأمورك تمام ( سحب وخلافه )

ممكن متديش أهتمام للقصه دى حاليا

**ahmednorldeen** · 06-05-2010 01:53 PM

يعنى رأيك ماشتريش واحدة وأخليها معايا إحتياطى لأى مفاجأة من الطلمبة وشكرا يا باشا على الرد .

**playeeer_fishooo** · 06-05-2010 03:28 PM

استاذي الفاضل انا لسه مغير الطرمبة بتاعتي من ساعة الضبط و الله و انا غيرتها بايدي و قرفتني و الله انا شاري طرمبة ب 60 جنية مكتوب عليها الماني بس هي اصلا صيني مفيش ف السوق الماني خالص و ده كلام كذا واحد و مكتوب عليها الماني

**karimmelegy** · 06-05-2010 04:23 PM

مافيش مشكلة من الشرخ اللى بيكون حصل فى الأطراف البلاستيك عند تغيير موتور الطلمبة

المشاركة الأصلية كتبت بواسطة samirayad

بالنسبه لى أنا مش متخيل قصدك من أسطوانة الطلمبه

ولو أنى أعتقد طالما هناك جزء بلاستيك مشروخ

كان من الممكن علاجه باللحام قبل تركيب الطلمبه على تنك البنزين

لعدم السماح للشرخ بالسرحان مستقبلا

بس طالما مفيش مشاكل وأمورك تمام ( سحب وخلافه )

ممكن متديش أهتمام للقصه دى حاليا

أعتقد يا مهندس سمير يفضل أنة يسيبها على وضعها لأن محاولة وضع مواد لاصقة (لحام) ممكن تفك بسهولة مع وجود البنزين معاً فى مجال واحد .. وممكن المواد اللى أتفككت دى تسد الفلتر ولا حاجة ..

**samirayad** · 06-05-2010 04:59 PM

المشاركة الأصلية كتبت بواسطة karimmelegy

مافيش مشكلة من الشرخ اللى بيكون حصل فى الأطراف البلاستيك عند تغيير موتور الطلمبة

أعتقد يا مهندس سمير يفضل أنة يسيبها على وضعها لأن محاولة وضع مواد لاصقة (لحام) ممكن تفك بسهولة مع وجود البنزين معاً فى مجال واحد .. وممكن المواد اللى أتفككت دى تسد الفلتر ولا حاجة ..

بس طالما مفيش مشاكل وأمورك تمام ( سحب وخلافه )

ممكن متديش أهتمام للقصه دى حاليا

**samirayad** · 06-05-2010 05:03 PM

المشاركة الأصلية كتبت بواسطة ahmednorldeen

يعنى رأيك ماشتريش واحدة وأخليها معايا إحتياطى لأى مفاجأة من الطلمبة وشكرا يا باشا على الرد .

المشكله أنى مش واخد بالى كويس من تأثير الشرخ ده على المدى البعيد على عمل الطلمبه

لو حاجه هايفه وغير مؤثره حكبر الليله

أما لو أنا حسيت أن الشرخ ممكن يولد أثر سلبى مستقبلا

علطول
حشيل طلمبه أحتياطى معايا فى شنطة العربيه