سجل متابعة حالة زميلنا محمد المرضيه شفاه الله

**harmadan** · 07-05-2010 11:49 PM

السلام عليكم ورحمه الله وبركاته اخوانى الاعزاء
مزيد من الاخبار الساره(بفضل الله تعالى ومساهماتكم الكريمه) فى حاله اخونا محمد شفاه الله وعافاه
قبل ان احكى لكم عن اخر المستجدات اود ان اتوجه بالدعاء وحسن الاثابه لاخونا ابراهيم من الاسكندريه الذى حضر اليوم من الاسكندريه وقام بالتبرع وغادر مباشره للاسكندريه وتشرفت بمقابلته فجزاه الله كل خير واتم نعمته بالشفاء للسيده الفاضله والدته .
كما اتوجه بالدعاء الى ربى بتعظيم اجرة وحسن اثابه كل الاخوه الذين ساهموا اليوم بتبرعاتهم الكريمه وزياراتهم لاخونا محمد.
الحمد لله رب العالمين اخونا محمد فى حاله (نفسيه )مرتفعه جدا اليوم لعده اسباب
اولا: تعدد زيارات الاخوه له مما يترك عظيم الاثر فى نفسه ويجعله ينسى الالم (مؤقتا) ويزيد عنده القدره للمقاومه(%60 من كفاءه العلاج تتوقف على الحاله النفسيه حسب تأكيد كلام الاطباء)
ثانيا : وصول الدكتور (جمعه كامل ) والد محمد اليوم ووقوفه معه ورؤيته له ورؤيته لاعضاء المنتدى يتوافدون لزياره ابنه جعلته يتأكد انه ليس بمفرده وشجعته على التماسك ودعم محمد بما يحتاجه (تأكدت اليوم ان لى اولاد اخرين اشقاء لمحمد وكنت فاكر ان عندى ابن وحيد ) هذا نص ماقاله لى الدكتور جمعه ردا على الزيارات والتبرعات لابنه الوحيد من كل الاخوه اعضاء المنتدى.
اليوم حاله محمد (الصحيه )لم تكن مثل امس ولكن سبحان الله ما هى الا دقائق قليله الا وعاد مثل الامس يمتلىء حيويه وامل .
رأيت اليوم الاخوه (ابراهيم - باسم ) اكرمهم الله وليس بغريب عليهم كما تشرفت بمقابله الاستاذ هانى وجلسنا جميعا مع والده نطمئنه على حاله محمد ونطلب منه مزيد من الدعم وان يطمئن انه باذن الله تعالى لن يكل او يمل من يستطيع المساعده.
امتدت الجلسه مده طويله بينى وبين والده والاخت زوجته وتكلمنا فى مواضيع عده ومحمد متحدث معنا بكل ادراك ولباقه وايضا بكل سعاده وضحكنا كثيرا وبالمره كمان (زياده فى الطمع ) طلبت من محمد انه يأكل ويالمناسبه محمد كان نفسه فى الكشرى !!!!! بالذمه دا كلام ؟؟؟؟!!!!! نفس بقى !!!!! وجبنا له كشرى ولاول مره لاول مره اشوفه بيأكل حسيت انه انسان تانى خالص وباذن الله تعالى الشفاء القريب سيتحقق بفضل الله.
المرحله القادمه حرجه جدا (خلال يومين) سينتهى العلاج الكيماوى المرهق والمؤلم وباذن الله تعالى يكون فيه نتيجه والمتوقع ان تزداد نسبه الالم لمحمد - اعانه الله- ونسبه الادراك ستقل فلا تياسوا وداوموا بالدعاء له ومن يقوم بزيارته خلال اليومين القادمين ووجده تعبانا ومتألما فلا يحبط ولاييأس لان هذا المتوقع -بلسان محمد - ومن الممكن الا يكون مدركا لمن حوله او لا يستطيع التحدث لمن يزوره فلا تتفاجئوا فهذا ما يستعد له محمد من الان ولكن - كما قال محمد - لن يقويه ويسانده الا رؤيه الاصدقاء فى هذه المرحله الحرجه حتى وان لم يراهم - بفعل حالته وقتها - فأنه سوف يشعر بهم وهذا ما سياساعده على اجتياز هذه المرحله الحرجه والهامه.
فبرجاء لا تبخلوا عليه بالزياره هذه الايام والاكثار من الدعاء له حتى يجتاز هذه المرحله الحرجه على خير باذن الله تعالى.
والسلام عليكم ورحمه الله وبركاته.

**harmadan** · 08-05-2010 12:01 AM

المشاركة الأصلية كتبت بواسطة harmadan

ياعم طارق الدم اللى عندنا ما ينفعهومش دول عايزين دم متظبط .

ياعم بلاش اتفتح تانى:b4_444::_alshmokh08[1]:انا ما صدقت هديت شويه
الناس اللى بالى بالك دول ربنا يكرمهم ويلاقوا دم يتناسب معاهم

اللون الاحمر مخصص للمداخلات الادارية لذا تم تغيير اللون
مع مراعاة عدم الخروج عن الهدف الاساسى للموضوع
رجاء مراجعة قوعد المنتدى
5:02am 7/5/2010
مشرف القسم 9ب

السيد مشرف القسم
اود ان اتقدم باعتذار عن استخدام اللون الاحمر والخروج عن الهدف الرئيسى للموضوع ولن اقدم اى تبرير لذلك بل ساقدم وعدا خالصا بعدم تكرار هذا الخطاْ منعا لتخطى قواعد المنتدى الذى احترمه واتشرف بالانتماء له.
فبرجاء قبول الاعتذار حيث انه لم ولن يكن مقصودا.
شاكرا لكم لباقتكم فى التحذير و مجهودكم الرائع.

**harmadan** · 08-05-2010 12:23 AM

الاخوه الاعزاء
اسف نسيت ان اقول لكم شيئا هاما جدا لمن ينوى زياره اخونا محمد الايام القادمه
تحدث معى والده راجيا ان اقوم باقناع محمد ان يوافق على عمليه زرع النخاع بعد انتهاء العلاج الكيماوى (ان رأى الاطباء استعداد جسمه لذلك) حيث ان محمد -من واقع تعاملى معه- دماغه ناشفه حبتين - لكنه مستمع جيد ومناقش اكثر من ممتاز.
زرع النخاع -باذن الله تعالى- سينهى المشكله نهائيا وسيتم زرع نخاع جديد له من أحدى اخواته البنات عن طريق سحب نسبه قليله من دم اخته ووضعها فى جسم محمد الموضوع -داخل كبسوله واقيه- لمده شهر وهذا الصعب فى الموضوع لان جسمه ستكون نسبه المناعه فيه صفر ولن يتحمل اى عدوى ومن الممكن ان يكون زرع النخاع من محمد شخصيا من داخل جسمه بعد انتهاء الكيماوى ان رأى الاطباء استعداد جسمه لذلك .
اهميه عمليه الزرع هى خلق نخاع جديد(غير قابل للتسرطن مره اخرى)مما يعنى عدم اصابته بهذا المرض اللعين مره اخرى -بأذن الله تعالى -لان الخلايا السرطانيه ستكون قد قضى على معظمها بفعل الكيماوى والخلايا الباقيه لن تستطيع غزو النخاع الجديد لانه سيكون جديدا ومحميا بكل عناصر الدم ومع اخذ الدواء المناسب سيتم القضاء -بحول الله تعالى- على البقيه الباقيه من الخلايا السرطانيه.
وبالفعل تحدثت مع محمد -وكأننى استشرت طبيب فى حالته- حتى لااجعله يشعر ان والده هو من طلب منى ذلك لانه رافض كلام والده فى هذا الموضوع والحمد لله ابدى استجابه .
المطلوب من الاخوه الذين ينوون زيارته قريبا التحدث مع فى عمليه الزرع -من اى زاويه - الا ان يخبروه ان والده طلب منهم ذلك.ومحاوله اقناعه ان هذا الحل هو الوحيد وانه بعون الله وقوته مضمون.
عندما سيرى كثره المتحدثون معه عن نفس الموضوع سيقتنع -بأذن الله- وجزاكم الله خيرا.
سيقوم محمد ان شاء الله باداء العمره قريبا -حينما تسمح حالته الصحيه بذلك لانه -حسب ما قال لى- هذا مايحتاجه الان ووعدنى ان يقوم بالدعاء الى جميع الاخوه -من المنتدى وخارجه-من قاموا بمساعدته باى وسيله حتى الدعاء له وقال لى بالحرف -صحيح انا مش عارفهم لكن ربنا سبحانه وتعالى عارفهم وهايعرف انا قصدى مين بالضبط!!!!!!
والسلام عليكم ورحمه الله وبركاته.

**hema_hn** · 08-05-2010 12:29 AM

المشاركة الأصلية كتبت بواسطة د-شريف

أخى الكريم: حالة محمد هى acute myeloid leukemia (ماعرفش ترجمتها بالعربى) وبإختصار ده سرطان بيفرز كريات بيضاء غير طبيعية و بتتجمع فى النخاع و بتمنعه من وظيفته الطبيعية فى إفراز الكريات الطبيعية. علاجها عن طريق علاج كيماوى لقتلها داخل النخاع بس العلاج ده بيوقف عمل النخاع تماما. علشان كده المريض بعد جلسات العلاج بيجى له نقص شديد فى جميع مكونات الدم و اولهم الصفائح علشان كده بياخد صفائح طوال فترة العلاج و أيضا نقل دم كامل.
حالة محمد تحديدا متأخرة شوية(نسبة تضرر النخاع) علشان كده جرعة الكيماوى اللى بياخدها عالية و بيتعب جامد أثناء وبعد الجلسات. و أحيانا وده حصل عده مرات إن الصفائح عنده بتبقى صفر و كريات الدم الحمراء بتقل جامد و بيحتاج نقل دم كمان. حتى بعد ما بياخد صفائح (على حسب كلام طبيبه د.محمد عثمان).
الحمد لله فاضل له يومين كمان من العلاج الكيماوى و يخلص (يومين بعد النهارده الجمعة) و بعدها حيكون عدى المرحلة الحرجة و بعدها حنشوف تأثير الجلسات الكيماوية على عمل النخاع.و عاده مابيخدش كيماوى تانى

أنا متابع حالته من اليوم الأول و بتابع من بعيد أى مشكلة بتحصله وبعمل اللى ربنا يقدرنى عليه من متابعة و توصيه عليه صحيح أنه مش كتير بس فعلا دى هى الطريقة الوحيدة اللى أقدر عليها. و يوميا طبيب القسم د.محمد بيبلغنى حالته الصحية. وببلغ بيها أستاذ سامح (أكرمه الله) لو حاجة مهمة. ولو فى جديد حبلغكوا بإذن الرحمن
ملحوظة:ما فيش حد قدر يدينى نسبه الشفاء بالنسبة لمحمد. لكن عامة نسبة الشفاء حوالى 50%

دكتور شريف ايه اخبار موضوع زرع النخاع انا مش دكتور بس هل ينفع لمحمد الموضوع ده وعايز اعرف هو بياخد ايماتينيب الى هو الجليفك عشان ممكن اوفرله علبة لو هو مش بيصرف الدوا ده من التأمين الصحى

**harmadan** · 08-05-2010 12:33 AM

المشاركة الأصلية كتبت بواسطة tetotarek

[OVERLINE]انا اللى كان نفسى والله اشوف حضرتك
بس معلش متعوضة ان شاء الله

و يا رب امين ان شاء الله يبقى زى الفل
و ان شاء الله نتقابل كلنا و يكون معانا محمد و يعزمنا على غدوة حلوة كدة ندبسه بقى و نبقى كلنا معاه

واللى هييجى معانا و عامل فيها مش من هنا عامل نفسه اتبرع عشان ياكل هنعرفه ان بحذر الكل اهه

انا متفائل خير والله و حاسس بسعادة ان شاء الله تعبنا هيجى بفايدة ان شاء الله والله انسان كريم و يستاهل[/OVERLINE]

ياعم طارق غدوه ايه اللى بتتكلم عليها؟؟؟!!! ما تتطمعش الراجل فينا !انا كنت بأرسم على استضافه كامله full board فى عروس الصعيد المنيا بلد اخونا محمد جاى ولا ايه ؟؟؟؟!!!!
طيب انت كلت شيكولاته النهارده من اللى جايبها الحاج جمعه معاه من الكويت ؟؟؟ انا ياريس مش كلت وبس انا عديت للحاج عدد جيرانى القليلين جدا (400) واخدت لهم معايا وبكره هاخد عيالى معايا علشان الشوكولاته بس

**AbuHusam** · 08-05-2010 12:40 AM

[justify]الحمد لله.. الحمد لله.. الحمد لله.. لله الفضل من قبل ومن بعد...
سعدت جدا بتجاوب وحضور الأخوة والزملاء المتبرعين والزائرين سواء من المنتدى أو من خارجه..
لم أشرف بلقاء محمد وزواره اليوم لانشغالي في التنسيق بين المتبرعين وحث آخرين على التبرع.. لكن الأهم أن حالة محمد كويسة وإنه سعيد بوجود والده وبحب وصدق أخوانه أعضاء نايل موتورز ومرافقيهم..

والان إليكم آخر التطورات..
الرصيد الموجود من الصفائح والدم يكفي إن شاء الله غدا.. ونحتاج إلى عدد كبير من المتبرعين بكرة علشان نقدر نحصل على أكياس بعد بكرة..
ولا تنسوا أن كل كيس صفائح يحتاج إلى ستة متبرعين.. ومحمد يحتاج إلى كيسين على الأقل يومياً
فلا تتراجعوا أرجوكم.. وقد لاحظت إن النسبة الأكبر من متبرعي اليوم كانوا من خارج المنتدى.. وهم مرافقو الشيخ خالد جازاه الله خيراً..
والأخ إبراهيم من اسكندرية.. وخمسة آخرين أحدهم من خارج القاهرة برضه والأربعة من القاهرة.. كل هؤلاء من خارج المنتدى..
هناك تطور جديد بالنسبة لمكان التبرع.. فقد علمنا أن بنك الدم بالقصر العيني يقبل التبرع وأن الحصول على الصفائح والدم منه سيكون أسهل وأيسر في الوقت والإجراءات خاصة في وقت الأزمة والطوارئ.. لكن جاري التأكد من مستوى وجودة الأجهزة وإجراءات التعقيم وخلافه وكذلك الترتيب ليكون هناك شخص نعرفه هناك لنتعامل معه ونرتب الأمور معاه.. ويقوم بالاتصالات اللازمة في هذه المسألة أخونا الدكتور شريف عضو المنتدى..
هناك مسار آخر وهو ما يسمى ببنك الدم السويسري.. وسعر الصفائح عندهم أقل من الزراعيين بحوالي مائة جنيه.. فضلاً عن جودة ودقة عملية التبرع وبالتالي الدم أو الصفائح لديهم.. وسنحاول نوصل معاهم لاتفاق يضمن حصولنا على أكياس مقابل المتبرعين.. وكان أحد الزملاء الأفاضل (اسمه حسين) قد حجز بالفعل كيسين صفائح بطلب رسمي من طبيبة محمد مكتوب فيه إنه يحتاج إلى كيسين يومياً وسنحاول غدا تفعيل هذا الطلب واعتباره بمثابة طلب دائم نضمن به الحصول على ما يتبرع به أي متبرع من طرفنا لصالح محمد تحديداً.. لأن النظام عندهم إن التبرع لا يوجه لمريض معين.. والله المستعان

[/justify]

**Tarek Gen 2** · 08-05-2010 12:46 AM

المشاركة الأصلية كتبت بواسطة samehrashed

[justify]الحمد لله.. الحمد لله.. الحمد لله.. لله الفضل من قبل ومن بعد...
سعدت جدا بتجاوب وحضور الأخوة والزملاء المتبرعين والزائرين سواء من المنتدى أو من خارجه..
لم أشرف بلقاء محمد وزواره اليوم لانشغالي في التنسيق بين المتبرعين وحث آخرين على التبرع.. لكن الأهم أن حالة محمد كويسة وإنه سعيد بوجود والده وبحب وصدق أخوانه أعضاء نايل موتورز ومرافقيهم..

والان إليكم آخر التطورات..
الرصيد الموجود من الصفائح والدم يكفي إن شاء الله غدا.. ونحتاج إلى عدد كبير من المتبرعين بكرة علشان نقدر نحصل على أكياس بعد بكرة..
ولا تنسوا أن كل كيس صفائح يحتاج إلى ستة متبرعين.. ومحمد يحتاج إلى كيسين على الأقل يومياً
فلا تتراجعوا أرجوكم.. وقد لاحظت إن النسبة الأكبر من متبرعي اليوم كانوا من خارج المنتدى.. وهم مرافقو الشيخ خالد جازاه الله خيراً..
والأخ إبراهيم من اسكندرية.. وخمسة آخرين أحدهم من خارج القاهرة برضه والأربعة من القاهرة.. كل هؤلاء من خارج المنتدى..
هناك تطور جديد بالنسبة لمكان التبرع.. فقد علمنا أن بنك الدم بالقصر العيني يقبل التبرع وأن الحصول على الصفائح والدم منه سيكون أسهل وأيسر في الوقت والإجراءات خاصة في وقت الأزمة والطوارئ.. لكن جاري التأكد من مستوى وجودة الأجهزة وإجراءات التعقيم وخلافه وكذلك الترتيب ليكون هناك شخص نعرفه هناك لنتعامل معه ونرتب الأمور معاه.. ويقوم بالاتصالات اللازمة في هذه المسألة أخونا الدكتور شريف عضو المنتدى..
هناك مسار آخر وهو ما يسمى ببنك الدم السويسري.. وسعر الصفائح عندهم أقل من الزراعيين بحوالي مائة جنيه.. فضلاً عن جودة ودقة عملية التبرع وبالتالي الدم أو الصفائح لديهم.. وسنحاول نوصل معاهم لاتفاق يضمن حصولنا على أكياس مقابل المتبرعين.. وكان أحد الزملاء الأفاضل (اسمه حسين) قد حجز بالفعل كيسين صفائح بطلب رسمي من طبيبة محمد مكتوب فيه إنه يحتاج إلى كيسين يومياً وسنحاول غدا تفعيل هذا الطلب واعتباره بمثابة طلب دائم نضمن به الحصول على ما يتبرع به أي متبرع من طرفنا لصالح محمد تحديداً.. لأن النظام عندهم إن التبرع لا يوجه لمريض معين.. والله المستعان

[/justify]

ربنا ييسر يا جميل ان شاء الله خير و هتتظبط
انا معايا اتنين هيتبرعوا بكرة ان شاء الله تحب استنى اما تظبط مكان تانى ولا ايه؟؟
و فيه حد اكيد هيتبرع صفايح ان شاء الله

و ان شاء الله هتتحل انهارده كان تمام لدرجة ان الدكتور قاللى مين محمد جمعة ده كل الناس جيالو انهاردة

**harmadan** · 08-05-2010 12:55 AM

مساء الخير استاذ سامح
افتقدناك اليوم لكن كنا متأكدين وجودك مع الناس والمجهود المبذول فى تجميعهم والتنسيق معاهم اهم مليون مره من الوجود معانا ربنا يكرمك انشاء الله وفى انتظارك غدا بأذن الله تعالى -ان استطعت- ان تقول لى اخبار الاتفاق الاخير ايه مع القصر العينى او السويسرى.
وبعدين حاول تقابلنى بكره ضرورى (انا خايف على الشيكولاته اللى مخبيها لك احسن تسييييييح) وانت يا استاذ طارق ماتزعلش حقك محفوظ ياباشا

**AbuHusam** · 08-05-2010 01:24 AM

المشاركة الأصلية كتبت بواسطة harmadan

حاول تقابلنى بكره ضرورى (انا خايف على الشيكولاته اللى مخبيها لك احسن تسييييييح) وانت يا استاذ طارق ماتزعلش حقك محفوظ ياباشا

[justify]أحب أعرف السادة الزملاء إن الأستاذ هشام اللي دلوقتي بيغازلني بالشيكولاتة الكويتي وبيضحك مع طارق.. وامبارح قعد ساعات يضحك محمد ويسليه..

الأستاذ هشام رمضان الذي يتحرك يومياً كالنحلة.. بيتحرك ويزور محمد ويقوم بمشاوير ويوصل صفائح وكمان بيروح يجيب أكل لضيوف محمد وأهله وهو بدون سيارة.. فقد أصيبت سيارته في حادث قبل يومين وستحتاج إلى وقت لتتعافى.. والرجل لم يتكلم ولم يخبر أحد بموضوع الحادث ونشاطه ودأبه كما هو بل زاد.. ولولا الصدفة لما عرفت بما حدث لسيارته.. لذا هو يستحق الدعاء له بالخير على ما يفعله.. ولسيارته بسرعة الشفاء حتى تعينه على ما يفعله من خير عظيم..
معلش الكلام ده خارج نطاق متابعة تطورات حالة محمد.. لكني ما قدرتش أمنع نفسي من طلب الدعاء لرجل بهذه الأخلاق وهذا الصبر والتماسك وسعة الصدر..[/justify]

الموضوع: سجل متابعة حالة زميلنا محمد المرضيه شفاه الله

LinkBack

أدوات الموضوع

عرض

اخر مستجدات حاله اخونا محمد -

-

الحاقا لما سبق -

-

-

المواضيع المتشابهه

البقاء لله فى اخو زميلنا محمد فوزى

عزاء واجب فى وفاة زميلنا محمد جمعه

توفي الي رحمه الله تعالي والد زميلنا محمد مصطفي (original)

زميلنا محمد طه رزق بمولو جديد

الكلمات الدلالية لهذا الموضوع

المفضلات

المفضلات

ضوابط المشاركة