الموضوع: سجل متابعة حالة زميلنا محمد المرضيه شفاه الله

ربنا يشفيه ويشفى كل مريض

أنا الحقيقة ما اعرفوش بس انا مبسوط جدا من اهتمامكم بمحمد
ربنا يشفيه ويرجعلنا بالسلامة
وكان نفسي اساعد واتبرع بالدم بس لظروف صحية مش هينفع اتبرع دلوقتي وربنا يقدركم على عمل الخير

بجد يا جماعة احنا اسرة واحدة هنااااا

انا جسمى قشعر لما احس ان فى ناس بالحب ده واننا نسال على بعض نقف جمب مريض ممكن مكنش اعرفه شخصيا بس الواحد يديله كل حاجة لمجرد انه اخوه

بجد ربنا يكرمنا ويزرع فى قلوبنا الرحمة والحب والعطف ونكون بنخاف على بعض حتى لو غريب معرفوش بس فى الاخر ده اخويا

اتصلت بزوجته الصبح عشان اشوف عامل ايه ولو فى حد هيروح يجيب الدم النهارده قالتى انا رايحه بنفسى عشان اجيب الدم ولما قلتها ليه ما اتصلتيش بيه قالتى انا قلت اروح واجى بتاكسى بسرعه
اخر اتصال بينه وبين زوجه محمد الساعه 8.30 النهارده وقالتى حاله رد الفعل للدم او رفض جسمه للدم الدكاتره قالوا انها هديت (طبعا مش عارف سبب ده ولا يعنى أيه هديت ) بس الكلام مطمئن وقالتى يعنى حالته احسن من الصبح
للاسف فى كيس دم صرفته الصبح ولم يستخدم وفى بنك الدم ما بيقبلوش ارجاع الدم وعليه الكيس ده مع كل اسف هيترمى لان الدكاتره وقفه امداده بالدم لغايه بكره
فى بنك الدم الحمد لله فيه اثنين الصبح دفعوا ثمن 3 اكياس دم واثنين اتبرعوا لغايه 8.5 مساءا
كان رصيده بعد ما اخذ احتياجات النهارده فى البنك عجز 3 اكياس
الساعه 8.30 رصيده اصبح كيسين
ليه سؤال من الاخوه الاطباء الى على خلفيه بحاله محمد ومعانا فى المنتدى
هل نسبه الشفاء فى حالات مرض محمد 70% زى ما باسمع

لسلام عليكم ورحمه الله وبركاته اخوانى الاعزاء
متابعه متجدده لحال اخونا العزيز محمد شفاه الله وعافاه.
كنت فى زيارته اليوم الساعه السادسه مساء بعد انتهاء عملى وبسم الله ماشاء الله على حالته (المعنويه) ولن اتكلم عن حالته المرضيه ولكن حالته المعنوي ارتفعت جدا جدا جدا بفضل الله تعالى ورأيت وجهه يشع حيويه وحياه وامل -والحمد لله - بل على العكس من امس تماما حينما كنا نجرى ونهرول ونعمل تحاليل ونسابق الزمن لاحضار اكياس دم واحباطنا من نتيجه التحليل والاكثر هو احساسنا بألمه وعجزنا عن مساعدته ونحن نراه تائها لايقوى على الحديث لاحد وايضا غير منتبه كليا لمن حوله حتى الساعه 12 مساء امس كان بحاله يرثى لها وايضا صباح اليوم ولكن عند ذهابى له اليوم -بسم الله ماشاء الله _قام من رقدته وتحول الى انسان اخر - اللهم صلى على سيدنا محمد- ولم يتوقف عن الحديث - وقام وجلس على السرير ولم يرقد وهو الذى لايستطيع التحرك بسهوله وهو من يتعب من مجرد تحريك شفاه- وامضيت معه وقتا اسعد مما استطيع وصفه ولم اغادر الا بعد الحاح منه وقال لى بالحرف الواحد ( انت لو قعدت معايا اكثر من كده هاتعب من كثر الضحك !!!!) تحدثنا عن اشياء كثيره اليوم (عن سيارته وعن والده وعن هواياته)وهو الذى لم اكن اسمع صوته الا بالجهد فى زياراتى اليوميه السابقه لدرجه اننى طمعت اكثر -بسبب حالته المعنويه المرتفعه ونسيانه للالم مؤقتا وضغطت عليه ان يتناول شيئا ليشربه او يأكله ووعدنى بالاستجابه . فقلت له ان اكلت سوف اتكلم معك غدا عند حضورى ومقابله والدك واقول له انك مريض مطيع وان عرفت انك لم تأكل ساحضر غدا واقابل والدك وساتحدث معه فقط ولن اتحدث معك وساقوم باضحاكه ولن اضحكك!!!!! طبعا دا هزار.
ومن سعادتى قمت بالاتصال بالاستاذ سامح لاطمئنه ولكن للاسف لم استطع العثور عليه وقمت بالاتصال بالاستاذ باسم لانه كان قلقان جدا امس عند زيارته لمحمد ورؤيه حالته المتدهوره.
قصدت ان اقول هاهو تأثير الزياره فهل من مدرك!!!! انها مجرد زياره لم تستغرق كثيرا ولكن انظروا الى تأثيرها!!!!!!!!
والد محمد (الدكتور جمعه) سوف يحضر من السفر اليوم 2 صباحا (اتمنى) ان يرى ان ابنه ليس بمفرده.
جزيل الشكر للدكتوره (التى لا اعرفها) عضوه المنتدى والطبيبه بالقصر العينى فى نفس الوقت لمداومتها على الاطمئنان على محمد وزوجته وقيامها بشراء احتياجتهم جزاها الله يرا وعافاها واحسن اجرها. فعلا السيدات بخير (عقبال الرجاله يارب!!!!!!!!!!!!!!!!!)