طب من رايك الانكلين دا مهم في المشايه ولا لاء وشكرا
عرض للطباعة
طب من رايك الانكلين دا مهم في المشايه ولا لاء وشكرا
بصراحه لا مش مهم اوي للدرجه يعني
وعالعموم 08
فيها انكلاين بس مش كهرباء
موضوع المقارنه ده صعب اوي
الموديلات كتير وفيه فروقات بينهم كتير
عرض السير والمواتير والبرامج
حتلاقي كل مشايه مكتوب جمبها مواصفاتها
حاليا مفيش والله
استاذ / صبحي
انا لن اشكرك
.
.
لاني عاجز عن الشكر
واقول لك جزاك الله خيرا
سهرتني امبارح بعد ما قريت 60 صفحة
وابشرك بقول النبي عليه الصلاة والسلام " وَمَنْ كَانَ فِي حَاجَةِ أَخِيهِ كَانَ اللَّهُ فِي حَاجَتِهِ وَمَنْ فَرَّجَ عَنْ مُسْلِمٍ كُرْبَةً فَرَّجَ اللَّهُ عَنْهُ كُرْبَةً مِنْ كُرُبَاتِ يَوْمِ الْقِيَامَةِ "
انا من الاسكندرية وبفضل معلوماتك اللي اتعلمتها من حضرتك ولان وزني 104 كيلو استقريت علي الموديل
08 وبمشيئة الله ساحضر لحضرتك في نهاية الشهر
م. علاء
جل من لا يسهو يا سيدي ولو انها جت فوق دماغنا
انا عارفه اني زهقتك بأسالتي بس العشم بقا في جدعنتك
عايزه اعرف الفرق بين 8611---وبين 8618 -----وبين 8621
وهل فيه فرق بين انكلين بوور وانكلين اتوو
بيان هام
لقد وصل الجهاز 8608
السلام عليكم ورحمة الله وبركاته
بارك الله فيكِ أستاذ ميكى
أتصلنا على الفنى وأخد البيانات من ثلاث أيام ولليوم ما أتصل ولا حدد ميعاد ما بعرف ليه ؟
حكلمه بكره ان شاء الله واعرف منه سبب التأخير
ربى يبارك فيك أستاذ ميكى
اعتقد ان 8618متوفره الان لو منكش احجزي واحده
موجوده ولا لاء؟
موجوده ان شاء الله
والكميه اللي جت من ال8608 خلصت ياجماعه والحمد لله انا كلمت كل اللي قالولي عاوزين وفيه ناس جت اشترت
وفيه كميه تانيه جايه كمان 3 اسابيع ان شاء الله
استاذ صبحي نسيني في ال08 ياجماعه انا كده هعمل ايه
استاذ صبحي نسيني في08 انا مش عايز اخده غير من عنده خايف تكون فيها مشاكل او قديمه وكمان يكون الجديد احدث من حيث الامكانيات وعرض السير
السلام عليكم اريد الاستفسار عن مشايه كهربائيه تكون قرده تحمل اقصى وزن يستعملها حوالى 118 كيلو واعتقد ان موديل 08 مش هتنفع ومحتاره ارجو الرد بسرعه وشكرا
[all1=#ff0000]انا مبسوووطه قوووى من الموضوع الوحيد الى لقيته بيتكلم عن المشايات بالتفصيل وخلانى اشترك فى المنتدى الجميييل ده ........وجزاك الله خيرا يا ميكى على المعلومات ديه:16::16::16::16:
انا محتاجه رد ضرورى لان انا لفيت كتييير فى اسكندريه على مشايه كلهم صينى وسعرهم غالى ومش اد كده
فا قررت ان لما اجى جده اخد من هنا اضمن ولقيييت مشايه عجبتى ..... انا فاكره انها لقطه وسعرها كويس هى مع صاحبتها بقالها سنه واستعمالها خفيف وكسلت تمشى عليها فا قررت تبعها وتستفاد بمكانها افضل هى ماركه life gear وده موديلها من موقع الشركه
:::LifeGear Taiwan Limited:::
بس مش كورى ومكتوب عليها صينى
فا قررت اخدها لان حالتها جديده وكويسه جدا وملهاش صوت ونظيفه جداااا هى جايباها ب 1100 ريال وانا اخدتها بنص الثمن
المشكله حاليا ان بعد ما قريييت ال 62 صفحه المفيدين جداااا محتاره اتصرف فيها هنا ولا انزلها اسكندريه لان حدفع شحن وجمارك ولو جرلها حاجه فى مصر مش حعرف اصلحها لانها صينى وحتترمى
يارتنى قريييت الموضوع الجميل ده قبل ما ادبس قى شراها :Copy of majd(4)::Copy of majd(4):
فا رايك ايه يا ميكى ؟؟؟؟؟؟ :11:
انتي اشتريتي خلاص وقدر الله وما شاء فعل
لايف جير ماركه محترمه جدا
واصلها تيواني علي فكره
يعني ده مصنعهم اللي في الصين مش اكتر
بس المشكله في قطع الغيار
لو ليكي حد في جده ويعرف توكيلها فين ويقدر يظبطلك قطع الغيار اشحنيها
وتوكلي علي الله
انما لو ملكيش وممكن متعرفيش مثلا تجيبي موتور ولا بورده لو حصلهم حاجه
يبقي بلاش منها وبيعيها في جده وهاتي واحده من مصر احسن بدل ما فعلا ممكن تترمي حرام
وحقولك علي حاجه بردو
ممكن تكلمي الوكيل وتسألي هل ليهم موزعين او وكلاء في مصر ولا لا
واعرفي موديلها كويس عشان لو باظ فيها حاجه تبقي باعته المشايه برقم الموديل
وان شاء الله خير
السلام عليكم ورحمة الله وبركاته
أستاذ ميكى المهندس جاء اليوم عندنا
مقاس السير 122 *36 وقال سعره 550
قلتله كده كتير قال ممكن تجيبوه أنتم وأنا أركبه فما رأيك ؟
والله المشكله ان السير ده عندي اعرض 4 سم
يعني 122* 40
وده حيضطر يتقطع منه
وممكن لو اتقطع غلط الفلوس تروح عليكم
وغالبا السير اللي هوا حيجيبه ده حيبقي عموله والله اعلم
عالعموم السير اللي عندي سعره 350 جنيه
وبنركبه ب50
يعني 400
حاولي تخفضي معاه في السعر شويه
اصله كان عندي امبارح وقلتله يعني عيب اول عميل ابعتهولك تتاخر عليه وتخلي شكلي وحش
راح مكلم السكرتيره قدامي والله وقالها تحدد معاد معاكو
وبعدين عاوز اقولك علي حاجه
الحاجات الصيني اصلا بيبيعوها اغلي من الحاجات التيواني اساسا
عشان تعتبر مش موجوده
ومستوردها قليل لما تلاقي عنده قطعه غيار
شوفي لو ال40 ده يركب عندكو يبقي خديه ومتفكريش
لو مكنش دي حاجه ترجعلك بقي
السلام عليكم جميعا، تحية و تقدير للاستاذ ميكي علي السرعة و المصداقية
فعلا دا المكان الوحيد اللي لقيت فيه معلومات عن المشايات.
انا ان شاء الله بعد دراسة ال62 صفحة اللي فاتوا ( والاهم طبعا توفير المبلغ ) نويت اشتري المشاية ال 08 فياريت اعرف من حضرتك اول ما تكون متوفرة. و لو ممكن رقم تليفون اتابع مع حضرتك عليه يبقي الف شكر.
شكرا مقدما يا باشا و جعل الله هذه المعلومات في ميزان حسناتك ان شاء الله
جزانا واياكم ياباشا
ال8608 اتشحنت من تيوان الشحنه التانيه من 4 ايام
قدامنا 25 يوم باذن الله وتكون موجوده
جزاك الله خيرا . وشكرا على سرعه الرد
استاذ صبحى أنا عندى جهاز رياضى زى اللى فى الصورة دى
http://www.comparestoreprices.co.uk/...ng-machine.jpg
وعندى مشكلة ان العجل بتاع الكرسى اللى بيروح ويجى فى المجرى صدى وبقى مش مظبوط فهل ممكن الاقى قطع غيار للجهاز ده علشان اغيرها بنفسى أو حتى لو تعرف حد يوفر عليا الوقت ويصلحهالى ؟
استاذ ميكي المحترم
تحية طيبة وبعد ....
انا عايز حضرتك تقولي علي ماشية كويسة لوزن 100 ك عشان انا دوخت من كتر ما دورت
شكرا
أنت فين يا صبحى باشا ؟
أستاذ صبحي أنا عايزة أحجز مشاية 08 ، ماذا أفعل هل يكفي حجزي مع حضرتك على المنتدى أم أتصل بحد معين وياريت لو في اتصال تكتب لي رقم التليفون . وجزاك الله خيرا
اعتذر عن التأخير في الرد بس مكنتش فاضي انهارده خالص اقعد عالجهاز
ارجو منك تشرفني بالعجله اللي حضرتك عاوزها بس اشوفها واحاول اوفق لك حاجه من عندنا تمشي عليها
لان العجل ده مقاسات ولازم حضرتك تجيب القديم عشان نجيب زيها
قدامنا حاجتين
يااما نستني ال8608 لما تيجي ودي بتشيل وزن 100 ك ومشايه كويسه جدا
يااما لو حضرتك مستعجل انصحك تروح محل سبورت مول في شارع شهاب او امام جنينه مول
وتشوف مشايه اسمها jk exer وزن 100 ك عندهم موديلات ايه
ولو السعر مناسب ليك اشتري وتوكل علي الله وهيا تيواني بردو زي عندنا
شوف حضرتك ايه المناسب ليك
وانا تحت امرك
تم الرد
حضرتك كلميني يوم الاتنين بعد صلاه الظهر
حسجل اسم حضرتك في الكشف عندنا واول لما تيجي حكلم حضرتك اقولك انها وصلت
0109779970
استاذ ميكي المحترم
اولا:انا جبت سعرها من سبورت مول ب 3300 موديل jkexer 4060
هل السعر دة مناسب
ثانيا:8608 سعرها كام عندكو وهتيجي امتي واحجز ازاي
شكرا
مشايه كهربئيه اشتريتها 2.5 حصان اسمها fitness طبعا المكان ال بيبيع قال تايواني المهم لما جيت جمعت المشايه وشوفت المتور مكتوب عليه ميد ان تايوان بس كمان شوفت قدره المتور 2hp 180dc بمعني 2 حصان مش 2.5 اول القصيده كذب وغش قريت الجتالوج كويس قال انها تشتغل ساعه وتشيل 120كيلو طبعا اشترينها قبل ما اعرف المنتدي الجميل ده قبل ما اشوف اراء الناس ايه في المشيات المهم ال حصل حصل بس لي استفسار المشايه دي تيواني ولا لا والماركه دي مشهوره ولا مضروبه وكله بيحلف وكله بيقول دي خطيره علي شان الواحد يشتري للاسف السوق المصري بقا لا فيه زمه ولا ضمير المهم يبع وخلاص حسبي الله ونعم الوكيل فيهم علي كذبهم وغشهم ولا يوجد رقيب ولا حسيب في السوق المصري والله حرام عليك يا مصري ان مشايه نستوردها من الخارج انا شفتها لو في رجل اعمال محترم يصنع مشايه محترمه في السوق المصري بدل مبنستورد بلعمله الصعبه حجات عبيطه دي مش معضله فكرتها بسيطه جدا بس عاوزه تشغيل دماغ المهم اشتريتها 2700جنيه من القصر العيني وها حزام مساج وتويست يعني 4في واحد ممكن اعرف اكتر عن الماركه دي وموضوع المتور امشي عليه اد ايه من الوقت لو تايواني او صيني علما ان وزني 80كيلو والمدام وزنها 65 كيلو هل هي ممكن تمشي ساعه كامله ولا نص ساعه بس وكمان عاوز اعرف قدره المتور بطريقه علميه ممكن اقسها ازاي وشكرا جزيلا لسادتكم :untitled 1:
مواصفات ال8608 اعلي من الموديل ده
وحتيجي كمان 15 يوم بأذن الله
والحجز بتسجل اسمك عندنا ولما تيجي بنكلمك
طبعا في الغالب المشايه صيني لان مفيش ماركه اسمها فيتنس او ده براند مخترع
ستيكر وخلاص يعني
ومن القصر العيني كما فصعب تكون تيواني
اما بخصوص التصنيع هنا فللاسف قدامك وقت كتير عشان تصنع هنا
ولازم يكون اولي الامر في البلد عاوزين يتقدموا عشان يفكروا ازاي ينهضوا بصناعه البلد
انما طول ما بيفكروا ازاي يسرقوا وينهبوا الثروات يبقي عمرنا ما حنتحرك
بخصوص المشايه اللي عندك نشتغل عليها نصف ساعه ونريحها ساعه او ساعتين بين كل نص ونص
عشان نديها اقصي قدر من الراحه بدون اجهاد للموتور
وبخصوص قياس الموتور بطريقه علميه بصراحه معرفش ومش عاوز افتي
بما ان المعلومات اللي علي الموتور مضروبه اصلا فمش حتعرف توصل للحصان الاساسي
انا بعرف الموتور من حجمه بيبان عليه
معروف حجم ال1 حصان وال1 ونص وال 2 وال3
مختلفين في الحجم تماما
كقطر للفات النحاس بتاعت البوبينه
وكطول كمان
عمو صبحي
هاو ار يو يا مان ؟
بخصوص المشايه اللي قلتلك عليها عالقهوه
اللي هي امشي عليها بالعكس اتخن مش اخس
حتوصل سنه كام ؟؟؟؟
علشان عايزها ضروري
- االسلام عليكم ورحمه اله وبركاته
- أستاذ ميكي
- معرفش أقولك شكرا لغايه امتي بس بجد أنت انسان محترم وبتنفع غيرك ....... انا استفدت جدا من الموضوع بتاعك
- وكان ليا كام سؤال بعد إذنك
- - أنا عايز مشايه في حدود وزن 90- 100 كجم بالكتير اوي ويكون فيها تويست والمساج ..... وياتري سعلرها كام
- - هو في عندكم أجهزه تانيه غير المشايات ...يعني زي المالتي جيم (استخدام منزلي ) ...وياريت أسعارهاكام
- - بالنسبه لو هاشتري اكتر من مشايه (3 ) تقريبا السعر هيكون مختلف؟
- معلش انا طولت عليك :)
أ. صبحي جزاك الله كل خير علي المعلومات القيمة اللي بتقدمهالنا
عندي استفسار
أنا وزني 110 ك
ياتري 08-a
اللي معروضة في موقع شركة الجوخ تناسبني
أنا شوفت مكتوب عليها
max 120 k
دي نوع تاني من 08 ولو تناسبني ممكن تقولي سعرها كام ومتوفرة حاليا عندكم ولالا؟؟؟
سؤال أخير... هل ليكم وكيل بيع في طنطا.........وشكرااااااااااا
من فضلك ياستاذ صبحى انا لما فتحت المشاية 08 لقيت مع الكالتوج علبة بيضة دة زيت واعمل بية اية دة غير الاسبراى ولا دة بيتحط زى الاسبراى وياريت تقولى ازاى اشغل ال6 برامج انا مش عارفة انا لسة اول مهفتحها من يومين وكمان ليا سؤال معلش هيا فيجا ماكس دة صينى ولا نوعها اية بالظبط انا شوفتها كبيرة وتتحمل اوزان لحد 130 وقريبة فى السعر من المشاية 08:16: