جزاك الله كل الخير
عرض للطباعة
جزاك الله كل الخير
جزانا واياكم
السلام عليكم و رحمة الله و بركاته
أستاذ صبحى ألف شكر ليك على تعبك المشايتين وصلوا دهب الحمد لله بعدها بحوالى يومين.
للأمانه جهاز محترم جداً بس عيبه الوحيد انى بلعب عليه 20 دقيقه و جسمى يتكسر و انام يومين و هكذا :36_1_50[1]:....
يا ريت لو عندك حل للموضوع ده؟؟
هههههههههههههههههه
ودي اعملها ايه بقي
التكسير اللي بيحصل ده اول علامات التحسن
لو ريحت حترجع زي ما كنت
انتا عامل زي مكنه بقالها 10 سنين مشتغلتش
وانتا عاوز تدورها مره واحده
لازم تتزيت الاول وتتشحم ويتعملها الصيانه اللازمه
عشان تشتغل بكفاءتها القصوي
يبقي حضرتك دلوقتي في مرحله التأهيل
جسمك مش واخد عالمجهود ده اصلا وانتا اول مره تعمله
لو استمريت حتلاقي نفسك اخدت عالمجهود ومبقتش تتعب
وحيبقي الموضووع عادي بالنسبه لك
انا اما كنت ابطل العب كوره وارجع تاني العب
الاقي نفسي من اول 5 دقايق تعبت وفيصت
واروح البيت هلكان ومتدغدغ
مجرد ما اروح كام اسبوع ورا بعض
والله وصلت اني بلعب ساعتين كاملين من غير ما اتعب
ربنا معاك ان شاء الله
:)
اشتريت مشاية من يومين المشاية اسمها ميجا ماكس mega max والبائع قالى انها تتحمل حتى 120 كيلو وهى كورى 2.5 حصان 5*1 وانا كنت عاوز رائ حضرتك فيها لانى بعد ماتبعت الموضوع والردود انا قلقان جدآ ياريت لو تقدر تفيدنى
ديه صور ليها
http://dc14.arabsh.com/i/02794/9ha5hk7cu7cz.jpg
http://dc14.arabsh.com/i/02794/6gy8oas3sag4.jpg
و الله حضرتك يا استاذ صبحي ما شاء الله عليك
انا قرات الموضوع من اول صفحة بس على 3 ايام تقريبا و فعلا كنت هكلم حضرتك على التليفون دلوقتى عشان اتفق معاك اجبها من عندك لكن خفت يكون الوقت مش مناسب...
اتصلت بالصاوى زى ما قلت بصراحة ... نفس الكلام الا قالوه الاخوة و الاخوات قبلى هنا و طبعا التوصيل على حسابي يعنى مفيش توصيل لغاية البيت و لا حاجة
ان شاء الله هتصل بك الصبح نشوف هنعمل ايه .... ربنا يكرمك
على فكرة انا اشتركت في المنتدى ده عشان حضرتك و موضوعك بجد ربنا يكرمك
السلام عليكم الاخوة الكرام
الاستاذ صبحى اولا اخلص التهانى على اسلوبك واحترامك وتحيزك لمنتجك التيوانى (وفعلا عندك حق)
انا اتمنى الاستفسار عن بعض الاجهزة من شركتك
- اقل سعر لمشاية كهربائية ac تايوانى ومواصفتها
-سعر اوربت تراك لاستخدام مركز تخسيس
-سعر عجلة ثابتة محتلرمة
-سعر اجهزة مالتى جيم ان وجد وان لم يوجد ارجو الارشاد لمكان موثوق مثل شركتك
-سعر باور هورس واب كينج-سعر كريزى اكسيرسيس
مع العلم انى سوف اتواجد فى القاهرة الاسبوع المقبل للشراء .. ان شاء اللة
مع العلم انى امتلك عدد 3 مشاية تايوانى بمنفلة (AC نصف حصان) واثق فى الصناعة التيوانى جدا
وشكرا
بعتت لحضرتك الاسعار عالخاص
موضوع ممتاز
اولا :شكرا جزيلا لسرعة الرد
ثانيا: بخصوص المشاية:
اقل سعر لمشاية كهربائية ac تايوانى ومواصفتها
المشايه اللي عندك المنافله هيا بتاعتنا :)
life changing
وهيا اقل مشايه ac من حيث السعر
انا اقصد الموديل اللى اعلى منها ويكون السرعة الاولى اقل لان اللى عندى السرعة بتبدأ من 2.8 .
ثالثا :كيفية التواصل مع شركتكم او مع حضرتك
وكل حاجه
اهى كل حاجة دى اللى عايز اعرفها
ياريت لو تقولى المواصفات بالتفصيل ورقم المنتج على الموقع
وياريت لو مواصفات كل اللى انا طلبتة لانى ان شاء اللة ناوى اشتريها
ومعلش تاعبتك معايا
الاخ الفاضل ميكي موضوع اكثر رائع وللامانة انا قريته اكتر من مرة وعندي اسئلة كتيرررررررر وكرم حضرتك في الاجابة عن الاسئلة للاخوة هي اللي شجعني اني اشترك في المنتدي انا اقيم بمحافظة سوهاج وعايزة اشتري مشاية وكنت محتارة لكن بعد قارئة مشاركتك المفيدة جدااا نويت اشتريها من نفس الماركة اللي حضرتك محددها08او الموديل التاني8601 عايزة اعرف سعرهم وممكن لو فيها تعب عنوان مكان بيتعامل بالتقسيط قريب من محافظتي انا اسفة جداا علي الاطالة وفي انتظار رد حضرتك
السلام عليكم جميعا واكثر السلام لاستاذنا الجميل صبحى ... كان عندى استفسار عام بخصوص المشايات اللى بتبقى استعمال معرض (معرض بيع يعنى ) وعليها خصم ياترى فعلا بتبقى كده ولا حاجه راجعه واتعملها صيانه عشان معروض عليا واحده امكانيتها كويسه وسعرها كويس فقلت استشيرك فى الوضوع ده وكنت عاوز رايك فى ماركه ويسلو وبروفورم
انا شخصيا معنديش حاجه اسمها استعمال معرض
بطلع من العرض عادي جدا وبنفس السعر لان مفيش حاجه عندي بتتهان
الفكره ان بعض المعارض مثلا بيكون عنده مشايه بقالها كتير
او من تجربه العملاء السير اتبهدل
فبيطلعها بسعر ارخص
دي حاجه
وممكن فعلا يكون كان فيها حاجه بس بسيطه
المهم الماركتين اللي حضرتك كاتبهم دول توكيلهم ويدر
وهما صيني
لو توكيل ويدر هوا اللي عامل العرض ده اشتري وانتا مطمن لانهم الوكيل
السلام عليكم
ازيك ميكى انا كنت عايزه اسالك سؤال فنى
انا من كام يوم اشتريت مشايه كهربائيه هى صينى من ماركه هاى فيتنس
المهم انا مش قضيتى صينى او غيره المشكله عندى
ان هى لما اتجربت وكله تمام وجيت انا تانى يوم اشتغلت عليها زى الفل بردوا
تالت مره جيت اشغلها عملت قفله فى الكهربا واتكرر الموضوع دا كتير انا بصراحه مش عارفه العيب فى خطوات التشغيل الى انا بعملها
ولا العيب فى المشايه نفسها ولا العيب عندى فى الكهربا
وايه الحل ليها مع العلم اننا عندنا تكييف سبليت واجهزه كهربائيه كتير ومابتعملش قفله كدا
دي مشكله في البورده
لازم تتغير
حصلت لعضو هنا في المنتدي معانا
ومشايتنا التيواني
وغيرنا البورده علي طول
والبورده التانيه اتصلحت وشغاله عادي
بيكون عيب صناعه بسيط كده وبيتعمل عادي
بتبقي البورده عامله قفله
كل ما تشغلي الجهاز ينزل المفتاح بتاع العداد
بس اهم حاجه متشغليهاش غير لما بتوع الصيانه ييجوا يصلحوها او يغيروا البورده زي ما قلتلك
شكرا جدا يا ميكى على ردك
وانا ان شا ءالله هكلم الشركه
هو يا سيدى الفاضل جزاك الله كل الخير
عندكم اوربتراك 4 دراع ب 1450
ولو اه معلش صورته ربنا يخليك ضرورى
أستاذ صبحي انا بشكر حضرتك جداا علي المعلومات الخطيرة دي و انا اشتركت مخصوص في نابل موتورز عشان الموضوع ده و بسأل حضرتك انت موجود أمتي في أبو الجوخ ومن الساعة كام للساعة كام و بشكر حضرتك و جزاك الله كل خير
شكرا اخي الكريم
يارب يجعله في ميزان حسناتنا جميعا
انا موجود كل الايام عدا الاحد من 10 صباحا - 8 مساءا
وبردو وانتا جي كلمني احتمال اكون اجازه ولا حاجه
الف شكر للاستاذ صبحي علي الشرح الوافي وادبه الجم ، وقد تم بحمد الله شراء المشاية لأخي .
وفي انتظار شراء الاوربتراك الماجنتيك قريبا ان شاء الله
الف شكر ليكي يامريم وربنا يقدرني علي مساعده اخواتي في نايل موتورز
بخصوص الخصم
عاوز اوضح حاجه للاعضاء
تم زياده الاسعار 10 % عن الاسعار السابقه
وده مش علينا احنا بس
علي كل حاجه في السوق
يعني اللي عاوز يشتري اجهزه كهربائيه كمبيوتر لاب توب اي حاجه
حيلاقيها زادت
حتي المشايات الصيني الرديئه اللي في السوق زادت
الزياده من الصين وتيوان مش مننا خالص
وجتلنا زياده 15% علي اسعار قطع غيار الدراجات الهوائيه وسعر الدراجات نفسه
بصراحه السوق لا يبشر بالخير تماما وربنا يستر
وارجو من الاعضاء تقبل العذر
والحذر كل الحذر في الفتره القادمه من البضائع الرديئه التي سيتم طرحها بالاسواق الفتره المقبله
نظرا لارتفاع الاسعار في شرق اسيا
مما سيؤدي بالمستورد الي اتجاهين لا ثالث لهم
1- تزيد الاسعار في نفس المنتج
2- تغيير المنتج باخر اقل جوده للبيع بنفس السعر
مما سيؤدي لانتشار سلع رديئه المستوي
وربنا يعدي الايام دي علي خير
:( :( :(
من فضلك ممكن تقولى المشاية treadmill فعلا صناعة تيوانى ولا ايه ولو لكم فرع فى الاسماعيلية ممكن تقولى عليه
السلام عليكم و رحمة الله و بركاته
استاذ صبحى انا عايز اشكرك على المشاية فعلاً ليها مميزات كتير بالإضافة الى :
1- بنتي حبيبة 6 سنين مبتذاكرش غير عليها.
2- بنتى التانيه حنين 3 سنين مبتامش غير عليها.
3- ابنى عمر 8 شهور لسه مش قادر يمشى علشان اعرف حيعمل فيها ايه.
طيب هي الاسعار زادت خلاص ولا ممكن اشتري الاوربت بالسعر القديم خلال هذا الاسبوع ؟؟؟؟؟؟؟؟؟؟
الاوربت اللي عجبني كان اسمه foreverfit وسعره 2500
طبعا بعد شكر حضرتك لاهتمامك اقولك فعلا الجهل وحش اوى بس اعذرنى انا فعلا معنديش معلومات عن الاجهزة الرياضية خالص بس ديه كانت اجابة البنت فى محل الاجهزة الرياضية لما سألتها عن نوع المشاية وصناعتها وديه كانت ب 2650 جنيها واكدت لى انها تيوانى قولتلها يعنى موتور تيوانى وصناعة صينى ما انا قرأت موضوعك قبل ما انزل اعمل جولة واكدت لى انها تيوانى
وعلى فكرة انا روحت صيدلية الزهور وفعلا الاسعار عندها غالية شوية
انا وزنى 74 يعنى مش عاوزة حاجة امكانيتها عالية ممكن لو اشتريت من عندكم فى القاهرة مشاية تناسبنى تكون سعرها كام
حضرتك وزنك كويس ومش محتاجه مشايه من اصله
ولو عاوزه حاجه تحافظ علي الجسم يبقي خدي اوربت تراك افضل
السعر زاد للاسف يامريم والله
والجهاز ده بالذات جت الزياده فيه عاليه اوي
والله مش عارف اقولك ايه
ححاول مع الاداره وربنا يقدم اللي فيه الخير
أستاذ صبحي
أنا كنت عايش برة مصر و كان معايا treadmill Kettler Toronto حسب علمي كان فيها موتور أو اتنين (range 1.8 HP - 5 HP )
المشاية كانت هايلة استعملتها لمده ٣ سنين كل إلي كنت بعمله اني برش سيلكون سبراي و مغيرتش حاجة فيها خالص، مرة واحدة شديت السير بس
المهم أنا بعتها و كانت عملة حوالي ٨٠٠ كم
سؤالي ، هل موجود منها في مصر ، و تقريباً سعرها كم ؟
هوا توكيل كتلر موجود في الدقي
حبعتلك رقمهم عالخاص
بس مش عارف الموديل ده موجود في مصر ولا لا
حضرتك ممكن تكلمهم تستفسر منهم علي اللي انتا عاوزه
واعتقد انهم مش منفذ بيع
ولكن ممكن تعرف منهم تقدر تشتري منين
بس حضر 10 بواكي كده علي الاقل
:)