يا افندم كفاية المقابلة الحلوة و المنتج المحترم بتاعكم , متشكر جدا على ذوقك.
عرض للطباعة
المشايه الامريكي مش ممكن يأي حال من الاحوال عن 15000 جنيه
وحتبقي منزليه مش بتاعت جيم
صعب يجيب مواتير من امريكا يوديها الصين عشان يحطها في مشايات صيني
احنا حاولنا بس نجيب مواتير من تيوان نحطها في مشايات صيني وكان من نفس المصنع
مرضيوش
وكانوا حيكلفونا جمارك وشحن عشان المواتير حتتنقل
ثانيا ده امريكا نفسها بتصنع في الصين وفاتحه مصانع في الصين عشان العماله ارخص
تقوم الصين تعكس وتجيب مواتير من امريكا محفور عليها
وايه المشكله اما انا ابقي طالب طلبيه وبتعامل مع مصنع مش محترم اصلا لانه لو كان محترم مكنش طلع المنتج بالسوء ده من مصنعه
واقوله ياريت بس نحفر علي الموتور انه امريكي
حيقولك لا ؟
مانتي طالبه منه اكتر من 500 مشايه
الصين مبيقولوش لحد لا
فيها من اول المصانع المحترمه اللي ليها اسم
ودي لا يمكن تتعامل مع اي تاجر من النوعيه دي
وفيها اللي بينزلوا بضاعه للعتبه والموسكي وعاملين زيهم بالظبط هناك
حاجات بتتصنع في مصانع تحت بير السلم
وده ليه زبونه وده ليه زبونه
المهم اللي يروح يستورد منهم بيكون عارف كويس اوي
ومش بيغشوكي هناك
بيقولولك ده حلو وده نص نص وده وحش
احنا بنروح نقولهم عاوزين وحش اوي
فبيتعملنا وحش
بس كده
انا شارى مشاية جرى كهربا ب 3500 من المنصورة وللاسف اتخميت لانى مكنتش اعرف المواضيع دى بتاعت الصينى
المهم انا حتى مش عارف ماركتها ولكن مكتوب عليها Hi fit مش عارف هى صينى ولا لا والماتور محطوط عليها استيكر كالتالى
wingtech co.ltd korea
المهم انا شارى الجهاز من حوالى سنة ونص وحصل فيه بلاوى الاول ال incline بتاعه اتقطم فروحت لحمته هو وجزء من المساورة اللى ادام اللى بتربط السير بالشاسيه اللى ادام
اتصلحت والحمد لله وده كان من اربع شهور
الان من شهر ونصف حصل حاجة غريبة جدا الجهاز دايما بعد اربع ثوانى من اما افتحه يدينى Error 4 وتقعد ثانية وتتشال بعد كده اشغله عادى بعدها حصل حاجة اغرب الجهاز كل ماافتحه واضغط على start يمشى ببطئ وبعدين يقف حتى لو عليت السرعة فى ساعتها ويفضل يدينى error 1 وفضل بتاع شهر واقف كل ماافتحه مبيرداش يشتغل ويدى error 1
منذ اسبوع اخويا اكتشف انه لو حرك السير بايده اول مايضغط على start وعلى السرعة الجهاز مش هيقف وفعلا كنا بنعمل كدا افتحه وازق السير بايدى لغاية اما السرعة تعلى واطلع اجرى عليه وفضل شغال اسبوعين كده حتى من مدة يومين معندناش بنضطر ان احنا نزقه بايدينا وببقى بيشتغل عادى الا حكاية error 4 دى اللى بتظهر اول ماتفتحه ومن قبل مااعمل start حتى للجهاز
الان منذ ساعتين وانا بجرى لقيت الجهاز السرعة كانت على 10 لقيته مرة واحدة وبدون مااضغط على اى حاجة سرع جدااااااا وام واقف مرة واحدة وعمل error 2 على الشاشة ولما فتحته تانى لقيته ادانى ايرور 2 ولقيت زى مايكون نور كهربا بيضة طالعة من ناحية البوردة بتاعت اللى موجودة تحت على الشاسيه ومعتش بيشتغل خالص تحط الفيشة مبينورش اتكتم خالص واتوفى هههههه
مع العلم اننا كنا شايلين الكيسة اللى مغطيا البوردة والماتور لانها كانت بتحك فى السير وكنا بنزيته على طول بزيت كان جاى معاه وبعدين اشتريت انا زيت بتاع مكن الخياطة ابيض كده ( كانت جاية علبة معاه وخلصت واحنا اشترينا زيه بالظبط)
اعمل ايه ، ايه اسباب الايرورز دى وكده اتحرق خالص ولا ايه ، مينفعش اعمل فيه حاجة اخليه يرجع ينطق تانى اهم حاجة ايه الاسباب بتاعت ال errors دى
لو مش هينفع انى اصلحه انا متعرفش حد بتاع صيانة فى المنصورة
واسف جدا على الازعاج
سلام عليكم
تم الرد عالخاص ياباشا
ملحقتكش هنا
:)
وخليه يشوف الحساس عشان ممكن يكون هوا اللي بيعمل error 1
شكراً ياباشا على الرد بس هو الجهاز معتش بينطق لا ايرور واحد ولا ايرور 2 ولا حتى 4 احط الفيشة الشاشة مبتنورش زى مايكون اتحرقاقتباس:
وخليه يشوف الحساس عشان ممكن يكون هوا اللي بيعمل error 1
اه شئ تانى هو ايه الحساس ده ممكن تقولى مكانه او صورة ليه عشان مبفهمش انا فى الاجهزة
لا هوا جزء بلاستيك كده بيكون مربوط في الموتور لو باظ او جراله حاجه بيفصل الجهاز بعد 3 ثواني
وفصله الجهاز خالص دي يبقي فيه حاجه في البورده ضربت ومحتاج يتبص عليها
والله لو شغالين في الصيني كنت قلتلك هاتها انما احنا شغالين في التيواني بس وقطع غياره مختلفه خالص
شكرا والله انا هحاول بكل الطرق اصلحه ولو محصلش نصيب يبقى ارجع اجرى على تراك ستاد الجامعة :d
اهم حاجه بس بالله عليك متروحش لكهربائي ولا فني تلفزيونات يقعد يلعبلك في الحاجه ويقولك بفهم
شغل البورده مختلف عن اي شغل
والفتايين كتير واحنا معاهم
ميكي باشا هل صحيح ان ماركة Panatta sport ايطالي ولو صحيح سعر المشاية يبدا من كام ؟؟
اه طبعا ايطالي
يعني بنتكلم في 10000 15000
بس معتقدش حتلاقي منها منزلي دي
لان وكيلها في مصر بيعمل اجهزه الحديد بتاعت الجيم
يعني لو ناوي علي حاجه بالمبلغ ده يبقي خليك في life fitness ولا kettler
بس دول قطع غيارهم مولعه علي فكره
السير بتاعهم بتمن مشايه من عندنا
:))
يا خبر ايه ده ... طبعا اسعار مبالغ فيها جدا ... المشكلة انك يا باشا كنت بتقول ان المشايات الصيني والتيوني لازم كل مش عارف قد ايه الواحد يفصلها علشان الموتور ميتحرقش .... فالواحد حاسس ان المشايات مشكلها كتير ... وفي نفس الوقت الحاجات الاصلي اسعارها رهيبة ... حقيقي مشكلة
ومين قاللك ياباشا انك لو رحت دفعت 20000 الف في مشايه مش حتريح
بص يابيبو باشا
الفكره كلها انتا بتشتري ايه
زي ما قلت قبل كده
فيه فرق بين مواتير مشايات صالات الجيم وبين المواتير بتاعت مشايات البيت
يبقي انا لو رحت جبت مشايه منزلي امريكي 2 حصان بجد
يبقي حتشتغل معايا ساعتين وتريح ساعه
نفي الكلام في التيواني
نفس الكلام في الصيني
هيا هيا نفس المعامله
زي العربيات بالظبط
السيات والبي ام لازم تغير زيت وتيل وسيور كل فتره
هل ده يعيبها
لا طبعا
بس المشايه الامريكي بقي تريحك في الصيانه
بس زيها زي العربيات الغاليه بالظبط
تحتاجلها بتاعه قد الفتفوته
تروح عاملك جمعيه بقي
:ma:
والتيواني وسط مش غاليه ووسط وحلوه وقطع غيارها في الحنين
بس يارب تلاقيها لان السوق غرقان بطريقه غبيه فعلا مشايات صيني ومضروبه ويقولك كوري وتيواني وماليزي
واي بلد اهلها عينيهم ضيقه
والصيني درجات منه الجميل والحلو وده مش موجود في بلدك اساسا
وده موجود بره
واعرف ناس كتير وهيا جايه من السعوديه جايبه مشايات وهيا جايه وعاشت معاهم 5 و6 سنين
بس مشكلتها بقي حاجه تانيه
ان قطع غيارها غير متوفره في مصر لان توكيلاتها مش موجوده في مصر
وبالتالي اما تيجي تحتاج لقطعه غيار لازم تجيبها من بره
دي الحكايه كلها
ولازم تلف وتدور وتروح هنا وهنا عشان تعرف الفروقات
غير كده ممكن يضحك عليك بجد وبسهوله جدا
لان المجال معتبر رفاهيات من جانب الشعب المصري وبالتالي مفيش تدقيق في التفتيش عالغش في الحاجات دي
السلام عليكم ورحمه الله وبركاته
اهلا بيكوا وكل سنه وكاكوا طيبين انا عجبنى الموضوع جدا جدا لانى عايزة اشترى مشايه كهربه وبجد كنت محتاره جدا جدا
بس انا قررت ان شاء الله اشتريها تايوانى 1,5 حصان بس المشكله انى من الشرقيه ومش عارفه ياترى فى توكيل عندنا ليكوا ولا هجبها شحن ولا ازاى بالظبط ولو فى صيانه هل هضطر اسافر بيها ؟؟؟؟؟؟؟
باريت تفدنى فى الموضوع دا ميكى وبجد هكون شاكره ليك جدا وبجد ميرسي جدا جدا على المعلومات الجامده الى انت افدتنا بيا كلنا بجد ميرسي جدا :S_thum1[1]::S_thum1[1]::S_thum1[1]:
هوا للاسف مفيش موزع لينا في الشرقيه واعتقد مفيش شركات شحن
الافضل ليكي بجد هاتي عربيه نقل وانتي جايه او عربيه بشبكه كويسه تتحمل تشيل المشايه
وانا كده كده بعمل خصم لاي حد بييجي من نايل موتورز
فتقريبا حتبقي تكلفه العربيه
والمشايه ولا تتبهدل ولا حاجه في شركات الشحن
وشكرا لكلامك الجميل ده
بالنسبه للصيانه متقلقيش احنا بنسافر في جميع انحاء الجمهوريه
استاذ phen0m فيه ملحوظة الحقيقة وهي ان المشاية بتاعتي جه معاها ازازة شبه بتاعة القطرة صغيرة لو دي اللي تقصدها فخد بالك لان دي الراجل قالي علشان المسامير لو جامدة معاك تحط الزيت ده عليها.
لكن ان شاء الله خير طالما جبت الاسبراي.
ربنا يوفقك, والاخ ميكي من غيره فعلا كنا ضعنا.
شكراً
حسام باشا علي فكره القطاره الصغيره دي ولا عشان المسامير ولا بتاع
ده زيت سيليكون مركز
بيتحط تحت السير في حاله لو السبراي بتاعك خلص وملحقتش تجيب
بس متحط منه كتير عشان ده مش رش
يدوب نقط
اقتباس:
حسام باشا علي فكره القطاره الصغيره دي ولا عشان المسامير ولا بتاع
ده زيت سيليكون مركز
بيتحط تحت السير في حاله لو السبراي بتاعك خلص وملحقتش تجيب
بس متحط منه كتير عشان ده مش رش
يدوب نقط
funnymickey باشا معلش بئا يظهر ان المعلومات مضروبة, انت عارف الراجل اللي ركب المشاية لصاحبي ده قاله بالحرف الازازة الصغيرة دي شبه القطرة دي علشان لو المسامير عصلجت معاك واوعا تحطها تحت السير, بس يظهر انه في البطاطا, وحتى قاله كمان الناس بتقول ان المشاية كل ما اشتغلت على سرعة عالية غلط وتبوظ ما تسمعش كلامهم لانه غلط شغلها براحتك على سرعة عالية...
شكله كان بيزوءه ههههههههههههههههه.
ربنا يستر
شكرا للتوضيح وللافادة ومعلش للاعضاء والاستاذ ميكي وضحلكم وكلامك الصح طبعاً.
السلام عليكم ورحمة الله وبركاته
كل سنة و انت طيب يا ميكى باشا لية سؤال فى الاوربت تراك السيو ابتدى يتنحل وهل ممكن يتغير او يتحطلة ماده تزيتة؟:36_1_58[1]:
السير ده لازم يتنحل طول مانتا بتستخدمه عشان المقاومه
زي تيل الفرامل بتاع العربيه كده
وبنبيعه عندنا ب35 جنيه وبيتغير سهل جدا
الجهاز تحفه للتخسيس
وملوش وقت معين
ابتدي واحده واحده
ومتكسلش
والعب كل يوم
وابتدي زود وقت لنفسك واحده واحده لحد ما توصل لساعه
كده زي الفل
وحتلاقي نفسك انسان مختلف تماما في المجهود
وعضلات رجلك حتبقي جامده
ياراجل ده انتا بتشيل عربيات نقل
مش قادر تلعب عالاوربت
بطل تواضع
:) :) :)
الحمد لله الموضوع منقصش منه كتير
كان حيجيلي سكته قلبيه
أستاذ صبحى ... لو فاكر ... انا اللى كنت سألتك على المشاية قبل المنتدى ما يقع على طول :3mla: اللى هو كنت عاوزها ليا انا وحد وزنه 105 وحضرتك قلتلى ممكن تنفع معايا ال08 طالما هو ان شاء الله هيخس ... بس ملحقتش أرد علشان المنتدى وقع . وربنا يستر عليه المرة دى :ask: :colsmil::colsmil:
انا بس كنت محتاج أعرف ال08 سعرها للناس اللى فى المنتدى هنا كام :) , وكنت محتاج اسال سؤال كمان بقى ... عن الموزعين اللى تبعكم اللى موجودين فى القليوبية لو موجود بحيث ان انا هشتريها واجيب عربية علشان اوديها هناك ... فلو حد قريب منى هيبقى احسن بالنسبة ليا...
والحمد لله فعلا انه منقصش كتييير :)
استاذ ميكى خالص تحياتى لشخصكم العزيز ... فعلا الموضوع شيق جدا , رغم انه قديم لكن قرأتة كلة وبتمعن ... واحب أولا ان أشكرك على محبتك وتواضعك وخدمة اخوانك فى المنتدى الجميل ...... جعتة الّله فى ميزان حسناتك ... وتزيد وتنتشر روح المحبة الحلوة بيننا .. لى طلب عندك ! عايز اعرف مين فى اسكندرية بيبيع أجهزتكم .. لشراء مشاية كهربائية و لكم الشكر .
استاذ ميكي
ممكن اعرف نوع و سعر اوربتراك بس يكون كويس ويستحمل ، هو للاستخدام المنزلي ( اقصي وزن هايشتغل عليه هو 110 كجم )
بس ياريت يكون كويس وبلاش صيني ولو أمكن تقولي اجيبه منين ؟
وشكرا لحضرتك
بصي يامريم
كل الاوربت تراك اللي في السوق صيني
اذا مفيش حاجه قدامي للمقارنه اصلا
كل السوق بيجيب من مستورد واحد او مستوردين بالكتير وبالتالي كل اللي في السوق نوع واحد او نوعين
احنا بنجيب اغلي اوبرت تراك في السوق عشان بنجيبه تقيل ويستحمل
الاسعار عالخاص
ونصيحه
لو حتاخديه لشخص سنه كبير بلاش
لو حتاخديه لشخص عنده خشونه بلاش
لو اكتر من 110 بلاش
بصراحه ارشحلك ال100 ك
لاني مبحبش ال110 ك ده مع انه اغلي بس بحس انه مفستك كده وعاوز ياكل عشان يتخن شويه :)
الاستاذ
funnymickey
بخبرتك الجبارة فى مجال الاجهزة الرياضيه
ممكن تقولى على شويه اماكن جيم محترمه فى منطقه الدقى والمهندسيين كدة
ويا ريت اسعارهم كدة على الماشى
منت كتبت الطلب قبل النتدى مايقع بس الحمد الله
شكرا بجد لحضرتك
بس ممكن حضرتك تقولي هو اي موديل من اللي موجود في السايت
كمان انا عاجبني جدا شكل الجهاز اللي موديله xe150 ، ممكن تقولي هو ايه مواصفاته وسعره .
مريم ال100 ك اللي اقصده صورته اهي
http://www.abouelgoukh.com/images/orbit/4.jpg
وال 110 اهو
http://www.abouelgoukh.com/images/orbit/1.jpg
اما الاستاذ اللي عجبك اوي اوي اوي ده فهاتي كرسي واقعدي الاول
خدي نفس
كمان نفس
وكمان مره نفس
http://www.allellipticals.com/images...al-trainer.jpg
ده ب5000 جنيه
بوووووووووووووووووووووووو ووووووووووووووووووووووووو وووووووووووووووووووم
مرييييييييييييييييييييييي ييييييييييييييييييييااااا اااام
:C_laugh[1]::C_laugh[1]::C_laugh[1]:
وبعدين ده 150 كيلو هوا انتو ناويين تتخنوا ولا ايه
اقتباس:
لا انتا طلبت مني في منطقه امبابه
صح ؟
حتي قلتلي شارع الوحده باين
انا مش عارف حد كويس في المهندسين غير بلاتينيوم جيم وده غالي
تقريبا ب600 جنيه في الشهر حاجه كده
عالعموم حسألك ولو عاوز اللي في امبابه ده انا جبتلك نمره صاحب الجيم
ياباشا ربنا يخليك ايه الذاكرة الحلوة دى
انا عايز جم محترم يكون فعلا قريب من امبابه او المهندسين وباسعار معقوله
المهم عندى النظافه والامكانيات
بلاتنيوم حلو هو غالى طبعا بس كنت عايز اعرف لو فى غيرة
يبقي حبعتلك رقم اللي قلتلك عليه تبص عليه
هوا لسه مجدد وفارش اجهزه نضيفه اوي
استاذ ميكى
بجد انا مبسوطة قوى انى لاقت الموضوع بتاعك ده لأنى فعلا محتاجه قوى علشان اخويا سمين جدا و جاتله مشاكل فى القلب بسسب السمنة (ربنا يشفيه ان شاء الله) و الدكتور أكد عليه انقاص الوزن و الرياضة
أحنا ناويين ان شاء الله نشترى مشاية 2.5 حصان بس هو ازود من 150 بشويه تقريبا 2 او ثلاثة كيلو
هى تنفع كده و لا لأ لأن بصراحة سعر ال3 حصان غالى قوى :N_no[1]:
ممكن تبعتلى رقم الموديل المناسب و سعره . و بالنسبة لأستهلاك الكهرباء ايه الأخبار؟
معلش سؤال أخير
علشان نحافظ على المشاية نسيبها تشتغل كام ساعة فى اليوم؟ لأن كذا شخص هيستعملها
وان شاء الله لما اجى اشتريها توصل للبيت امتى
شكرا بجد ليك
هوا ال2ونص حصان اللي انتي بتقولي عليها دي شفتيها فين
وبكام
المشايه اللي تستحمل الوزن اللي انتي بتقولي عليه ده
عامله 6500
صورتها اهي
http://www.yx-fit.com/UploadFile/2009819174121.jpg
دي 2ونص حصان وبتشتغل ساعه ونصف متواصل وتريح ساعه وتشتغل تاني وبتشيل 150 ك
152 153 مش حتفرق
بس 160 و170 متنفعش
واي تسليم بيتم في نفس اليوم ان شاء الله
وبالنسبه لاستهلاك الكهرباء ولا حاجه
ده مش تكييف
الحصان ده غير الحصان ده خالص
سي سي علي رأي مدام مريم :)