استفسار بخصوص المشايات الكهربائية

**smiletodays** · 26-03-2011 08:19 AM

السلام عليكم

ازيك ميكى انا كنت عايزه اسالك سؤال فنى

انا من كام يوم اشتريت مشايه كهربائيه هى صينى من ماركه هاى فيتنس
المهم انا مش قضيتى صينى او غيره المشكله عندى

ان هى لما اتجربت وكله تمام وجيت انا تانى يوم اشتغلت عليها زى الفل بردوا
تالت مره جيت اشغلها عملت قفله فى الكهربا واتكرر الموضوع دا كتير انا بصراحه مش عارفه العيب فى خطوات التشغيل الى انا بعملها
ولا العيب فى المشايه نفسها ولا العيب عندى فى الكهربا

وايه الحل ليها مع العلم اننا عندنا تكييف سبليت واجهزه كهربائيه كتير ومابتعملش قفله كدا

**FunnyMickey** · 26-03-2011 10:53 AM

دي مشكله في البورده
لازم تتغير
حصلت لعضو هنا في المنتدي معانا
ومشايتنا التيواني
وغيرنا البورده علي طول
والبورده التانيه اتصلحت وشغاله عادي

بيكون عيب صناعه بسيط كده وبيتعمل عادي
بتبقي البورده عامله قفله
كل ما تشغلي الجهاز ينزل المفتاح بتاع العداد

بس اهم حاجه متشغليهاش غير لما بتوع الصيانه ييجوا يصلحوها او يغيروا البورده زي ما قلتلك

**sofa2011** · 28-03-2011 04:25 PM

هو يا سيدى الفاضل جزاك الله كل الخير
عندكم اوربتراك 4 دراع ب 1450
ولو اه معلش صورته ربنا يخليك ضرورى

**kimooo90** · 04-04-2011 09:21 AM

أستاذ صبحي انا بشكر حضرتك جداا علي المعلومات الخطيرة دي و انا اشتركت مخصوص في نابل موتورز عشان الموضوع ده و بسأل حضرتك انت موجود أمتي في أبو الجوخ ومن الساعة كام للساعة كام و بشكر حضرتك و جزاك الله كل خير

**FunnyMickey** · 04-04-2011 10:49 AM

شكرا اخي الكريم
يارب يجعله في ميزان حسناتنا جميعا
انا موجود كل الايام عدا الاحد من 10 صباحا - 8 مساءا
وبردو وانتا جي كلمني احتمال اكون اجازه ولا حاجه

**FunnyMickey** · 05-04-2011 12:14 PM

الف شكر ليكي يامريم وربنا يقدرني علي مساعده اخواتي في نايل موتورز

بخصوص الخصم
عاوز اوضح حاجه للاعضاء
تم زياده الاسعار 10 % عن الاسعار السابقه
وده مش علينا احنا بس
علي كل حاجه في السوق
يعني اللي عاوز يشتري اجهزه كهربائيه كمبيوتر لاب توب اي حاجه
حيلاقيها زادت

حتي المشايات الصيني الرديئه اللي في السوق زادت
الزياده من الصين وتيوان مش مننا خالص
وجتلنا زياده 15% علي اسعار قطع غيار الدراجات الهوائيه وسعر الدراجات نفسه

بصراحه السوق لا يبشر بالخير تماما وربنا يستر
وارجو من الاعضاء تقبل العذر
والحذر كل الحذر في الفتره القادمه من البضائع الرديئه التي سيتم طرحها بالاسواق الفتره المقبله
نظرا لارتفاع الاسعار في شرق اسيا
مما سيؤدي بالمستورد الي اتجاهين لا ثالث لهم

1- تزيد الاسعار في نفس المنتج
2- تغيير المنتج باخر اقل جوده للبيع بنفس السعر

مما سيؤدي لانتشار سلع رديئه المستوي
وربنا يعدي الايام دي علي خير
:( :( :(

**Osama_I** · 05-04-2011 03:29 PM

السلام عليكم و رحمة الله و بركاته
استاذ صبحى انا عايز اشكرك على المشاية فعلاً ليها مميزات كتير بالإضافة الى :
1- بنتي حبيبة 6 سنين مبتذاكرش غير عليها.
2- بنتى التانيه حنين 3 سنين مبتامش غير عليها.
3- ابنى عمر 8 شهور لسه مش قادر يمشى علشان اعرف حيعمل فيها ايه.