استفسار بخصوص المشايات الكهربائية

**FunnyMickey** · 16-05-2012 03:42 PM

المشاركة الأصلية كتبت بواسطة lakers809

طيب هو الموديل الى موجود عند حضرتك ده ايه نظامه صينى والا تيوانى ووممكن اذا امكن معلومات عنه وصور ليه وضمانه اد ايه وكمان سعره.......:):)
معلش حتعبك معايا

اخر سؤال هى ماركة بروفيت دى صينى والا تيوانى .......

]

مواصفاته
Model: American motion fitness 8608
Power HP : 1.85 DC
Speed range : 0-12 K.M/H
Encline: Manual
Safety key : Yes
... Foldable : Yes
Width : 40 CM
Programs : 6 programs
Max loading weight : 100 kg
Max loading time : 1 hour
Made in : Taiwan

السعر حبعتهولك عالخاص

الضمان سنه ضد عيوب الصناعه

المشاركة الأصلية كتبت بواسطة lakers809

ياريت حد ينصحنى يا جماعة
انا اشتريت عجلة رياضية بس المشكلة انها تقيلة جدا على رجلى مش بقدر العب عليها كتير... ببتعب ركبتى جامد مع انى بلعبها على 1وهى فيها تقل لغاية 8
هى كدة بايظة والا انا مركبها غلط
ياريت حد يفيدنى ضرورى ......

هوا من الواضح ان العجله دي مجناتيك والمجناتيك اصلا خفيف
فلو هوا تقيل يبقي كده فيه اكيد مشكله في التركيب

**FunnyMickey** · 16-05-2012 06:57 PM

المشاركة الأصلية كتبت بواسطة فاطمة الزهراء

موضوع راااااااائع جدا جزاكم الله كل خير
وكان ليا ليا سؤال يا استاذ صبحى ارجو الرد عليه ضروووووورى ربنا يكرمك
عاوزة اعرف ماشية ماركة ka03 هى حلوة ولا لا؟......هى الكرتونة من برة مكتوب صينى والاستيكر كمان صينى لكن الراجل بيقولى هى موتور كورى وتشيل لحد 120 وسعرها 3250
هل الماركة دى كويسة و لا لا؟ وماركة ka group عامة حلوة ولا وحشة؟
تانى سؤال معلش هتقل ع حضرتك: ترحيل السير فى المشاية بيكون سببو ايه؟.......وبردة لو السير بيقطع فى المشى ويحك اثناء المشى ويطلع صوت تزييق كدا دا بردو من ايه مع العلم بتبتقى متزيتة كويس........هل دا عيب موتور ضعيف مثلا ؟
وشكرا جزيىلا ع الموضوع الرائع

اولا ياجماعه الكتابه باللون الاحمر ممنوع

ثانيا اهلا بيكي وجزانا واياكم

ثالثا انا مسمعتش عن النوع ده قبل كده
بس طالما الراجل قالك انها صيني يبقي صيني مفيش حاجه اسمها الموتور كوري

ترحيل السير بييجي يااما الدرفيل الحديد اللي بيلف عليه السير معووج سنه يخلي السير يرحل
يااما طريقه المشي عالمشايه نفسها غلط
طب تعرفي منين

لو المشايه شغاله لوحدها ولسه بردو بترحل يبقي عيب مشايه
لو مبترحلش والسير بيتعدل لوحده من غير ما تطلعي عالمشايه يبقي العيب في المشي

بخصوص التنتيش ليه كذا حاجه

اما الخشبه تحت السير متأكله وبتاكل فيه

اما السير مرخي
اما سير الموتور مرخي
او فيه مشكله في الموتور يخلي السيريقطع بس ده بردو مستبعد شويه لان الموتور لو فيه مشكله حيتحرق مش حينتش

**FunnyMickey** · 17-05-2012 01:25 AM

المشاركة الأصلية كتبت بواسطة فاطمة الزهراء

ربنا يكرمك يا استاذ صبحى اشكرك جدا ع الرد واسفة ع اللون الاحمر مش عارفة انو ممنوع جزاك الله كل خير
لو مبترحلش والسير بيتعدل لوحده من غير ما تطلعي عالمشايه يبقي العيب في المشي
دا فعلا اللى بيحصل بترحل ويرجع يتعدل لوحدو....طب ايه الطريقة الصحيحة للمشى؟
ولو السير مرخى او سير الموتور مرخى دا له حل
وفى حاجة بتحصل بردو غريبة...... بقيت لما اقف ع السير وبعدين اتك ع start الاقى الموتور اشتغل والسير مش عاوز يمشى فبروح طفياه وبعدين احط رجلى ع البلاستكة اللى فى الجنب واعمل استرت تانى السير يتحرك وبعدها احط رجلى ودا طبعا مع استمرار وجود مشكلة التقطيع

وهل يا استاذ صبحى كل المشاكل دى تدل ع ان الموتور تعبان والمشاية اى كلام؟وع فكرة دى بقالها عندى بقالها شهر فقط والمشاكل ابتدت من اسبوعين وبفكر جديا ارجعها لانها مش رخصية ب 3250 وفيها مشاكل

طيب حنجرب نعمل حاجه
خللي زوج حضرتك او والدك اي حد مثلا غيرك يجرب
ونشوف
لو رحل بردو يبقي كده فيه حاجه في المشايه وغالبا ممكن تكون محطوطه علي ارض مش مستويه عشان كده بتعمل كده

بالنسبه للموضوع التاني بتاع الموتور
خدي بالك انك بتعملي كده اكبر غلط
انك تطلعي عالسير الاول وبعدين تشغليه
المفروض العكس
واللي بتعمليه ده لو استمر الموتور حيتحرق

بس المشكله بقي التانيه ان السير بيقف
ممكن كده الموتور ضعيف
هوا المفروض انه كام حصان وانتو اقصي وزن كام
وياريت بردو تكلمي الشركه اللي جبتيها منها وتقولي عالمشاكل دي
وان شاء الله خير