الموضوع: استفسار بخصوص المشايات الكهربائية

عندى استفسار لو سمحت كنت اشتريت من 3 سنين مشايه كهربائيه ماركة نوردك تراك امريكى 3300 تقريبا 2.5 حصان ب 2 موتور وكانت شغاله كويس لغاية من شهر تقريبا لاحظت تغيير فى قوة الموتور وبعض المشاكل فى سجادة السير المهم جه الفنى من شركة ويدر وقال ان الموتور اصبح ضعيف ومحتاج تغيير وده بسبب انى لم اكن استعمل السليكون سبراى على المشايه والمفروض انه يترش كل 6 شهور مع ان الكتالوج مكتوب فيه ممنوع استخدام اى زيوت
دلوقتى هو ان شاء الله حيجيب موتور جديد وبيوصى بوضع السليكون على المشايه فهل ده صح ولا ايه وبيقول لازم استعملها فى الاول مش اكتر من نص ساعه فهل ده علشان الموتور حيكون لسا جديد وازاى أقدر أحافظ على الموتور حتى لا يكون حمل زايد عليه
وشكرا

المشاركة الأصلية كتبت بواسطة funnymickey

ربنا يبارك لك في المشايه وان شاء الله تعيش وميحلهاش حاجه تاني

1- طبعا غلط مترشيش سبراي علي السير طول المده دي لانه جلد ومحتاج حاجه تعمله تليين لانه بيسخن
وبالتالي لازم ترشي سبراي
بس اللي نا مستغربله حاجتين

اولا : ان المشايه مكتوب ممنوع استخدام اي زيت وكده يبقي هوا يقصد انه منستخدمش اي زيوت ونستخدم سيليكون
او ان المشايه بتزيت نفسها بنفسها وده موجود في الانواع الامريكي وبتكون غاليه اوي والمفروض ان مشايتك منهم

وبالتالي انا محتاج اعرف نص الكتالوج ايه في الموضوع ده وبعدين نتكلم

ثانيا : موضوع ان الاسبراي يترش كل 6 شهور وده كلام الفني وده غريب بالنسبه لي لاننا بنستخد الاسبراي كل اسبوعين فمش فاهم ايه المقصود من الكلام ده

مستني اعرف بس التركيب بتاع الموتور حيوصل لايه
وطبعا اسمعي كلامه في ان المشايه في الاول نص ساعه عشان الموتور جديد
مع انك اكيد اما جبتي المشايه ملينتهاش يعني
ده مش موتور عربيه :)

بس احتياطي طبعا نسمع كلام التوكيل والفني اللي اكيد فاهم اكتر مننا

النصيحه الاخيره اللي حقولهالك بخصوص السير بجابن المواظبه علي رش الاسبراي

لازم قبل ما نشغل المشايه نكون خارج التراك بتاع السير بمعني اخر لازم نقف علي جمب المشايه ونسيب السير يمشي شويه بسرعه 3 او 4
وبعدين ننزل عليه وهوا ماشي
والحركه دي بتحافظ عالموتور لعمر طويل وبتخليه مرتاح اثناء السير

بعكس ان الموتور يزق الشخص اللي واقف عليه بوزنه ايا كان فهوا حمل عالموتور وبيؤدي في النهايه لحرق الموتور

بانتظار تقرير بعد تركيب الموتور ان شاء الله

شكرا على الرد السريع والحقيقه هى المشايه فعلا من النوع اللى بنزييت نفسها بس يظهر فترة 3 سنين من غير اى سليكون كتير عليها وانا دخلت على الويب سايد بتاعهم فى امريكا وشوفت ان المفروض يتحط سبراى علشان اتأكد من كلام الفنى وهما اللى كاتبين انه كل 6 شهور لكن الفنى لسا ما قالش نحطه كل أد ايه مستنيين لما نركب الموتور الجديد ان شاء الله وبالنسبه لطريقة الاستعمال انا بأحافظ عليها لأقصى درجه وبأتبع التعليمات زى ما حضرتك قلت بالضبط بس هو انا بأمشى عليها ساعه الا ربع يوميا بسرعة 6 تقريبا حوالى 5 كيلو وبعدها بساعتين تقريبا بيمشى زوجى عليها نصف ساعه على سرعة 4 فهل ده تحميل كتير عليها ولا كده عادى ومعلهش انا تعبتت حضرتك معايا ربنا يجازيك كل خير

معلهش يا استاذ ميكى أنا لقيت الكتالوج مكتوب فيه الأتى وانا كده محتاره أحط الاسبراى على المشايه ولا لأ
your treadmail features a walking belt coated with performant lube , ahigh performance lubricant ,important never apply silicone spray or other substances to the walking platform .such substances will deteriorate the walking belt and cause excessive wear.