الموضوع: عايز اخد راي الاعضاء في فتح مشروع

السلام عليكم
انا عندي محل في شارع المريوطية في الهرم والمحل مقفول وعايز افتحه اي حاجة تخص العربيات او مطعم بس المشكلة ان انا ماليش في المطاعم ولا العربيات وميزة المحل انه قدامه مساحة ممكن يركن فيها كذا عربية وهو علي المريوطية الرئيسي والمحل كان مفتوح مطعم ومقفول دلوقتي فا لو في حد عنده فكرة ممكن ننفذها او حاجة زي كده ممكن نتنتقش وان شاء الله تكون فاتحة خير

المشاركة الأصلية كتبت بواسطة أحمد كمال

ايه رايك في كار كير؟

هو ممكن بس متهيالي المطعم هيكون احسن عشان طبيعة المنطقة

المشاركة الأصلية كتبت بواسطة م/مصطفى محمود

طب ياريت المساحة كام ، هل فى مطاعم جمبك ، المنطقة عاملة أية (القدرة الشرائية ، عالية ، متوسطة ، ضعيفة) يعنى هتفتح مطعم فول وطعمية ولا مطعم زى مؤمن وهارديز

هل المنطقة عندك فيها محلات عربيات كتيير (ميكانيكية ، سمكرية وكده)

يعنى خلينا فى الصورة معاك

المساحة مش فاكر بس تقريبا 30 متر والقدرة الشرائية متوسطة هي منطقة سكنية وصعب يفتح فيها حاجة زي مؤمن هي محتاجة حاجة زي الشبراوي

المشاركة الأصلية كتبت بواسطة mrsailor

ممكن تشوف اى شركة معروفة زى كوستا او روسترى و تعرض عليهم انهم يجهزوه لك .. و ممكن كنتاكى او ماكدونالدز

المكان مش مناسب ليهم

المشاركة الأصلية كتبت بواسطة mrwho1982

دوس وانا معاك

انا دوست :)

المشاركة الأصلية كتبت بواسطة A.Saad

شوف الاول المطعم قفل ليه
مكنش فيه رجل
خدمة سيئة
علشان

قفل بسبب الخدمة السيئة وسوء الادارة لان كان فيه 3 شركاء

المشاركة الأصلية كتبت بواسطة Karim_Mohy

ممكن كافيه......كاركير.......كماليات سيارات......الخ .........بس انت ميال لايه اكتر ؟

انا عن نفسي طبيعة شغلي في الكمبيوتر والسوفت وير وغالبا مش هكون في المحل

المشاركة الأصلية كتبت بواسطة the-hero

كماليات سيارات.مشروع كويس ومربح جدا بس الادارة بقي والتخطيط لازم بدقة

فعلا


وشكرا علي ردودكم وتفعالكم معايا في الموضوع

عندى فكرة ممتازة اية رايك فى محل عصير ؟؟؟؟ استنى مقصودش عصير قصب وكدة لااااا انا بقصد جميع انواع العصائر الفرش واهم حاجة شكل المحل يكون روش وكمان اسم المحل زى "salsa" مثلا او "f , b,i" وكمان اسماء العصائر تبقى روشة زى رضعة القرد و رضعة البرد ورضعة الاسد كل دى اسماء لكوكتيلات عصائر والله دة مشروع مربح جدا ومش مكلف بس اهتم اوى بالاسم والشكل العام بتاع المحل وكمان الينيفورم بتاع العمال وانشاء الله ربنا هيوفقك المشروع دة كان عاجبنى اوى بس للاسف معنديش المكان المناسب ..

المشاركة الأصلية كتبت بواسطة khaledmaher

عندى فكرة ممتازة اية رايك فى محل عصير ؟؟؟؟ استنى مقصودش عصير قصب وكدة لااااا انا بقصد جميع انواع العصائر الفرش واهم حاجة شكل المحل يكون روش وكمان اسم المحل زى "salsa" مثلا او "f , b,i" وكمان اسماء العصائر تبقى روشة زى رضعة القرد و رضعة البرد ورضعة الاسد كل دى اسماء لكوكتيلات عصائر والله دة مشروع مربح جدا ومش مكلف بس اهتم اوى بالاسم والشكل العام بتاع المحل وكمان الينيفورم بتاع العمال وانشاء الله ربنا هيوفقك المشروع دة كان عاجبنى اوى بس للاسف معنديش المكان المناسب ..

فعلا انا فكرة في الموضوع ده وهو عاجبني جدا حاجة كده زي فرغلي وهحاول افكر فيها تاني

المشاركة الأصلية كتبت بواسطة tifa2010

1- انا شايفة ان مشاريع الاكل وخصوصا الفول والطعمية ..الكشرى الحاجات الشعبية دى اكثر حاجة ممكن تكسب فى التجارة
2- ولو عايز مشروع اريح وانظف ممكن تجارة المنظفات والورقيات والبلاستكات
3- وممكن تعمله نت كافية بما انك اخصائى كمبيوتر و تقدم جنب النت بسكوتات و تحط ثلاجة حاجة ساقعة و عصائر بوفية صغير للنسكافية والشاى و كمان مكنة تصوير مستندات عشان اللى بشتغل على النت ممكن يحتاج الحاجات دى و هى سبوبة حلوة وسهلة
4- وممكن تأجرة وتريح دماغك طالما انك مسافر لان التجارة لازم تتبعها والا ممكن تخسر أو تتسرق لو اللى بشتغل عندك مش امين
مع تمنياتى بالتوفيق.... وربنا يباركلك

موضوع التاجير بصراحة مابحبوش لاني كده بربط المحل واقل عقد بيكون سنتين او 3 واديني ليسا بفكر اهو افتحه ايه

1- انا شايفة ان مشاريع الاكل وخصوصا الفول والطعمية ..الكشرى الحاجات الشعبية دى اكثر حاجة ممكن تكسب فى التجارة
2- ولو عايز مشروع اريح وانظف ممكن تجارة المنظفات والورقيات والبلاستكات
3- وممكن تعمله نت كافية بما انك اخصائى كمبيوتر و تقدم جنب النت بسكوتات و تحط ثلاجة حاجة ساقعة و عصائر بوفية صغير للنسكافية والشاى و كمان مكنة تصوير مستندات عشان اللى بشتغل على النت ممكن يحتاج الحاجات دى و هى سبوبة حلوة وسهلة
4- وممكن تأجرة وتريح دماغك طالما انك مسافر لان التجارة لازم تتبعها والا ممكن تخسر أو تتسرق لو اللى بشتغل عندك مش امين
مع تمنياتى بالتوفيق.... وربنا يباركلك

المشاركة الأصلية كتبت بواسطة brown-eyes

السلام عليكم
انا عندي محل في شارع المريوطية في الهرم والمحل مقفول وعايز افتحه اي حاجة تخص العربيات او مطعم بس المشكلة ان انا ماليش في المطاعم ولا العربيات وميزة المحل انه قدامه مساحة ممكن يركن فيها كذا عربية وهو علي المريوطية الرئيسي والمحل كان مفتوح مطعم ومقفول دلوقتي فا لو في حد عنده فكرة ممكن ننفذها او حاجة زي كده ممكن نتنتقش وان شاء الله تكون فاتحة خير

ممكن تشوف اى شركة معروفة زى كوستا او روسترى و تعرض عليهم انهم يجهزوه لك .. و ممكن كنتاكى او ماكدونالدز