ربنا يديك خيرها ويكفيك شرها
عرض للطباعة
ربنا يديك خيرها ويكفيك شرها
الف مبرووك وربنا يباركلك فيها ويكفيك شرها
ابقى افتكرنى علشان انت بعد 5000 كيلو حتقول شعر فى اللوجان عارف ليه
علشان كل اللى بتشتكى منه حيتظبط معاك فى خلال الفترة دى وبعد صيانة ال 5000 العربية حتفوق معاك جدا
سواء فى الاهتزازات اللى فى الفتيس او الدواسات او سواء فى صوت الماتور او سواء فى تقل الفتيس
كل دة حينعم معاك اكتر واكتر وانت حتلاحظ بنفسك تحسن اداء السيارة مع مرور الوقت
.....................
حاجة بس عايز اعلق عليها وهى التكييف بعد ما تعدى 2000 كيلو ابقى جرب التكييف تانى
وحاول تتبع تعليمات تشغيل التكييف زى ان انت تخرج الهواء السخن الاول من العربية يعنى تفتح النوافذ لمدة 5 دقائق
وبعد كدة تشغل التكييف دقيقتين والنوافذ مفتوحة وتبدأ تقفل النوافذ واحد واحد
عموما لو التكييف اداءه غير مرضى بعد فترة من عمل كيلوات قولهم عليه فى الصيانة وغالبا بتكون حاجات بسيطة جدا
تقبل مرورى والف مبروك
التكييف فعلا ماتحكمش عليه من دلوقتي واستني حتي لما تقفل الـ1000 كيلو الاولي... انا كان عندي مش متظبط في الاول برده لما كنت اقل من 1000كم لكن بعد كده بقي 10 علي 10 الحمد لله
البيكانتو عربية ممتازة و أنا شايف أنها احسن عربية فى الفئة بتاعتها و احسن من عربيات كتير فى الفئة الأعلى كمان
عيبها الوحيد ان الشنطه صغيرة جداً لكن هى عربية 1100 سى سى ذات استهلاك بنزين موفر و التكييف بتاعها ثلاجة و تأثيره على السحب مش جامد
ناعمة جدا فى كا حاجة حتى فى سحبها و الدركسيون و الفتيس مريحين جداً
التابلوه مصمم بحرفية و مريح جداً للعين و الوصول لكل حاجة سهل و فيه أماكن كتير
العفشة حلوة جداً على أد حجمها و العربية عالية على الارض و ده مس عادى فى الفئة بتاعتها
واسعة من جوة (اوسع من الفيرنا)
التوكيل محترم (أنا غيرت عمود الكامة لها فى الضمان بعد 12000 و كنت باسيب العربية لهم فى فرع روكسى و هما ينقلوا العربية لأبو رواش على حسابهم و بمعرفتهم)
سعر قطع الغيار غالية عن اللوجان
باحس على الدائرى ان شوية هوا ممكن يطيروها لكن ده فوق 120كم/س
في المجمل الإحساس ببرودة التكييف في عربيات شرق آسيا أكتر من عربيات أوروبا (عند نفس درجة الحرارة و نفس درجة تشغيل المروحة) .
أليس من الطبيعى فى أى تكييف سيارة أن تكون كفاءته منخفضة فى الاختناقات المرورية عنها فى الطرق السريعة؟
معظم الحاجات الى فلتها يا اما هتختفى بعد التلين وفيه بعض حاجات هتقل جدا زى صوت الموتور هيوطى شويه بس هيفضل اعلى الفيرنا واللانوس
هزه الفتيس هتقل برضه - ده على حسب كلام بعض الناس هنا لأنى اساسا معنديش واو يمكن بمحسش بيها
التكيف امبارح وكان الحر موت كنت مشغله على 3 شويه وبعدين رحت مخليه 2 والعربيه كانت ساقعه جدا