طب يا جماعة انا عامل 300 كم فقط .. ومحتاج جداً اشغل التكييف خصوصاً فى موجة الحر دية .. هل اشغله واللا استنى لما اكمل الألف كيلو :rfds:
عرض للطباعة
طب يا جماعة انا عامل 300 كم فقط .. ومحتاج جداً اشغل التكييف خصوصاً فى موجة الحر دية .. هل اشغله واللا استنى لما اكمل الألف كيلو :rfds:
هوه أنا عملته عند والد واحد صاحبي...الراجل اللي هناك قاللي انه تمنه بره 140 جنيه...عشان يقوللي انه خدمني يعني:original:.هوه قاللي انه كان عمال يكبس هوا...يصراحة أنا أول مرة يعني أشحن فريون
مادام التوكيل بيعملع ببلاش ندفع بره ليه
انا عندى ملاحظة جديدة:
العربية بتنتش على السرعات تحت 70 كم/س لكن بالنهار فقط و بالليل العربية بتكون جميلة. يا ترى ايه السبب هل ممكن يكون الحل فى الموضوع ده
http://www.nilemotors.net/Nile/148103-a.html
يا ريت اللى يعرف حاجة عن موضوع النتش أو التكة يرد عليا
تمام..ان شاء الله حل النتشة دي هيه انك تزبط الفريون..لأن كده مش كويس على الكمبرسور انه عمال يشتغل و يفصل كل شوية..أنا الحمد لله اتزبطت معايا..بس والله زي مالناس قالت حسيت ان التبريد قل سنة بعد ما زبطه..و ان كان بالنسبالي كافي
قبل كده كان بيشتغل وبعدين يفصل ويشتغل مروحة بس :majd(4):(و بالتالي تلاقيها نتشت منك) و زي ما حضرتك قلت كان بيحصل كده في النهار..أو بمعنى أصح لمل الحرارة تكون عالية
انا حجزت عند التوكيل الاسبوع الجاى علشلن موضوع التكة اللى من تحت و علشان التكييف و هبلغكم ان شاء الله باللى هيحصل
انا لسه ما رحتش التوكيل ، لكن فى الايام الحر اللى فاتت تبين لى الآتى:
التكييف سيء و السبب أنه بيفصل على كتير بمعدل يشتغل 3 ثوانى ثم يفصل حوالى 10-15 و ده ظهر فى ال آر بى إم و انا واقف (يعلى و ينزل لوحده على طول).
أما صوت التكة اللى باسمعه فده صوت بدء عمل التكييف لما بيكون فاصل و علشان كده باسمعه دايماً على الأول و الثانى لأن صوت الموتور بيكون واطى و بأكون فاتح الزجاج علشان أخرج الهوا السخن
و جربت أن أكون واقف و فاتح الشباك و طافى التكييف و أول ما أشغله باسمع صوت التكة.
على فكؤة انا عامل باللوجان 1250 كم دلوقتى و السحب و نعومة الفتيس احسن بكتير من الأول و ما حصلش معايا عضة المارشدير الا مرة واحدة
استهلاك البنزين معايا من 8 الى 9 لتر لكل 100 كم حسب كمبيوتر الرحلات
و ده جوه البلد و الدائرى مع بعض