الموضوع: تيل فرامل عموله لجميع سيارات بروتون ( تكلفته قليله جدا)

ان شاء الله غدا التفاصيل الكامله
تم عمل التيل لسيارتى النيسان صنى ويعمل بكفاءه عاليه لمدة يومين حتى الان ولا ريحة شياط ولا صفاره
ويمكن عمله لجميع موديلات بروتون ايضا والخامه طريه( تحافظ على الطنابير الضعيفه)

مستنى اراءكو فى الفكره

المشاركة الأصلية كتبت بواسطة abdelrahman82

ايه ده معقول
طب والله كويس ان تيل الصني ركب في الجين "صني موديل كام؟"
ربنا يوفقك

الرد اهو

المشاركة الأصلية كتبت بواسطة mido_soliman

تيل صنى اية اللى ركب فى الجين الراجل بيقول تيل عمولة يعنى مصبوب لموديل الصنى وينفع لكل البروتون تحياتى

بالظبط كده

المشاركة الأصلية كتبت بواسطة afr80

السلام عليكم ورحمة الله وبركاته، بس هل هو آمن، انت عارف طبعا ان الفرامل مافيهاش هذار، و فى انتظار التفاصيل، و بالتوفيق

سؤال مهم فعلا
بوص يا باشا خطورة التيل انه يكون مايستحملش درجة الحراره ويتحرق ويطلع رائحة شياط
وبردو فى تلك الظروف الفرامل بتمسك لكن بكفاءه اقل
الموضوع تحت التجربه ونجح بالفعل فى الصنى ولكن كل سياره غير التانيه طبعا
الراجل صاحب المحل بيأكد انه 10/10

المشاركة الأصلية كتبت بواسطة felix

1000 شكر ياباشا ومستنيين تفاصيل اكتر

شكرا

المشاركة الأصلية كتبت بواسطة m.3abdel3al

انا كنت فكرت في صب التيل لانه رخيص جدا بس بياسر على الطنابير جدا الصب ب 10 جنيه للفردتين بس بياسر على الطنابير

فعلا فى انواع خامات رخيصه جدا ومؤذيه جدا
لكن ايضا فى خامات محترمه واغلى
ابو 10 جنيه ده موجود فعلا عند الراجل وبيركب على الميكروباصات التويوتا القديمه وشغال تمام معاها عشان طنابيرهم قويه
لكن طبعا الامر معانا مختلف خالص



التفاصيل اهى يا جماعه ارجو الرد هناك مش هنا من الان وشكرا
http://www.nilemotors.net/Nile/14777...post3872633427