الموضوع: هل أنت صاحب مبدأ

فى مثل مش فاكر جنسيته بيقول " الانسان صاحب المبدأ اتخذ بالفعل 90% من قراراته المستقبلية"

فى 4 مبادىء لا اقبل فيهم اى مساومة:

1 - بيتى و اولادى اهم من اى شىء فى الدنيا
2 - الا لتزام فى المواعيد (ناس كتير شايفين انى مزوودها بس مش قادرين يفهموا ان ده سر اى نجاح فى الدنيا)
3 - احترم الناس كى تكون جدير باحترامهم
4 - لا تجعل اى عادة مضرة تتحكم فى حياتك

المشاركة الأصلية كتبت بواسطة muslima

إشكالية العصر الحديث

والله يا دكتورة دى مش اشكالية العصر الحديث بس
دى اشكالية كل العصور منذ النشاءة الاولى الى ان يرث الله الارض ومن عليها
يعنى انا مش مع الرأى اللى بيقول ان العصور كلما تقدمت يضعف الايمان و يقل الصالحون و هكذا ........
لان هذاالكلام يولد احباط ولا مبالاه عند المؤمنين
و لان اول جريمة قتل فى الدنيا لما قابيل قتل اخوه هابيل
يااااااااااااااه اول اخين فى البشرية و ثالثهم الشيطان
و ربنا سبحانه و تعالى بيقول بسم الله الرحمن الرحيم
" و قلنا اهبطوا بعضكم لبعض عدو و لكم فى الارض مستقر و متاع الى حين"
انا بقى مع حديث الرسول (ص) "الخير فى وفى امتى الى يوم الدين"
كان الرسول الكريم عندما يرجع من غزواته يقول "رجعنا من الجهاد الاصغر الى الجهاد الاكبر "
الجهاد الاكبر هو جهاد النفس الامارة بالسوء اللى هى اعدا اعداء الانسان

للاسف محدش يقدر يحكم على نفسه الا لما يتحط فى اختبار

المشاركة الأصلية كتبت بواسطة shnory

فيه مبادئ انا ماشي بيها في حياتي اهمهم
اني ابعد عد الشر طالما فيه امل لتلافيه
لو فيه بوادر مشكله بحاول امتص الي قدامي لحد الاخر علشان منبقاش احنا الاتنين متنرفزين ومنقدرش نلم الموضوع
فبحاول امتصه حتي يثبت انه ناوي الشر وساعتها بقي بتخلي بيبقي مبدئي البقاء للاقوي
-------------------------------------------------------------
طبعا الحلم سيد الاخلاق و انا احب اتبع هذا الاسلوب .....
لكن موضوع البقاء للاقوى دا بصراحة غالبا ما اقدرش عليه
وعشان كدة احاول أأجل المناقشة او التفكير فى المشكلة الى وقت اخر حتى تهدأ النفوس...
أو اقفل تماما سكة الموضوع سبب الخلاف لو الطرف الاخر ناوى على الشر و مافيش فايدة معاه
-عندي مبدا في شغلي ان القرش الحلال احسن من مليون حرام
قله الضمير في شغلتي تكسبني فلوس كتير اوي بضرب الناس علي قفاهم ومحدش حيحس بحاجه
وممكن امضيه علي وصل كمان
مثلا لو حد جايبلي موبايل غالي اوي فاصل خالص
ممكن يكون فاصل شحن
ابسط حاجه اني اخد منه البورده والشاشه واجيبلهم شاسيه واقفلهم تليفون جديد ويتباع بمبلغ محترم
واحطله حاجات بايظه
واستلم منه التليفون بوصل مكتوب فيه في خانه العيب (فاصل باور)
ولو راح لوزير العدل حتي ولا يقدر يعمل معايا حاجه لانه ماضي علي وصل الاستلام
لو مشيت بالطريقه دي ممكن اعمل ثروه كويسه في مده قليله
وممكن نفس الطريقه في مبالغ اصغر بدون تبديل حاجه بس بتهويل العيب للزبون واخد منه فلوس هي مش من حقي
بس الحرام مينفعش مع اني الطريقه دي ناس كتير شغالين بيها
--------------------------------------------------------------
ربنا يكرمك وكلامك فكرنى بمقولة سيدنا على رضى الله عنه
"تركنا تسعة اعشار الرزق مخافة الحرام"
و طبعا ايات واحاديث كثيرة تحذرنا من الغش والسرقة واكل اموال الناس بالباطل
عندي مبدا اني اقول الحمد لله مهما حصل
لو كسبت قليل فغيري مبيكسبش
لو معنديش شغل لفتره
فغيري مش لاقي شغل
لو عربيتي قديمه
فغيري مش لاقي جزمه يلبسها
وبقيس كل حاجه في حياتي علي كده
بجانب اني لو مش لاقي عروسه فكفايه ابص علي حال المتجوزين وابوس ايدي وش وضهر علي النعمه اللي انا فيها
ربنا يخليلنا العزوبيه ويبعدنا عن وجع الدماغ
ههههههههههههههههههههههههه هههههههههههههههههههه
--------------------
الرضا و القناعة مطلوبين
لكن الطموح والسعى الحلال احلى
وربنا يجعلنا دائما مناصحاب اليد العليا و لا يجعلنا من اصحاب اليد السفلى و نساعد الاقل منا
وفيه حاجات تانيه كتير الواحد ماشي بيها في حياته
بس دول عينه منهم