ناوى اشترى نيو اكسنت2010 قريب وكنت محتار بينها وبين الجيتز بس قالولى اتكل على الله واجيب اكسنت هل الفتره القادمه هيبقى فى عروض خاصه انتظرها ولا مش منتظر اى عروض الفترة القادمه
ناوى اشترى نيو اكسنت2010 قريب وكنت محتار بينها وبين الجيتز بس قالولى اتكل على الله واجيب اكسنت هل الفتره القادمه هيبقى فى عروض خاصه انتظرها ولا مش منتظر اى عروض الفترة القادمه
الى المهندس عاطف/
خاص و عاجل /
...................بما اننا كلنا فعلا اخوات هنا فى المنتدى الجميل دة
وبما ان حضرتك تاعب نفسك جدا معانا
فأنا من وحى تجربتى النهاردة كان لازم اقولك على اللى حصل و اللى انا و المهندس احمد انور اندهشنا فعلا منة
كنت حكيت لحضرتك ع مشكلة الرعشة مع الفرامل و كنت قولتيلى لازم نغير الطنابير
وبما انى من الاسكندرية
فأتجهت انهاردة لفرع غبور السلطان حسين وكلى قلق للخناقة المتوقعة لما اقولهم عايز اغير الطنابير و بحضر الاجابات على اسئلة من نوع
سوء استخدام غيرت تيل برة مركب جنوط وهكذا كأنى داخل تحقيق نيابة !!!!
اللى فوجئت بية كالاتى
انا- السلام عليكم
مهندس الاستقبال-عليكم السلام
انا- حضرتك و انا راجع من السفر اول امبارح و ماشى تقريبا من 120 ل 160 كنت كل ما ادوس فرامل احس برعشة فى الدركسيون
هو-حضرتك يا فندم غيرت تيل برة
انا-لا
هو- يبقى فى مشكلة فى الطنابير
انا-طب انا عايز اغيرها
هو- مفيش اى مشكلة خالص حضرتك متابع بصفة دورية ع الصيانة
انا-طبعا و كتيب الضمان معايا
هو-خلاص حضرتك مفيش مشكلة هاتهالنا غدا 8 الصبح عشان تلحق تستلمها فى نفس اليوم
انا- بصراحة اتثبت !!!!!!
هو- فى اى مشكلة ؟
انا- طب و التيل
هو- 185 من غير مصنعية
انا- انا عايز التيل النضيف بتاع الاوتوماتيك
هو- بيضحك ... حضرتك تيل الفيرنا هو هو الاكسنت1500 و الفرق الاستيكر اللى على العلبة و مفيش اى فرق
انا- ايتديت ادور ع تلكيكة مش مصدق!! طب لو حتركبلى الطنابير المصرى انا مستعد ادفع فرق الكورى و ركبههولى
هو- يا فندم الكنابير اللى عندنا كورى متقلقش هاتها و حنعمل اللازم و حتدفع تمن التيل بس !!
انا- طب احجز ؟!!
هو- لا هاتها 8 الصبح من غير حجز
انا-طب الجنوط فى مشكلة
هو-لأ دى15 صح لا مفيش مشكلة دى حتة تثبت العربية!!!!!!!!!!!!
انا- خلاص يابشمهندس ميعادنا بكرة الساعة 8 و مردتش اقولة خصم النايل موتورز قلت خلية فى الاخر
هو- مع السلامة
لحد دلوقتى و انا مستغرب من المعاملة الجميلة دى
بصراحة يستحقوا كل التحية كلهم و يارب يفضلوا عند حسن الظن
و الشكر واجب صراحة
والف شكر يابشمهندس عاطف ع المجهودات الجبارة
انا كنت قررت اشترى ماتريكس 2010 بس واحد صاحبى بيحاول يقنعنى بالنيو اكسنت على اساس ان موتورها احسن و تكنولوجيا متقدمة عن الماتريكس
ارجو المساعد منكم
و الف تحية للمهندس عاطف
اعزائى الفيرناوية :جه ميعاد صيانة ال10 الاف قلت اروح لقليوب زى كل مرة ، رحت يوم جمعة علبال ما وصلت كانت 11:30 كنت حاجز لقيت حاجة غريبة الاستقبال طالع للاول الشارع وبيلزق نمرة لكل عربية فور وصولها لان فيه زحمة ، العربيات بتدخل الصيانة صفين ، ممكن حد يزوغ ويعمل فهلوى وييجى قدامك ، عند استلام العربيات تدخل برقم الوصول ، ولقيت اصرار من مهندس الاستقبال على مراعاة الترتيب حفاظا على وقت العملاء ومنعا للفهلوة ، على ما اذكر اسمه م/ ايمن ، انا لاصق استيكر نايل موتورز قلت له اننى من طرف الباشمهندس / عاطف عبد السميع ، لم اتوقع ما حصل ، رحب بى بشدة وكتب اسم المهندس عاطف على ورق الدخول ، لكى يهتم جميع المتابعين ، العربية سلموهالى احسن مما كانت زيرو ، ضبطوا كل حاجة ، سحبة موتور ولاول مرة احس باداء الكورولا فى النقلة الثانية ، لانك لو ضغط بنزين جامد بتعلى التسارع فجأة وكانك على الرابع ، هواء العجل تمام ، العربية اتربطت ومسكت نفسها ، تحس انهم ادولها فيتامين ، اداء رائع وانا راجع على الدائرى ،صوت الموتور هدى ، بقيت خايف احسدها
انا اتعرفت على المهندس عاطف من المنتدى ، والله افادنى كثيرا كثيرا ربنا يجازيه خير ، شكرا لهذا الاهتمام وشكرا لذلك المستوى العالى من الصيانة ، وشكرا للمنتدى اللى عرفنا على مهندس عاطف ، تحياتى للفيرناوية احنا موش معانا عربية ، احنا معانا وحش فى صورة عربية
ازيك يل بشمهندس عاطف
الانذار باظ للماتريكس ٢٠٠٩ هيتصلح ف ي التوكيل ولا اكبر دماغي واركب واحد جديد؟؟؟
سلام الله عليكم جميعاً
هو ضمان الفيرنا قد ايه سنتان ولا ثلاث ...
انا 2007 بس استلمت 10/2006 والعربية عاملة 22 الف كدة فى الضمان ولا خلص
يا شباب مساء الفل
التوبيك دة معمول للشكاوى و الرد بيكون من مركز خدمة عملاء هيونداى
انما الاستفسارات العادية موجودة فى مواضيع مثبتة فى داخل قسم هيونداى
عشان الموضوع بيتاع مركز خدمة العملاء مايتوهش و يبقى ذيىة ذى اى رابطة فيرناوية او ماتريكس او جيتز او او ....