مشكلة فى صيانة الالف وصيانة ال5000 فى الالنترا
الاخوة الاعزاء المتعاملين مع توكيل غبور عناية المهندس عاطف تحية طيبة القصة باختصار
اشتريت النترا 2010 ورحت صيانة الالف فى ابو رواش وطلبت تغيير الزيت بزيت 10000 وكانت الفرامل ضعيفه طلبت اصلاحها المهم قالوا لى مصاريف الصيانة 260 جم قلت ماشى وبعدين عند الاستلام لقيت المطلوب دفعه حوالى 120 قلت ليه الفرق قالوا علشان مالقيناش زيت 10000 وحطينالك زيت 5000 شل قلت مش مشكلة والمفروض ان مع الصيانة فيه ضبط زوايا العربية خرجت تحدف شمال زى ما هيه المهم لقيتهم حطين بقية جركن الزيت فى العربية لونه رمادى ومكتوب عليه شل طبعا قلت انا مش عايزه ورميته واستحملت موضوع الحدفه شمال وقلت فى صيانة ال5000 اعملها ضمن الصيانة بدل ما اروح مرة تانية مخصوص المهم رحت اصيف فى اسكندرية قلت فرصة اعمل الصيانة بتاعة ال5000 فى التوكيل فى محطة الرمل كنت قبل ما اسافر لاحظت ان الزيت لونه بدأ يسود وشكله اتغير كتير المهم قلت اغيره قبل ميعاده وفعلا روحت قبل العربية ماا تكمل ال5000 توكيل محطة الرمل قلوا عايز زيت كام كيلوا قلت 10000 راح الفنى اللى قابلنى كتب زيت رمادى قلت له لحظه هو مش الرمادى ده بتاع الخمس تلاف قالى لأ الازرق هو بتاع الخمس تلاف وقعدت اتناقش معاه فى الموضوع وقالى اكيد حضرتك غلطان مش ممكن يكون زيت رمادى اكيد ازرق قلت مش مشكلة طيب موضوع ضبط الزوايا قالى ده بره الصيانة ودى بخمسين جنيه قلت مش مشكلة مع انه من المفروض تربيط العفشة وضبط الزوايا ضمن الصيانة المهم خدوا منى 470 جنيه وطلعت العربية برضه بتحدف ولقيت جركن الزيت موجود فى العربية لونه رمادى بس مش زى التانى بتاع الخمسه مختلف شويه طيب السؤال الزيت الاولانى كان ايه؟؟؟؟؟؟ اكيد ده بيستحمل الف كيلو بس ورغم كده خلونى امشى عليه 4000 كيلو تانى سؤال ليه ضبط الزوايا مش ضمن الصيانة والا هو استغلال وخلاص برجاء حد يفهمنى لأن ده استغلال يرقى للاضرار المتعمد للسيارة وشكرا
