-
باشمهندس عاطف حبيت امسى على حضرتك عشان حضرتك واحشني من اخر مقابلة
ماهو انت مش بتيجي غير مقابلة هيونداي فقط
هاطلع قرار سنقرى بالغاء مقابلات هيونداي لو ماجتش مقابلة المنتدى عشان حضرتك واحشنا
-
و الله ا اونت أكتر يا أستاذ كريم ... بالعكس و الله أنا يشرفني حضور أي مقابلة ... و مهم جداً كمان اننا نكون أسرة واحدة و لا تقتصر الفاعليات علي هيونداي أو غيرها ... بالعكس المفروض أننا كلنا نايل موتورز ...
و مبروك علي الشكل الجميل الرائع للمنتدي ... و دايما للأمام ... ربنا معاكم و يوفقكم
أخوكم
-
أخي العزيز الخلوق الأستاذ عاطف، السلام عليكم،
عندي مشكلة بسيطة، عربيتي الانترا 2008 فيها الكاسيت الهيونداى اللي جاي مع العربية...الكاسيت ده من ساعة ما اخدته كتير اوي يبدأ لوحده أو أجي اشغله الاقيه يبدأ السي دي من الأول و ده شيء مستفز جدا خاصة لو بتسمع درس ساعة و نص :-)
غيروا لي الكاسيت في فرعي المفضل أبو رواش و فوجئت انه بيعمل نفس الشيء...قلتلهم في الصيانة اللي بعديه و بردو مفيش فايدة...
مش عارف أعمل خلاص...انا مش عايز الكاسيت ده خالص بس للأسف انا شاري العربية أغلى الفين جنيه عشان الكاسيت و الانذار...
افيدني جزاك الله خير...
-
طبعاً ده يغيظ .. كلمني و انا هاراجع معاك نوع الكاسيت و أشوفلك حل ليه بأذن الله
تحياتي
-
تحيه الى م .عاطف ارجو الافاده - قمت بشراع ماتريكس 2007 عامله 53000 كم بقالها معايا اسبوع المالك القديم ورالى ورق صيانة 50000 كم هى بره الضمان عاوز اغير زرار المرايات + الانذار مش شغال + سرفيس كامل(سيور-بوجيهات-زيوت) + تشييك على العريه يا ترى يتكلف كام ولو عاوز اروح الخميس الجاى تنصح بمكان معين انا ساكن فى مصر الجديده مع الشكر و عذرا للاطالة
-
مبروك
و تقدر تزور مركز قليوب علي طريق مصر أسكندرية الزراعي من الدائري ... هو الأقرب ليك علاوة علي الموزعين المعتمدين المنتشرين و أقربهم ليك مودرن سيرفس بعد السندباد أمام المطار.
تقدر تكلمني لو أحتجت أي مساعده
و الماتريكس عربية رائعة جداً ...
تحياتي ...
-
م\عاطف انا سعيد جدا بادائك المتميز فى متابعه الشكاوى و انا اول يوم عضويه فى المنتدى و سعدت بهذا جدا و اتمنال و للمنتدى كلالتقدم .
شوف يا سيدى عندى النترا 2008 عامله 15000 و صراحه كل ما اروح ابو رواش باقعد هناك 7 ساعات مفيش حل اسرع شويه و هل ممكن انتقل من صيانه ال 10000 الى ال20000 الف دون ال15 و خصوصا ان السياره معظم تحركاتى بها سفر و اشكرك جدا مقدما
-
سبع ساعات كتير قوي ... علي كل حال ياريت تقولي علي اليوم اللي عملت فيه الصيانة و خدت الوقت ده كله ... و ممكن قوي تعدي الـ 15000 كلم أذا كان زيت المحرك زيت الـ 10000 كلم ... بس يفضل عملها و خصوصاً أنك بتسافر بالعربية كتير ... الصيانة مش بس زيت و فلتر ... التشييك علي العفشة و تربيطها مهم جداً للي بيسافروا كتير و كمان الأطارات ... ربنا معاك
تحياتي
-
تحية وشكر خاص للأستاذ عاطف وعلى فكرة أنا لسه أول مرة أدخل على الموضوع ده ومكنتش متخيل إن فيه حد على هذا القدر من الاستعداد لمساعدة الناس.
كنت عاوز أسألك يا أستاذ عاطف على جهاز الانذار بتاع النيو أكسنت أصل أنا مش شايف إن حساسيته تعتبر ضعيفة جدا فيا ريت تقولي ازاي اختبره قبل ماروح الصيانة
-
يا سيدي كتر خيرك ... و ربنا يكرمك
موضوع حساسية الأنذار تقدر تتحكم فيه عن طريق زرار صغير موجود في الأنذار بالمفك أو ضافرك تقدر تعلي و تخفض حساسيته ... و لو ما عرفتش خليها مع الصيانة.
تحياتي ...
Content Relevant URLs by
vBSEO 3.6.0 PL2