اقتباس:
المشاركة الأصلية كتبت بواسطة mohamed1979
بس يابشوى العربيه عندى طول الشتاء بتكون شرطتين لما بكون ماشى الصبح و على سرعه و اول ما ادخل فى الزحمه بترفع اربع شرط و لما امشى مسافه طويله و الجو بارد زى طريق مصر اسكندريه ممكن امشى 90% من الطريق و العربيه شرطتين
ده مش طبيعى نهائى
الثرموستات اللى فى العربية لو مظبوطة العربية بتفضل محافظة على درجة حرارتها تحت اى ظروف تلج او الدنيا مولعه هما 5 شرط اللى هما بيظهروا 4 قدامنا لأنه اوتوماتيك بيعد شرطتين شرطتين أيا كانت الظروف إلا فى حالة واحدة وهكتب تفسرها تحت انك تكون كنت فى زحمة او راجع من مشوار وبطلت العربية وسيبتها بتاع 30 ثانية كده والموضوع ده حصل مع معظم الناس فى المنتدى هتلاقى العربية قرت شرطه زيادة وبقوا 6 شرط والمروحة اشتغلت على السرعة التانية والموضوع مأخدش ثانيتين وراحت نازلة تانى لطبيعتها
انا هوضح فكرة عمل الثرموسات على حسب معرفتى
دلوقتى دورة التبريد منقسمة لجزئين الرادياتير اللى فيه المياه والقربة والمياه اللى موجودة جوه الموتور و المواسير اللى شايلة المياه ديه
نقسمهم لجزئين الردياتير والقربة دول على جنب والمياه اللى فى المواسير وجوه الموتور ودول على جنب تانى واللى فاصل بين الإتنين هيا الثرموستات او كوعة المياه اللى جواها الثرموستات
إيه اللى بيحصل بقى والثرموستات ديه بتعمل إيه بالظبط ... أول حاجة من وظايفها المهمة انها مبتخليش العربية تحتاج وقت عشان توصل لدرجة حرارتها المثالية يعنى اول مندور الصبح ونمشى مفيش 3 دقايق بتكون العربية سخنت ووصلت لدرجت حرارتها المثاليه ( إزاى )
دلوقتى بندور الصبح طبعا كل المياه اللى فى العربية بتكون حرارتها بالتقريب درجة حرارة الجو يعنى حوالى 25 درجة
اوتوماتيك الثرموستات لما بندور الصبح بتقيس درجة حرارة المياه فبتلاقيها بارده بزياده فبتمنع ان المياه تتقلب من الردياتير يعنى كمية المياه اللى بتسخن هيا المياه اللى فى الموتور والمواسير والمياه اللى فى الردياتير ملهاش علاقة ومبتدخلش مع المياه اللى فى الموتور
فبلتالى العربية بتسخن بسرعة عن لو طرمبة المياه بتقلب المياه طبيعى
يعنى مثلا كمثال المياه اللى فى الموتور 1 لتر والمياه اللى هتتقلب من الردياتير 3 لتر لو الثرموستات ديه مش موجوده كده كده الطرمبة بتقلب المياه يعنى شوف هنحتاج وقت ان ال 4 لتر مش 1 لتر هما الللى يسخنوا ويوصلوا درجة حرارة 90 على ما اعتقد وهيا ديه درجة حرارة التشغيل المثالية وبعد كده بتتقاس اوتوماتيك الحرارة لما العربية حرارتها هتعلى لو فى زحمة فتروح اوتوماتيك مفتوحة وتسمح بمرور المياه من الردياتير للموتور عشان درجة حرارته متعلاش ونفس الكلام لما بنكون فى طريق سريع والدنيا تلج هتلاقى ان درجة حرارة المياه اللى فى الموتور هتقل عن 90 مثلا عشان الدنيا تلج والمياه اللى فى الردياتير سقعة فبتروح مقفولة ومتسمحش بمرور المياه من الردياتير للموتور وهكذا
فهيا ليها حالتين يا إيما مفتوحة وديه فى الحالتين بتوع حضرتك والعربية التانية ( اللى بيحصل انها عمال على بطال بتعدى المياه من الدرياتير ومبتقفلش حتى لو الحرارة باردة فبلتالى العربية واحنا ماشين بتحتاج وقت اطول عشان تسخن + ان لو فى طريق سريع كده كده الردياتير بيكون تلج فلمياه اللى بتدخل الموتور بتكون درجة حرارتها بارده عن الطبيعى فالحرارة تبقى شرطيتين )
يا إيما مقفولة وديه كارثة هتلاقى العربية اتوماتيك حرارتها بتعلى والمروحة شغالة على طول وبرده العربية مبتبردش لأنها مبتسمحش بمرور المياه من الردياتير للموتور
الإستنتاج من الحاجة الغربية اللى كلنا ملحظنها ليه اول منرجع من مشوار ونبطل العربية واول مندورها بعديها على طول ب 30 ثانية كده الحرارة بتكون 6 شرط وتروح نازلة وليه المروحة بتفضل شغالة بعد منبطل العربية ؟!!! محدش استغرب من الموضوع ده ؟؟؟!!!
من وجهة نظرى ان الموتور مثلا درجة حرارتة الطبيعية 90 والمياه بتتقلب عادى اول مبنبطل العربية طرمبة المياه بيتوقف عملها ومبتنقلش مياه فطبعا المياه اللى جوة الموتور بتزيد عن 90 لأن مبقاش فيه نظام تبريد فالكنترول بيدى اشاره اتوماتيك للمروحة بتاعت الردياتير ان المياه سخنة فتقوم شغالة على اساس ان العربية المياه كلها سخنة حتى اللى فى الردياتير وده مش صح طبعا لأن المياه اللى فى الموتور هيا بس اللى سخنة فأول مبندور بيتقرى اوتوماتيك درجة حرارة المياه اللى فى الموتور وفى الثانيتين دول طرمبة المياه والثرموستات بيتفتحوا عشان يجيبوا مياه من الردياتير وتدخل مياه بارده وترجع درجة حرارة المياه لدرجة حرارتها المثاليه
طبعا الشرح والتحليل ده كله اجتهادى ويارب اكون عرفت اشرح وتكون كل النقط اللى قلتها صح ولو فيه اى حاجة غلط ياريت الخبرا يصححولى