الموضوع: عدّاد حرارة اللوجان....

المشاركة الأصلية كتبت بواسطة ahmedbakr50

ويايرلايت متستناش وتروح التوكيل
بس المشكلة هتثبتها إزاى عشان هتروح العربية هتبقة سخنه ومحتاجه على الأقل ساعتيت عشان متبقاش ولا شرطة لما تيجى تدور العربية

ماهي دي المشكلة اللي منعاني من مرواحي للتوكيل لان المشوار هايبقي عديم الفائدة !!!
فانا قلت اسال الاول هنا يمكن حد يكون مرت بيه التجربة دي قبل كده !؟!؟

السلام عليكم و رحمة الله
بص حضرتك دي ممكن تكون في ضبط الثيرموستات لان على حد فهمي ان الحرارة تقاس بالثيرموستات اللي بيكون عادة موجود في الرادياتير و هو المفروض ليه ضبط معين يعني مثلا لو الحرارة 50 تبقى شرطة و لو 70 تبقى شرطتين و هكذا (طبعا الارقام دي فقط للايضاح) فأعتقد ان مشوار التوكيل هايكون ليه فايده في الحالة ده لأنه هايكشف على الثيرموستات على طول و يقيس معدل ارتفاع الحرارة من الحرارة اللي حضرتك رايح بيها يعني من اربع شرط الى سته مثلا...
و عموما يا ريت لو الموضو ماجاش كده تنقلنا الخبرة بتاعتك في الموضوع ده و جزاك الله خيرا

بص ياباشا الحكايه ده بتحصل لما يكون الجو مش حر اوى و فى الشتاء عموما و لما تكون ماشى فى وش الهواء و الهواء بارد (طريق سفر مثلا)
الحكايه دى بتحصل عادى معا و مفهاش اى خوف منها خالص

باشا ..... صباح الفل

أنصحك تروح للتوكيل و الأفضل اللى فى العبور و تشرح لهم الموضوع كويس و بالتأكيد هيحلوا الموضوع أو هيفهموا سيادتك الوضع المضبوط أية.

و أنا مريت معاهم بتجربة جيدة جداً بدأت من حوالى شهر حيث أنى بعد أستلامى للسيارة وجدت الموشر عندى لا يعطى أى أشارة لا شرطة و لا أتنين و لا أربعة و أتصلت بيهم على الكول سنتر
فسألنى: هل اللمبة الحمراء بتنور عند التشغيل و تطفى؟
فأجبتة: نعم
سألنى: هل نفس اللمبة بتنور و أنت ماشى؟
فأجبتة: لا
فقال لى لأ ما تقلقش من حاجة و لما تيجى صيانة الخمسة هنبصلك عليها و نظبطهالك.
و فعلاً لما رحت صيانة الخمسة كان الكلام ده فى 3/4/2010 كشفوا على العربية و طلبوا من أعود لهم بالسيارة مرة أخرى و أتركها عندهم لأنهم محتاجين يكشفوا على الدفيرة و ده بياخد وقت.
فعلاً أرسلت السيارة لهم فى الأسبوع الذى يلية و كشفوا على العربية و قرروا يغيروا العدادات و بلغونى بهذا لكن العدادات ما كانتش موجودة عندهم فى المخازن و بعتوا جابوها من برة و تم تركيبها فى السيارة الأسبوع اللى فات و العربية زى الفل.

و فية حاجة تانية عايزك تاخد بالك منها الزحمة حاول دايماً فيها يكون فية مسافة كبيرة بينك و بين العربية اللى قدامك لأنى لاحظت أنك كل ما بتقرب من العربية اللى قدامك بترتفع درجة حرارة العربية خاصة مع تشغيل التكييف حيث أن الصهد الخارج من العربية أمامك بيكون كلة داخل على رادياتير عربيتك.

تحياتى

معلومه حلوه موضوع انك تخلى مسافه كافيه بينك وبين العربيات اللى قدامك علشان حرارة الشكمان بتاعته ماتدخلش على الردياتير بتاعك